NEHEMI 5:9 - Bibəl ta Sar̄

⁹ Tā anī m-ə́dádə́ na: Yá̰á̰ ń ī-rāāī ní majə alé. Yá̰á̰ ń kadə̄ ī-rāāī ní i kadə̄ ī-ɓolíī ndíĺ Nə́ɓā yājí. Tá kadə̄ nápar de kə́ rang gə̄ ń i madə̄ ba̰ā̰jí gə̄ ní əlan̄ rɔ̄sɔl̄ dɔjí tə́ alé.

Bible sar

⁹ Tā anī m-ə́dádə́ na: Yá̰á̰ ń ī-rāāī ní majə alé. Yá̰á̰ ń kadə̄ ī-rāāī ní i kadə̄ ī-ɓolíī ndíĺ Nə́ɓā yājí. Tá kadə̄ nápar de kə́ rang gə̄ ń i madə̄ ba̰ā̰jí gə̄ ní əlan̄ rɔ̄sɔl̄ dɔjí tə́ alé.

NEHEMI 5:9 Referans Kwoze

LEBI GƏ̄ 25:36

Ré ādə̄n yá̰a̰ loo tə́nī tə́ anī, ā ī-taā manə̄n dɔ tə́ aĺ ō, ré ādə̄n yá̰a̰ anī, ā ī-taā kūl̄ jīn tə́ aĺ ō. I beé n ā ī-ɓōlə́nń ndíĺ Nə́ɓā yāí kadə̄ ngōkó̰ó̰í ndiń kə kumneé seí ní.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

2 SAMUEL 12:14

Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy.

TITƏ 2:5

loo rāā yá̰a̰ kadə̄ mān̄ dɔ loon aĺ ō, kadə̄ nin̄ i de kə́ unjə̄ njáý njáý gə̄ ō, loo kəndā rɔ̄də́ ta kəla kə́ kem kújə yādə́ tə́ ō, kadə̄ nin̄ i de kə́ majə gə̄ ō, oōn̄ ta ngaadə́ gə̄ ō. Loo ń noō tə́ de gə̄ a əngen̄ ta róbə́ ndájə̄ najə̄ dɔ najə̄ yā Nə́ɓā tə́ alé.

1 TIMOTE 5:14

Adə̄ dəyá̰ kə́ ngaa koy kə́ na̰y mandə ɓáý gə̄ ní, m̄-gḛy kadə̄ táān̄ dəngam gə̄ ō, ojən̄ ngán gə̄ ō, əndān̄ kumdə́ gír de kə́ kem kújə yādə́ gə̄ tə́ majə ō. I beé tá nin̄ a adə̄n̄neé ngé rɔ̄ɔ̄ sejí gə̄ ta róbə kəda najə̄ kə́ majaĺ dɔjí tə́ alé.

Makətūbə̄ ń Pol ndang adə̄ Rom gə̄ ní 2:24

Tɔdɔ̄ ndangən̄ na nápar de gə̄ na ngonjə̄n̄ dɔ Nə́ɓā tə́ sɔɔ̄ńsí.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

EJEKIEL 36:20

Dɔ nang malang ń nin̄ aw̄n̄ tū tə́ ní, nápar de gə̄ kídə̄n̄ rīḿ kə́ táĺ tū tə́ najə̄ yādə́ tə́. Tɔdɔ̄ de gə̄ ní ədan̄ na: Kété ní nin̄ i gír de gə̄ yā Kɔ́ɔ̄ɓē, i dɔ nang yān n nin̄ əya̰n̄ kɔ̄ɔ́ ní.

Gōsə̄ najə̄ gə̄ 24:23

Najə̄ ń ngé kum kedə̄ gə̄ ədan̄ ɓáý to̰ ní n toó: Gān̄g sarya tām̄ ta kum deē i yá̰á̰ kə́ majə alé.

Gōsə̄ najə̄ gə̄ 19:2

Kem kə́ gḛy yá̰á̰ ngóy kanjə̄ gír̄ yá̰á̰ ní, yá̰á̰ kə́ majə kə́ tū tə́ gətóo rɔ̄kum. De kə́ nge tebəle a rāā yá̰a̰ gōtə́ alé.

Gōsə̄ najə̄ gə̄ 18:5

Rāā de kə́ súmūú kadə̄ ndóm̄ loo sarya tə́ yā rāań majə kə nge kem nduluú i yá̰á̰ kə́ majaĺ.

Gōsə̄ najə̄ gə̄ 17:26

Kənda de kə́ súmūú i yá̰á̰ kə́ majaĺ ō, kənda de gə̄ kə́ asən̄ kadə̄ deē ɓōĺ ndíĺdə́ i yá̰á̰ kə́ gōtə́ aĺ ō.

Gōsə̄ najə̄ gə̄ 16:29

De kə́ nge rāā yá̰á̰ kə dɔ́nɔ́ gól̄ madə̄n yā kaw̄ seneé dɔ róbə́ kə́ majaĺ tə́.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

NEHEMI 4:4

Ɓá tā ba de kə́ dəngam kə́ Juda tə́ gə̄ ədan̄ na: Tɔ́gə́ ngé rāā kəla gə̄ təgā kɔ̄ɔ́! Loo kə́ nujə gə̄ i ngá̰ý! J-asiī kəndā ndogə̄ mbal̄ tɔ̄l̄ alé!

1 SAMUEL 2:24

Ngánə́ḿ gə̄, ādī asəsí. Najə̄ yāsí ń deē yā Kɔ́ɔ̄ɓē gə̄ a ɔrə̄n̄ á m-ōō ní i najə̄ kə́ majaĺ ngá̰ý.

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

TA KƏLA 20:11

Abəraham tél ədan na: Mā m̄-gír̄ m-ə́da na de kə́ laā gə̄ na ɓōlə́n̄ Ndíĺ Nə́ɓā alé, adə̄ na a tɔ̄l̄mə̄n̄ najə̄ yā nə̄yá̰ḿ tə́.

NEHEMI 5:10

Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.

PĀ GƏ̄ 90:11

I náā n asə ger̄ tɔ́gə wōn̄g yāí ní? Deē ń ɓōĺ ndílí ngá̰ý ní a ger̄ wōn̄g yāí majə!