NEHEMI 8:10 - Bibəl ta Sar̄

¹⁰ Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

Bible sar

¹⁰ Esdras əda ɓáý to̰ na: Ī-tél āwī kə̄ ɓē yāsí gə̄ tə́, āw̄ ə́saī dā̰ kə́ yḛmbə gə̄ ō, ā̰yī kasə kə́ nel̄ gə̄ ō, ī-kēgī ə́laīneé ādī de gə̄ ń ndīrə̄n̄ yá̰a̰ aĺ ní tə́ ō. Tɔdɔ̄ ndɔ̄ kə́ ɓōólaā i ndɔ̄ kə́ kɔr̄ kam̄ tay ā tām̄ yā Kɔ́ɔ̄ɓē yājí tə́. Ī-lōōī kəhɔ ndoō. Tɔdɔ̄ rɔ̄nel̄ yā Kɔ́ɔ̄ɓē i tɔ́gə́sí!

NEHEMI 8:10 Referans Kwoze

Gōsə̄ najə̄ gə̄ 17:22

Rɔ̄nel̄ kə́ kem deē tə́ adə̄ deē rɔ̄ ngan̄g, ba ndi kə rɔ̄ katāá i yá̰á̰ kə́ a tutə jī deē ō njan ō.

KOHELET 9:7

Loo ń noō tə́ ní ə́sá yá̰a̰ yāí kə rɔ̄nelēé ō, ə̄nī kemií ā̰yń kasə nduú ō, tɔdɔ̄ Nə́ɓā ndigə yá̰a̰ rāāí gə̄ kɔ̄ɔ́ ɓá.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

ESTER 9:19

I tām̄ najə̄ ń noō tə́ n Jipə kə́ ngán ɓē kə́ ndágá gə̄ tə́ a rāān̄ ndɔ̄ kə́ nge ko̰ kutə gidə i sɔ́ yā nāā Adar i ndɔ̄ rɔ̄nel̄ tə́ ō, i ndɔ̄ rāā yá̰a̰ kəsa kə́ ngá̰ý tə́ ō, i ndɔ̄ rāān̄ nāā tə́ ō ní. I ndɔ̄ ngeé ń noō tə́ n nin̄ a əlan̄neé kə núsə́ yá̰a̰ gēé a adə̄n̄ naā ní.

2 KORḚNTƏ 8:2

Wur kɔl əsō dɔ ngé taā kem kə́ tū tə́ gə̄ ngá̰ý. Banī rɔ̄də́ nel̄də́ ngá̰ý dan yá̰á̰ kə́ tōr̄ gə̄ nəkɔ́ ń noō tə́. Nin̄-ndoōn̄ ngá̰ý ɓá tā ba rāān̄ kem majə ngá̰ý.

ESTER 9:22

Tɔdɔ̄ Jipə gə̄ rāān̄ adə̄ madə̄ ba̰ā̰də́ gə̄ əya̰n̄də́ jəke i kem ndɔ̄ gə̄ ngeé ń noō tə́. I kem nāā ń noō tə́ n ngān̄g nōō téləń ngān̄g kəgō ō, yá̰á̰ kə́ majaĺ kə́ reē dɔdə́ tə́ téləń yá̰a̰ rɔ̄nel̄ ō ní. Nin̄ rāān̄ ndɔ̄ gə̄ ngeé ń noō i ndɔ̄ kəsa yá̰a̰ kə rɔ̄nelēé yādə́ tə́. Nin̄ əlan̄ kə núsə yá̰a̰ gēé adə̄n̄ naā kem ndɔ̄ gə̄ ngeé ń noō tə́ ō, adə̄n̄ ngé ndoō gə̄ yá̰a̰ karī ō.

KOHELET 3:13

Loo ń ré deē əsa ō a̰ȳ ō, ger̄ yá̰á̰ kə́ teē tū kəla yān tə́ ō anī, nge ń noō i kadə̄ karī yā Nə́ɓā.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

PILIPƏ 3:4

Tá mā i kə yá̰a̰ gə̄ kə́ asə kadə̄ m-ə̄ndań tɔ́gə́ḿ dɔ rɔ̄ḿ mə̄kɔ́ tə́ ō. Ré de kə́rēý taā kem kadə̄ n-asə kəndā tɔ́gən dɔ rɔ̄n nəkɔ́ tə́ anī, mā m-ásə kəndā tɔ́gə́ḿ dɔ rɔ̄ḿ mə̄kɔ́ tə́ tɔȳ yā kɔ́ɔ̄.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

KOHELET 5:18

Dan kə́ madə̄ gə̄ tə́ anī Nə́ɓā adə̄ deē kógə̄ḿ a ənge yá̰a̰ ō, a rāā kadə̄ kɔ́ɔ̄ rāā rɔ̄nel̄ yá̰á̰ ń ɔsə dɔ naā tə́ ní ō. Ni asə kun núsə́ yá̰á̰ ń i kə sɔɔ̄ dɔn ní ō, rāań rɔ̄nel̄ ō, tɔdɔ̄ i tətōn nəkɔ́. Nge ń noō i kadə̄ karī yā Nə́ɓā.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

1 SAMUEL 25:8

Ré ni dəjedə́ anī a ədan̄ kadə̄ i najə̄ kə́ rɔ̄kum. Ə́daniī kadə̄ əhɔsí kə̄ rɔ̄n tə́ majə, tɔdɔ̄ āwī rɔ̄n tə́ i ndɔ̄ rāā nāā tə́. m̄-rāān ɓɔ́ kadə̄ adə̄sí sḭḭ̄ ō mā Dabid ń i ngōnən ní ō yá̰á̰ ń tɔ́gən asə kadə̄ adə̄jí ní.

NEHEMI 8:11

Ngán Lebi gə̄ sɔlə̄n̄ kem de gə̄ ō, nin̄ ədan̄ na: Ī-raī tasí mbóo! Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Nə́ɓā tə́. Ādī wursí ɔlsí alé.

NEHEMI 8:12

Loo ń noō tə́ de gə̄ malang tél aw̄n̄ kə̄ ɓē gə̄ tə́ yā kəsa yá̰a̰ ō, ka̰ȳ yá̰a̰ ō. Nin̄ əlan̄ kə núsə yá̰a̰ k əsa yādə́ gēé adə̄n̄ ngé gə̄ ń yādə́ gətóó ní ō, rāān̄ rɔ̄nel̄ ngá̰ý ō, tɔdɔ̄ nin̄ gerə̄n̄ kum najə̄ gə̄ ń ɔjən̄də́ ní majə.

JAKARI 14:21

Jóo ndīr̄ yá̰a̰ gə̄ malang kə́ kem ɓē kə́ Jerusalem tə́ ō, dɔ nang kə́ Juda tə́ ō ní, a ɔrə̄n̄ kam̄də́ tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. De gə̄ ń a reēn̄ ndējə̄ yá̰á̰ kə́ tun̄ gə̄ tə́ ní, a ɔyn̄ jóo gə̄ ní yā ndīrəń dā̰. Loo ń ré ndɔ̄ ní a ugə̄ anī, ngé kigə yá̰a̰ gə̄ a gətóon̄ kem kújə yā Kɔ́ɔ̄ɓē kə́ bo kə́ tɔ́gən i ngá̰ý tə́.

1 MBAN̄G GƏ̄ 8:66

Kə̄ ndɔ̄ kə́ nge ko̰ sɔ́sɔ́ anī Salomo̰ əya̰ de gə̄ adə̄ aw̄n̄. De gə̄ ní rāān̄ mban̄g lápə́ya ba télən̄ kə̄ ɓē yādə́ gə̄ tə́ kə rɔ̄nelēé. Kemdə́ nel̄də́ ngá̰ý najə̄ yá̰á̰ kə́ majə gə̄ ń Kɔ́ɔ̄ɓē rāā kə nge kəla yān Dabid ō, kə Israel gə̄ ń i gír deē yān gə̄ ō, ní tə́.

1 YÁ̰A̰ GƏ̄ 16:27

Loo kə́ ndə́lē pipir ō, unjə̄ kow ō, i kété non tə́. Loo ń ni-ndi tū tə́ ní tɔ́gə ō, rɔ̄nel̄ ō, i ngá̰ý tū tə́.

PĀ GƏ̄ 89:17

A ndāmə̄n̄ kə rɔ̄nelēé najə̄ yāí tə́ dəloí bátə́ kadə̄ loo tíbə dɔdə́ tə́, A ɔrə̄n̄ dɔdə́ dɔɔ́ kə ta kūl̄ yá̰a̰ rāāí kə́ gōtə́ gə̄.

IJAI 49:5

Ba ngɔlaā ní, Kɔ́ɔ̄ɓē ɔr̄ najə̄. Ni rāām̄ kété pá tá kadə̄ ojəmə̄n̄ ɓáý, yā kadə̄ mā i nge kəla yān. Ni ndigə kadə̄ m̄-tél kə ngán Jakob gēé kə̄ rɔ̄n tə́, kadə̄ m-ósə dɔ gír de gə̄ yā Israel gə̄ kə̄ naā tə́. Kɔ́ɔ̄ɓē əhɔ gōḿ ō, Nə́ɓā yāḿ i tɔ́gə́ḿ ō.