NEHEMI 7:1 - Bibəl ta Sar̄

¹ Dan ń əndān̄ ndogə̄ mbal̄ oy ō, tə́lan̄ bápə gə̄ ta róbə gə̄ tə́ oy ō anī, tə́ndān̄ ngé ngɔ̄m̄ ta róbə gə̄ ō, gōsə̄ pā gə̄ ō, ngán Lebi gə̄ ō, kem kəla yādə́ gə̄ tə́.

Bible sar

¹ Dan ń əndān̄ ndogə̄ mbal̄ oy ō, tə́lan̄ bápə gə̄ ta róbə gə̄ tə́ oy ō anī, tə́ndān̄ ngé ngɔ̄m̄ ta róbə gə̄ ō, gōsə̄ pā gə̄ ō, *ngán Lebi gə̄ ō, kem kəla yādə́ gə̄ tə́.

NEHEMI 7:1 Referans Kwoze

NEHEMI 6:15

Gír kəla kəndā ndogə̄ mbal̄ gān̄g i kem nāā Elul tə́, kə ndɔ̄ nāā kə́ nge ko̰ kutə jōó gidə i mí. Malang ɓáa kəla kəndā ndogə̄ mbal̄ rāā i ndɔ̄ kutə mí gidə i jōó.

NEHEMI 6:1

Sanbalat ō Tobia ō Gesem ń i Arabə ní ō, gotə madə̄ ba̰ā̰jí kə́ rang gə̄ ō, oōn̄ kadə̄ m̄-tél m-ə̄ndā ndogə̄ mbal̄ gidə ɓē tə́ gogə́ ō, kadə̄ loo gə̄ ń ndogə̄ mbal̄ tétə̄ nang tə́ tū tə́ ní i kə́ tə́nī kum kɔ̄ɔ́ malang ō. Dan ngeé ń noō tə́ ní m̄-tə́lá bápə gə̄ ta róbə ndogə̄ gə̄ tə́ aĺ ɓáý.

2 YÁ̰A̰ GƏ̄ 31:2

Ejekias tə́nda ɓūtə̄ ngé tun̄ yá̰a̰ gə̄ ō, ngán Lebi gə̄ ō. Ni-adə̄də́ kəla kógə̄ḿ kógə̄ḿ kə dɔdə́ gēé kem ɓūtə̄ yādə́ gə̄ tə́. Adə̄ i kəla yá̰á̰ kə́ yā tun̄ kə taá gə̄ ō, yá̰a̰ tun̄ gə̄ kə́ tām̄ yā kem kógə̄ḿ tə́ ō, kəla ndadə̄ ō, tɔ̄ȳ Kɔ́ɔ̄ɓē ō, kadə̄ rāān̄ kem loo kə́ táĺ yā Kɔ́ɔ̄ɓē ń ənīn̄ ndogə̄ dɔ tə́ ní tə́.

NEHEMI 12:24

Hasabia ō Serebia ō Yesua kə́ ngōn̄ Kadəmiel ō ń i ngār gə̄ kə́ dɔ ngán Lebi gə̄ tə́ ní, ré ta kəla i dɔdə́ tə́ anī nin̄ ran̄ kumdə́ sɔɔ̄ ta naā kə ngán Lebi kə́ rang gēé yā kənīń pā gə̄ kə́ yā ɓōkə́nń Kɔ́ɔ̄ɓē tɔ̄ȳ ō, kə́ yā ndadə̄nneé tām̄ yā kem majə yān tə́ ō, tītə̄ ń Dabid kə́ deē yā Nə́ɓā ədań kadə̄ yā rāā ní.

NEHEMI 11:3

Ngār gə̄ kə́ ngán ɓē kə́ ndágá gə̄ tə́ ndin̄ i Jerusalem. Banī gotə ngán Israel kə́ rang gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé kəla gə̄ ō, ngán kaa ngé rāā kəla yā Salomo̰ gə̄ ō, ndin̄ i dɔ nang yādə́ tə́ kə̄ kem ɓē yādə́ gə̄ tə́.

NEHEMI 10:39

Dan ń a taān̄ anī nge tun̄ yá̰á̰ kógə̄ḿ kə́ ngōn̄ Aaro̰ a ra loo taān tə́ sedə́ ō, ré dɔ yá̰á̰ kə́ kɔr̄ kógə̄ḿ dan kə́ kutə gə̄ tə́ ní ugə̄ kutə anī, nin̄ a ɔrə̄n̄ kógə̄ḿ tām̄ yā kújə yā Nə́ɓā yājí tə́ ō, ba a aw̄n̄neé i kem kújə ngɔ̄m̄ yá̰a̰ kənge tə́.

ESDRAS 3:8

Kem nāā kə́ nge ko̰ jōó tə́ yā ɓāl̄ ń utə̄ gō nge ń nin̄ ugə̄n̄neé Jerusalem, ɓē ń kújə yā Nə́ɓā i kemeé tə́ ní anī, Jorobabel ngōn̄ Sealtiel ō, Yesua ngōn̄ Yosadak ō gá̰á̰ ngákó̰ó̰də́ gə̄ kə́ ngé tun̄ yá̰a̰ gə̄ ō, ngán Lebi gə̄ ō, de gə̄ malang ń ɔyn̄də́ aw̄n̄ sedə́ ɓəlo tə́ tá tél reēn̄ gogə́ Jerusalem ní ō, udən̄ kə̄ rɔ̄ kəla tə́ rāān naā tə́. Nin̄ tə́ndān̄ ngán Lebi gə̄ kə́ ɓāl̄də́ i kutə jōó gə̄ ō, ngé kə́ ɓāl̄də́ ḭḭ dɔ kutə jōó tə́ ta kaw̄ kə̄ dɔɔ́ gə̄ ō, kadə̄ unən̄ dɔ kəla kújə yā Kɔ́ɔ̄ɓē.

2 MBAN̄G 7:10

Nin̄ aw̄n̄ ɓārə́n̄ ngé ngɔ̄m̄ ta róbə ndogə̄ kə́ yā kudəń kə̄ kem ɓēé gə̄, ba ədan̄də́ na: J-udə̄ kem gérger yā Aram gə̄ tə́, banī j-a̰a̰ deē kógə̄ḿ aĺ ō, j-oō ndū deē aĺ ō, ba j-ənge i sə́nda gə̄ ō, kərō gə̄ ō kə́ do̰ō̰n̄də́, kújə tandā kə́ kəya̰ kɔ̄ɔ́ gə̄ ō ngóy.

NEHEMI 6:19

Nin̄ ədan̄ najə̄ yān kə́ majə ta kumḿ tə́ gə̄gē, télən̄ kə najə̄ kɔrə̄ḿ gə̄ aw̄ ədanən̄ ō. Kété ní Tobia ndang makətūbə̄ əlań adə̄m̄ yā kəlań ɓōĺ kemḿ tə́.