NEHEMI 7:2 - Bibəl ta Sar̄

² M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

Bible sar

² M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

NEHEMI 7:2 Referans Kwoze

NEHEMI 1:2

Ngōkó̰ó̰ḿ kógə̄ḿ kə́ dan madə̄ gə̄ tə́ ń rīn na i Hanani ní ḭḭ gō nang kə́ Juda tə́ reē kə de kə́rēý gēé seneé. M-dəjedə́ kōō Jipə gə̄ ń tél aw̄ ndin̄ Jerusalem ní ō, m̄-dəjedə́ najə̄ kə́ dɔ ɓē kə́ Jerusalem tə́ ō.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

PĀ GƏ̄ 101:6

M-ā m-á̰á̰ ngé ra dɔ ndūdə́ tə́ gə̄ kə́ kem ɓēé yā ger̄də́, yā kadə̄ nin̄ ndin̄ kadəḿ tə́. De kə́ nge rāā yá̰á̰ kə́ gōtə́ a rāā kəla yāḿ.

NEHEMI 10:23

Pelatia ō Hanan ō Hanania ō

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.

1 MBAN̄G GƏ̄ 18:3

Akab ɓāŕ Obadia ń i de kə́ dɔ yá̰a̰ kənge yā mban̄g tə́ ní. Tá Obadia i de kə́ ɓōĺ ndíĺ Kɔ́ɔ̄ɓē ngá̰ý,

2 TIMOTE 2:2

Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

DANIEL 6:4

Daniel ngeé ń toō tɔȳ de kə́ bo madə̄n kə́ jōó gə̄ ō, tɔȳ ngé kɔsə kum gotə mban̄g dɔ ɓē tə́ gə̄ malang ō, tɔdɔ̄ ndíĺ kə́ kə́ kemən tə́ i ndíĺ kə́ tayā. Adə̄ mban̄g gír̄ kəndān dɔ ɓē ko̰o̰ tə́ kə taá malang.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

NEHEMI 13:13

De gə̄ ń m̄-gə̄rādə́ kadə̄ ngɔ̄mə̄n̄ kújə ngɔ̄m̄ yá̰a̰ gə̄ ní i Selemia kə́ nge tun̄ yá̰a̰ ō, Sadok nge ndang makətūbə̄ ō, Pedaya kə́ ngōn̄ Lebi ō. Deē ń ərōdə́ tə́ ní i Hanan kə́ ngōn̄ Jakur kə́ ngōn̄ Matania. Nin̄ malang ní de gə̄ rāān̄də́ i de gə̄ kə́ ran̄ dɔ ndūdə́ tə́. I nin̄ n i ngé nə̄ɓō ngákó̰ó̰də́ gə̄ yá̰a̰ ndējə̄ gə̄ ní.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

TƏ́DA 12:7

Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

MATIYE 24:45

Nge kəla kə́ nge ra dɔ ndūn tə́ ō, kə́ nge kum kedə̄ ō ń kɔ́ɔ̄n əndā kəla ka̰a̰ gō ngé kəla madə̄n gə̄ dɔn tə́, kadə̄ adə̄də́ yá̰a̰ kəsa yādə́ kə kum mbangneé ní i náā?

NEHEMI 7:3

M-ə́dádə́ na: Ré mbang tɔgə kə̄ dɔɔ́ pá tá deē a teē ta róbə kə́ yā kudəń kə̄ kem ɓē kə́ Jerusalem tə́ ɓáý ō, ré ngé ngɔ̄m̄ ta róbə gə̄ reēn̄ ta kəla yādə́ tə́ aĺ ɓáý anī ta róbə gə̄ a ran̄ i kə kutú ō, tadə́ i kə́ rákə̄ ō. A əndān̄ ngəra kəla ngɔ̄m̄ loo dɔ de kə́ Jerusalem gə̄ tə́ kadə̄ ngɔ̄mə̄n̄ kə kum mbangneé. De kógə̄ḿ kógə̄ḿ a ənge kəla ngɔ̄m̄ loo, náā nəkɔ́ a ra i loo kə́ sɔɔ̄n̄ ta naā kə kújə yānneé tə́.