NEHEMI 8:1 - Bibəl ta Sar̄

^1-2 Kə ndɔ̄ kə́ ta kəga dɔ yā nāā kə́ nge ko̰ sīrí anī ngán Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

Bible sar

^1-2 Kə ndɔ̄ kə́ ta kəga dɔ yā nāā kə́ nge ko̰ sīrí anī ngán *Israel gə̄ kánə̄n̄ naā ndágə loo kə́ ta róbə yā man̄ gə̄ tə́. Nin̄ malang ní kemdə́ i kógə̄ḿ. Nin̄ ədan̄ Esdras nge ndóō de gə̄ ndū najə̄ kadə̄ reē kə makətūbə̄ *ndū najə̄ ń Kɔ́ɔ̄ɓē adə̄ Moijə kadə̄ adə̄ Israel gə̄ ní. Esdras reēń nodə́ tə́, adə̄ i no dəngam gə̄ tə́ ō dəyá̰ gə̄ tə́ ō ngáń kə́ ɓāl̄də́ asə kadə̄ gerə̄n̄ kum najə̄ gə̄ tə́ ō.

NEHEMI 8:1 Referans Kwoze

ESDRAS 7:6

ḭḭ Babilon reē ugə̄. Ni i nge ndang makətūbə̄ kə́ ger̄ ndóō de gə̄ ndū najə̄ ń Kɔ́ɔ̄ɓē Nə́ɓā yā Israel adə̄ Moijə ní ngá̰ý. Jī Kɔ́ɔ̄ɓē Nə́ɓā yān i dɔn tə́ adə̄ mban̄g adə̄n yá̰a̰ malang ń ni-dəje ní.

NEHEMI 3:26

Ngé kəla gə̄ ń ndin̄ Opel ní rāān̄ kəla ugə̄n̄ kújə́ kə́ ngāl̄ ɓururu kə́ teē kə̄ ndágá ń deē ra ta róbə yā man̄ tə́ anī i kə̄ dām̄ kə́ gír ɓē tə́ ní.

2 YÁ̰A̰ GƏ̄ 34:15

Hilkia əda Sapan nge ndang makətūbə̄ na n-ənge makətūbə̄ ndū najə̄ kem kújə yā Kɔ́ɔ̄ɓē tə́. Gō tə́ anī ni-tél kə makətūbə̄ ní adə̄ Sapan.

ESDRAS 7:11

Najə̄ ń mban̄g Artajerses ndang adə̄ Esdras nge tun̄ yá̰á̰ kə́ ngé ndóō de gə̄ ndū najə̄ ō, kə́ nge ndang yá̰a̰ gə̄ ń Kɔ́ɔ̄ɓē əda kadə̄ yā rāā ní ō, kə́ nge ndang ndū najə̄ gə̄ yā Kɔ́ɔ̄ɓē kə́ tām̄ yā Israel tə́ ō ní, n toó:

MATIYE 23:34

I tām̄ najə̄ ń noō tə́ n m-ā m-ə́lá ngé koō ta gə̄ ō, ngé kum kedə̄ gə̄ ō, ngé ndóō de gə̄ ndū najə̄ gə̄ ō, kə̄ rɔ̄sí tə́ ní. Ā ī-tɔ̄lī kə́rēý gə̄ ō, ā ə́ndaī ngé kə́rēý gə̄ tū kāgə̄ kə́ dēsə́ tə́ kə máyá̰ ō, ā ə́ndaī kə́rēý gə̄ kə mərawaá kem kújə́ kán̄ naā yāsí tə́ ō, ā ī-ngɔ̄dīdə́ kə gō ɓē gə̄ ō.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MATIYE 23:2

Ngé ndóō de gə̄ ndū najə̄ gə̄ ō, Parijiyḛ gə̄ ō, ndin̄ loo ndi yā Moijə tə́ a ɔjən̄neé de gə̄ kum ndū najə̄ gə̄ yā Moijə.

MATIYE 13:52

Loo ń noō tə́ Jeju ədadə́ na: I beé ní, náā nəkɔ́ ń i nge ndóō de gə̄ ndū najə̄ tá tél nge ndóō yá̰á̰ kə́ dɔ Ɓē ko̰o̰ kə́ dɔ rā̰ tə́ ní, ni i tītə̄ kɔ́ɔ̄ kújə́ kə́ a ɔr̄ yá̰á̰ kə́ kijə gə̄gē, kə́ jóo gə̄gē, dan yá̰a̰ kənge yān kə́ gātə̄n i ngá̰ý tə́ beē.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

NEHEMI 12:37

Dan ń ugə̄n̄ ta róbə kəɓa man̄ tə́ anī, róbə́ kə́ əta tan kə̄ dɔɔ́ ta kaw̄ kə̄ kem ɓē yā Dabid tə́ i nodə́ tə́. Nin̄-unən̄ róbə́ ní dɔ ndogə̄ mbal̄ tə́ adə̄ kújə mbang yā Dabid i kə̄ nang tə́. Nin̄-aw̄n̄ bátə́ ugə̄n̄ ta róbə man̄ tə́ dām̄ kə́ gír ɓēé tə́.

NEHEMI 8:16

Loo ń noō tə́ ngán Israel gə̄ teē aw̄ sāān̄ ta jī kāgə̄ gə̄ yā reē rāań kújə́ kámbə gə̄. Ngé kə́rēý gə̄ rāān̄ kújə́ kámbə yādə́ gə̄ i dɔ kújə́ dúŕ dur yādə́ gə̄ tə́ ō, kə́rēý gə̄ rāān̄ yādə́ gə̄ i ndágə loo kə́ ta kújə yādə́ gə̄ tə́ ō, kə́rēý gə̄ rāān̄ yādə́ gə̄ i ndágə loo kə́ ta kújə yā Kɔ́ɔ̄ɓē tə́ ō, kə́rēý gə̄ rāān̄ yādə́ gə̄ i ndágə loo kə́ ta róbə yā man̄ tə́ ō, ndágə loo kə́ ta róbə yā Epəraim tə́ ō.

NGÉ SARYA 20:8

De gə̄ malang ḭḭn̄ dɔɔ́ gidə kógə̄ḿ ba ədan̄ na: De kógə̄ḿ danjí tə́ kə́ yā tél kaw̄ gogə́ kem kújə tandā yān tə́ ō, ɓēé looneé ō ní a gətóo.

NGÉ SARYA 20:1

Ngán Israel gə̄ malang teēn̄ gidə kógə̄ḿ kánə̄n̄ naā ta kum Kɔ́ɔ̄ɓē tə́ kem ɓē kə́ Misəpa tə́. Ḭḭn̄ i kə̄ dɔ ɓē yādə́ gə̄ tə́ malang n reēn̄ ní. Ḭḭn̄ i ɓē gə̄ ń əla gír Dan bátə́ teēń Beer Seba ní ō, ḭḭn̄ i dɔ nang kə́ Galaad tə́ ō.

2 YÁ̰A̰ GƏ̄ 34:30

ba aw̄n̄ kem kújə yā Kɔ́ɔ̄ɓē tə́, naā tə́ kə de kə́ Jerusalem gə̄ ō, de kə́ Juda gə̄ ō, ngé tun̄ yá̰a̰ gə̄ ō, ngán Lebi gə̄ ō, de gə̄ malang, kə́ bo gə̄gē, kə́ dūú gə̄gē. Gō tə́ anī mban̄g un ndūn kə̄ dɔɔ́ tə́dań najə̄ gə̄ kə́ kem makətūbə̄ madə̄ naā ń əngen̄ kem kújə yā Kɔ́ɔ̄ɓē tə́ ní adə̄ de gə̄ malang.

ESDRAS 7:10

Tām̄ Esdras əndā rɔ̄n ta ndóō ndū najə̄ yā Kɔ́ɔ̄ɓē tə́ ō, yá̰á̰ ń ndū najə̄ əda ní ni-əndā rɔ̄n ta tə́ rāā ō, tá yá̰a̰ gə̄ ń ndū najə̄ əndā dɔ de gə̄ tə́ kadə̄ rāān̄ ní ō, jī bēl̄ loo rāā yá̰a̰ gə̄ ń ndū najə̄ ɔjə ō ní, ni-əndā rɔ̄n ta tə́ ndóō ngán Israel gə̄ ō.

NEHEMI 8:3

Esdras tə́da najə̄ kə́ kem makətūbə̄ ní tə́ adə̄də́. Ni-əla gír tə́da i dəloí ɓatə bátə́ mbang ugə̄ dan ɓēé. Ni-ra i ndágə loo kə́ sɔɔ̄n̄ ta naā kə ta róbə yā man̄ gə̄ tə́ n tə́dań ní. De gə̄ malang nēlə̄n̄ mbīdə́ oōn̄neé najə̄ kə́ kem makətūbūú.

LEBI GƏ̄ 9:5

Dan ń reēn̄ kə yá̰a̰ gə̄ ń Moijə tə́dá ní ta kújə kənge naā tə́ oy anī, ngán Israel gə̄ malang ndɔ́tə̄n̄ kə̄ ngɔr ba reē ran̄ ta kum Kɔ́ɔ̄ɓē tə́.

2 MBAN̄G 23:2

Ni-aw̄ sedə́ kem kújə yā Kɔ́ɔ̄ɓē tə́. De kə́ Juda gə̄ malang ō, kə́ Jerusalem gə̄ malang ō, dānə̄n̄də́, adə̄ ngé tun̄ yá̰a̰ gə̄ ō, ngé koō ta gə̄ ō, ngán gə̄ ō ngátɔ́gə gə̄ ō. Mban̄g tə́da najə̄ gə̄ kə́ kem makətūbə̄ madə̄ naā ń əngen̄ kem kújə yā Kɔ́ɔ̄ɓē tə́ ní adə̄ oōn̄ malang.

ESDRAS 7:1

Gō yá̰a̰ gə̄ ń noō tə́ anī ɓāl̄ ko̰o̰ ɓē yā Artajerses mban̄g kə́ Persə tə́ ní, Esdras ngōn̄ Seraya kə́ ngōn̄ Ajaria kə́ ngōn̄ Hilkia

NEHEMI 12:26

Nin̄ rāān̄ kəla yādə́ i ɓāl̄ yā Yoyakim kə́ ngōn̄ Yesua kə́ ngōn̄ Yosadak tə́ ō, Nehemi nge ko̰o̰ ɓē tə́ ō, Esdras nge tun̄ yá̰á̰ kə́ nge ndóō de gə̄ ndū najə̄ tə́ ō.