NEHEMI 6:13 - Bibəl ta Sar̄

¹³ Adə̄nən̄ nar gírí i tām̄ yā rí tə́? I yā kadə̄ ré ɓōĺ kə rāām̄ ɓáa kə m̄-rāā tītə̄ ń ədań ní kadə̄ m̄-mānə ń dɔ ndū Nə́ɓā. Loo ń noō tə́ nin̄ a əngen̄ ta róbə kənda rīḿ loo tə́ kadə̄ rīḿ ɓār̄ majə aĺ ō, kadə̄ ədan̄ na mā n a i nge tájə̄ Nə́ɓā ō.

Bible sar

¹³ Adə̄nən̄ nar gírí i tām̄ yā rí tə́? I yā kadə̄ ré ɓōĺ kə rāām̄ ɓáa kə m̄-rāā tītə̄ ń ədań ní kadə̄ m̄-mānə ń dɔ ndū Nə́ɓā. Loo ń noō tə́ nin̄ a əngen̄ ta róbə kənda rīḿ loo tə́ kadə̄ rīḿ ɓār̄ majə aĺ ō, kadə̄ ədan̄ na mā n a i nge tájə̄ Nə́ɓā ō.

NEHEMI 6:13 Referans Kwoze

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

JAKƏ 4:17

Adə̄ deē ń ger̄ rāā yá̰a̰ kə́ majə tá rāā aĺ ní, rāā i majaĺ.

2 TIMOTE 1:7

Tɔdɔ̄ Nə́ɓā adə̄jí i ndíĺ kə́ yā kadə̄ jə-ɓōlíīneé kum deē alé, ba i kadə̄ j-awīneé kə tɔ́gɔ́ ō, jə-táriīneé de gə̄ ō, jə-gerīneé kəhɔ rɔ̄jí dɔ yá̰á̰ tə́ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

Gōsə̄ najə̄ gə̄ 29:5

De kə́ nge gól̄ kum madə̄n gə̄ i nge kəyā gūmbə̄ dɔ róbə yān nəkɔ́ tə́.

NEHEMI 6:6

Najə̄ kə́ kem makətūbə̄ ní tə́ n toó: Najə̄ ń nápar de gə̄ a ɔrə̄n̄ ní n toó, tá Gesem əda ō, na ḭ̄ ō, Jipə gə̄ ō, na ī-gírī i tā̰ mban̄g rɔ̄. Na ī-tél na ī-rāā ndogə̄ mbal̄ gogə́ rang na i tām̄ najə̄ ń noō tə́, na ḭ̄ na ī-sāā kadə̄ kə ḭ̄ i mban̄g yādə́ tītə̄ ń de gə̄ a ədan̄neé ní. Tá Gesem əda i beé ō.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

TITƏ 2:8

Ādə̄ najə̄ kɔrīí i najə̄ kə́ to ngáā ō, kə́ dum̄ kadə̄ deē nējə̄ ō.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

2 KORḚNTƏ 11:12

Yá̰á̰ ń m̄-rāā toó m-ā m-ún ta ɓáý, yā kadə̄ ngé gə̄ ń a sāān̄ najə̄ kə́ yā kəga rɔ̄də́ gidə tə́ ba kɔrəń ta rɔ̄də́ ō, kədań na kəla rāādə́ na i tītə̄ yājí ō ní, əngen̄neé ta róbən alé.

KƏLA RĀĀ 6:13

Nin̄-tə́ndān̄ de kə́ kum tə́ kə́ rɔ̄kum aĺ gə̄ kadə̄ ədan̄ na: Asə deē ń toō kɔr̄ najə̄ kə́ majaĺ dɔ loo kə́ táĺ tə́ aĺ ō, asən kɔr̄ najə̄ kə́ majaĺ dɔ ndū najə̄ yā Moijə tə́ aĺ ō!

MATIYE 26:59

Ngol gə̄ kə́ dɔ ngé tun̄ yá̰a̰ gə̄ tə́ ō, ngé sarya kə́ bo gə̄ malang ō, sāān̄ najə̄ kə́ yā tetə dɔ Jeju tə́ yā gāngəń sarya yo dɔn tə́.

MATIYE 22:15

Tā anī Parijiyḛ gə̄ aw̄ oōn̄ naā dɔ loo kəhɔ Jeju tə́ kə najə̄ kə́ tan tə́.

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

EJEKIEL 2:6

Ní, ḭ̄ ngōn̄ deē ndul, ī-lōō ɓōĺdə́ ō, ī-lōō ɓōĺ najə̄ kɔr̄də́ ō. Nin̄ a ədan̄ najə̄ kə́ mbātə́ yāí ḭ̄. Adə̄ ā ɔ́jəń na ī-ndi i dan kōn̄ gə̄ tə́, aláa na i dan kókə́rang gə̄ tə́. Banī ī-lōō ɓōĺ najə̄ kɔr̄də́ ō, ī-lōō ɓōĺ ta kumdə́ ō. Tɔdɔ̄ nin̄ i gír de kə́ ngé mbātə́ najə̄ gə̄.

JEREMI 1:17

Banī ḭ̄, ī-do̰ō̰ ndāŕ mbə́yō mbōdīí tə́, ḭ́ḭ dɔɔ́ āw̄ ə́dádə́ yá̰a̰ malang ń m-ə̄ndā taí tə́ ní. Ī-lōō kə ndew ta kumdə́ tə́, ré i beé aĺ anī, i mā n m-ā m̄-rāāī kadə̄ ā ī-ndew ta kumdə́ tə́ ní.

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

KOHELET 7:1

Rī ɓār̄ kə́ majə i só tə́ tɔȳ yibə̄ kə́ majə ngá̰ý ō, ndɔ̄ koy deē i só tə́ tɔȳ ndɔ̄ kojə deē ō.

Gōsə̄ najə̄ gə̄ 22:1

Rī ɓār̄ kə́ majə i só tə́ tɔȳ yá̰a̰ kənge kə́ ngá̰ý. Kadə̄ de gə̄ ndigən̄ ndílí i só tə́ tɔȳ gində̄ arjā̰a̰ ō lɔ́r ō.

NEHEMI 6:12

m̄-ger̄ majə ngá̰ý kadə̄ i Nə́ɓā n əndā najə̄ tan tə́ kadə̄ ədam̄ ní alé. Ba i Tobia nin̄ kə Sanbalat n adə̄nən̄ nar kadə̄ ɔrə̄ń naajə̄ seḿ tītə̄ ń noō ní.