NEHEMI 6:9 - Bibəl ta Sar̄

⁹ Nin̄ malang ní sāān̄ i kəla ɓōĺ kemjí tə́, kadə̄ tɔ́gə́jí ur̄ wak kadə̄ j-əya̰ ta kəla kɔ̄ɔ́. Kɔ́ɔ̄ɓē, ādə̄m̄ tɔ́gə loo kəla yāḿ tə́!

Bible sar

⁹ Nin̄ malang ní sāān̄ i kəla ɓōĺ kemjí tə́, kadə̄ tɔ́gə́jí ur̄ wak kadə̄ j-əya̰ ta kəla kɔ̄ɔ́. Kɔ́ɔ̄ɓē, ādə̄m̄ tɔ́gə loo kəla yāḿ tə́!

NEHEMI 6:9 Referans Kwoze

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

HEBƏRO 12:12

I beé ní, jīsí gə̄ ń ɔrən̄ kɔ̄ɔ́ ní, ī-téĺ ɔ́yiīdə́ dɔɔ́ ō, kejəsí gə̄ ń sɔlə̄n̄ yélélé ní, ī-rāāīdə́ ādə̄ tél ngangə̄n̄ gogə́ ō!

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

EPEJƏ 3:16

Ādə̄ ni ń kɔsə gɔn yān al̄ naā páráńg ní, adə̄sí tɔ́gə kə ta kūl̄ Ndílneé.

2 KORḚNTƏ 12:9

Banī ni-tél ədam̄ na kem majə ń na n-rāā seḿ ní na asə tām̄ yāḿ tə́. Tām̄ tɔ́gən ɔjə rɔ̄n kə̄ ndágá ngá̰ý i dan ń tɔ́gə́ḿ mā na gətóo kɔ̄ɔ́ tə́ ní. Adə̄ yá̰á̰ ń kemḿ gḛy ngá̰ý ní i kɔjə rɔ̄ḿ tām̄ yā tɔ́gə gətóo yāḿ tə́, yā kadə̄ tɔ́gə Kərist ɔjəń rɔ̄n kə̄ ndágá kə ta kūlə̄ḿ.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

2 YÁ̰A̰ GƏ̄ 15:7

Banī sḭḭ̄ ī-ndiī ngan̄g. Ī-lōōī kəya̰ rɔ̄ɔ̄sí kadə̄ ɔrə̄n̄ tɔ́gə́sí kɔ̄ɔ́. A əndān̄ njasí tām̄ yā kəla ń ī-rāāī tə́ ní.

PĀ GƏ̄ 71:1

Kɔ́ɔ̄ɓē, m̄-rāāī i loo ɓɔ̄ɔ̄ rɔ̄ yāḿ tə́. Ādə̄ m-ə́nge rɔ̄sɔl̄ gogə́ to̰ aĺ bátə́!

PĀ GƏ̄ 56:3

Ngé rɔ̄ɔ̄ḿ gə̄ aw̄n̄ seḿ gadə gadə kə ndɔ̄ gə̄, banī ɓūtə̄ de kə́ ngá̰ý gə̄ rɔ̄ɔ̄n̄ dɔ rā̰ tə́ tām̄ yāḿ tə́.

NEHEMI 6:14

Nə́ɓā yāḿ, ādə̄ əga kemií dɔ Tobia nin̄ kə Sanbalat tə́ najə̄ yá̰a̰ rāādə́ gə̄ tə́ ō, ādə̄ əga kemií dɔ Noadia nge koō ta kə́ dəyá̰ tə́ ō, dɔ gotə ngé koō ta gə̄ ń sāān̄ kəla ɓōĺ kemḿ tə́ ní ō!

PĀ GƏ̄ 68:35

Ədaī na tɔ́gə i yā Nə́ɓā, ə́daī na ni i de kə́ bo dɔ ɓē kə́ Israel tə́ ō, tɔ́gən i dan kil̄ man̄ tə́ ō.

2 YÁ̰A̰ GƏ̄ 32:18

Ngámbang kəla yā Senakerib gə̄ unən̄ ndūdə́ i kə̄ dɔɔ́ n a ɔr̄ə̄n̄neé najə̄ kə tɔ́gɔ́ kə de gə̄ ń ran̄ dɔ ndogə̄ mbal̄ kə́ Jerusalem tə́ ní. Nin̄ ɔrə̄n̄ najə̄ sedə́ i kə ta Hebəro. San̄ i kəla ɓōĺ kemdə́ tə́ ō, kɔr̄ tɔ́gə́də́ kɔ̄ɔ́ ō, yā taāń ɓē.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

ESDRAS 1:6

Madə̄ ɓēdə́ gə̄ rāān̄ sedə́, adə̄n̄də́ ngáń gájə́ yá̰a̰ rāā kəla gə̄ kə́ rāān̄ kə gində̄ arjā̰a̰á̰ ō, kə lɔ́rɔ́ ō, yá̰a̰ kənge kə́ rang gə̄ ō, yá̰á̰ kə́ tayā tayā gə̄ kə́ gātə̄də́ i ngá̰ý gə̄ ō, yá̰a̰ kul̄ gə̄ ō, adə̄n̄də́ yá̰a̰ ndējə̄ gə̄ kə́ nin̄ kɔ́ gə̄ adə̄n̄ kə gō kem ndigə̄ yādə́ tām̄ yā kújə yā Kɔ́ɔ̄ɓē tə́ ō.

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.

IJAI 40:29

Deē ń tɔ́gən gətóó ní, ni-adə̄n tɔ́gə gogə́, deē ń tɔ́gən təgā kɔ̄ɔ́ ní, ni-adə̄n kəhɔ rɔ̄ tɔgə.