NEHEMI 6:11 - Bibəl ta Sar̄

¹¹ m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

Bible sar

¹¹ m̄-téĺ m-ə́dan na: De kə́ dəngam kə́ tītə̄ḿ mā ń toō a a̰ȳ a? Tá de kə́ tītə̄ḿ mā ń toō ré udə kem *kújə yā Kɔ́ɔ̄ɓē tə́ anī a ndi kə kumneé a? M-aā m-údə kemeé alé.

NEHEMI 6:11 Referans Kwoze

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

PĀ GƏ̄ 112:8

Ni-əhɔ wurən ngan̄g, ɓōĺ yá̰á̰ kógə̄ḿ aĺ ō, asə kídə̄ madə̄ ba̰ā̰n gə̄ ō.

PĀ GƏ̄ 112:6

Yá̰a̰ a yéȳn aĺ i kə́ njɔ́ḿ gə̄ tə́. A əga kem de gə̄ dɔn tə́ ngándáńg.

HEBƏRO 11:27

I kə ta kūl̄ taā kem n ni əya̰ ɓē kə́ Ejiptə kɔ̄ɔ́, kanjə̄ ɓōĺ wōn̄g yā mban̄g ní. Ni əre wurən njam tītə̄ kə́ ni-a̰a̰ Nə́ɓā ń deē asə ka̰a̰n kə kumneé aĺ ní beē.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

KOHELET 10:1

Nīń kón̄g rāā adə̄ yibə̄ kə́ otə majə yā kɔdə̄ yibə̄ otə majaĺ ō, rāā adə̄ yibə̄ kə́ kem kūú nujə malang kɔ̄ɔ́ ō. Adə̄ mbóó kə́ sḛ́ý beē ɔr̄ tɔ́gə kum kedə̄ ō kɔsə gɔn ō kɔ̄ɔ́.

NEHEMI 6:9

Nin̄ malang ní sāān̄ i kəla ɓōĺ kemjí tə́, kadə̄ tɔ́gə́jí ur̄ wak kadə̄ j-əya̰ ta kəla kɔ̄ɔ́. Kɔ́ɔ̄ɓē, ādə̄m̄ tɔ́gə loo kəla yāḿ tə́!

NEHEMI 6:3

Banī m-ə́la m-ə́dádə́ na: Kəla ń m-ā m̄-rāā ní i kəla kə́ ngá̰ý adə̄ m-ásə kaw̄ alé. Kə m-ə́ya̰ ta kəla kɔ̄ɔ́ ba kə m-āw̄ rɔ̄sí tə́ i najə̄ rí tə́?

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

IJAI 10:18

Ni a nujə kə kāgə̄ kə́ majə ngá̰ý gə̄ kɔ̄ɔ́ malang ō, kāgə̄ gə̄ malang ń a anə̄n̄ ní, ni a nujədə́ kɔ̄ɔ́ ō. Ɓē a to tītə̄ nge mo̰y kə́ tɔ́gən teē kɔ̄ɔ́ beē.

NEHEMI 6:12

m̄-ger̄ majə ngá̰ý kadə̄ i Nə́ɓā n əndā najə̄ tan tə́ kadə̄ ədam̄ ní alé. Ba i Tobia nin̄ kə Sanbalat n adə̄nən̄ nar kadə̄ ɔrə̄ń naajə̄ seḿ tītə̄ ń noō ní.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.