NEHEMI 6:16 - Bibəl ta Sar̄

¹⁶ Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

Bible sar

¹⁶ Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

NEHEMI 6:16 Referans Kwoze

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

PĀ GƏ̄ 126:2

J-əgō ngá̰ý ō, jə-túr̄ kɔĺ kə rɔ̄nelēé ngá̰ý ō. Nápar de kə́ rang gə̄ ədan̄ na: Kɔ́ɔ̄ɓē rāā yá̰á̰ kə́ bo ngá̰ý tām̄ yādə́ tə́!

NEHEMI 4:7

Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

NEHEMI 4:1

Dan ń Sanbalat ō Tobia ō Arabə gə̄ ō Amon gə̄ ō Asdod gə̄ ō oōn̄ kadə̄ kəla kəndā ndogə̄ mbal̄ kə́ Jerusalem a aw̄ i kum kə̄ kété ō, kum loo kə́ ra wōȳ kə́ tū tə́ gə̄ i kə́ kutə̄ kɔ̄ɔ́ ō anī, wōn̄g rāādə́ ngá̰ý.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

KƏLA RĀĀ 5:38

Adə̄ kə́ ɓōó ń toō ɓáa m-ə́dásí: Ī-lōōī kaw̄ gír najə̄ yā de gə̄ ń toō tə́ to̰, ə́ya̰īdə́ ādə̄ aw̄n̄! Ré yá̰á̰ ń gírə̄n̄ kadə̄ a rāān̄ ní ō, kəla yādə́ ō, i yá̰a̰ yā de gə̄ anī a nujə.

TƏ́DA 23:23

Kəndā gara gətóo dan ngán Israel gə̄ tə́ ō, koō ta kɔdə̄ sāā gə̄ gətóo dan ngán Israel gə̄ tə́ ō. Ré asə dɔ tə́ anī a ədan̄ ngán Jakob gə̄ ō, ngán Israel gə̄ ō, yá̰á̰ ń Nə́ɓā rāā ní.

Teē Ngán Israel gə̄ 14:25

Ni-do̰ō̰ nja púsə rɔ̄ɔ̄ yādə́ gə̄ gotə kógə̄ḿ, adə̄ loo kɔrdə́ tōr̄. Loo ń noō tə́ de kə́ Ejiptə gə̄ ədan̄ na kə n-a̰ȳn̄ naā no ngán Israel gə̄ tə́ kə n-aw̄n̄ sa̰y kɔ̄ɔ́, tɔdɔ̄ na i Kɔ́ɔ̄ɓē n a rɔ̄ɔ̄də́ adə̄ ngán Israel gə̄ toó.

NEHEMI 6:17

Dan ngeé ń noō tə́ ní de kə́ bo kə́ Juda tə́ gə̄ ndangən̄ makətūbə̄ ngá̰ý adə̄n̄ Tobia ō, Tobia ndang adə̄də́ ngá̰ý ō.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

JOJUE 2:11

Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō.

PĀ GƏ̄ 109:27

Kɔ́ɔ̄ɓē, ādə̄ de gə̄ ń noō gerə̄n̄ kadə̄ i ḭ̄ n ī-rāā yá̰á̰ ní, ādə̄ gerə̄n̄ kadə̄ i ḭ̄ n ī-rāā yá̰á̰ ń noō tām̄ yāḿ tə́ ní.

PĀ GƏ̄ 129:5

De gə̄ malang ń imə̄n̄ ɓē kə́ Siyo̰ ní ādə̄ rɔ̄də́ sɔl̄də́ ō, ādə̄ télən̄ kə̄ gogə́ ō!

PĀ GƏ̄ 147:2

Kɔ́ɔ̄ɓē rāā ɓē kə́ Jerusalem gogə́ rang. Israel gə̄ ń ɔrə̄n̄də́ kɔ̄ɔ́ ní, a télən̄ yā kán̄ njadə́.