NEHEMI 5:15 - Bibəl ta Sar̄

¹⁵ Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

Bible sar

¹⁵ Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə *nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

NEHEMI 5:15 Referans Kwoze

NEHEMI 5:9

Tā anī m-ə́dádə́ na: Yá̰á̰ ń ī-rāāī ní majə alé. Yá̰á̰ ń kadə̄ ī-rāāī ní i kadə̄ ī-ɓolíī ndíĺ Nə́ɓā yājí. Tá kadə̄ nápar de kə́ rang gə̄ ń i madə̄ ba̰ā̰jí gə̄ ní əlan̄ rɔ̄sɔl̄ dɔjí tə́ alé.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

Gōsə̄ najə̄ gə̄ 16:6

A ɔrə̄n̄ yá̰a̰ rāā kə́ gōtə́ aĺ kɔ̄ɔ́ i kə kem kə́ majaá ō, kə najə̄ kə́ rɔ̄kumuú ō. Deē a tūr̄ gidən kɔ̄ɔ́ ta yá̰á̰ kə́ majaĺ tə́ i kə ta kūl̄ ɓōĺ ndíĺ Kɔ́ɔ̄ɓēé ō.

2 KORḚNTƏ 11:9

Ba dan ń m̄-ndi dansí tə́ á ndoō rāām̄ ní, m-ɔ̄ȳ deē kógə̄ḿ alé. Tɔdɔ̄ ngákó̰ó̰jí gə̄ ń ḭḭn̄ dɔ nang kə́ Masedəwan tə́ reēn̄ ní, adə̄mə̄n̄ yá̰a̰ malang ń ndoōn rāām̄ ní. Mā m̄-mbātə́ kɔȳsí ō, m̄-na̰y kə̄ loo mbātə́ tə́ ɓáý ō.

MATIYE 5:47

Ré i ngákó̰ó̰sí gə̄ ngóy n ā ī-rāāīdə́ lápə́ya anī, ī-rāāī i rí kə́ to tayā? De gə̄ ń nin̄ i Jipə aĺ gə̄ ní a rāān̄ i tītə̄ ń noō ō aĺ a?

Makətūbə̄ yā Job 31:23

A̰ á̰, kété ní m̄-ɓōĺ ndéy jī Nə́ɓā ngá̰ý. Ni i kə bo adə̄ m̄-rā ta kumən tə́ anī, m-ásə rāā yá̰á̰ kógə̄ḿ alé.

2 KORḚNTƏ 12:13

Yá̰á̰ ń de gə̄ kə́ kem Egəlijə kə́ rang gə̄ tə́ əngen̄ ba sḭḭ̄ əngeī aĺ ní i rí? I kadə̄ m-ɔ̄ȳsí aĺ ngóy aĺ a? Yá̰á̰ kə́ gōtə́ aĺ ń noō ń m̄-rāā sesí ní, m̄-dəjesí kadə̄ ī-mā̰yī rɔ̄sí dɔḿ tə́ najə̄n tə́!

Gōsə̄ najə̄ gə̄ 29:12

Dan ń ngār nēl̄ mbīn gír najə̄ kə́ sor̄ tə́ anī, pajā yān gə̄ télən̄ ngé kem ndul gə̄ malang.

PĀ GƏ̄ 147:11

Ba o̰o̰n tɔdɔ̄ ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 112:1

Aleluya! Rɔ̄nel̄ i kə deē ń ɓōĺ ndíl Kɔ́ɔ̄ɓē ō, nelə́n kə gō míndən gēé ō ní.

1 SAMUEL 8:15

A ɔr̄ dɔ kōō yāsí gə̄ ō, kan̄ kāgə̄ nduú yāsí gə̄ ō, kə́ nge ko̰ kutə yā kadə̄ ngé gə̄ ń ənī kemən adə̄də́ ní ō, ngé kəla yān gə̄ ō.

TA KƏLA 20:11

Abəraham tél ədan na: Mā m̄-gír̄ m-ə́da na de kə́ laā gə̄ na ɓōlə́n̄ Ndíĺ Nə́ɓā alé, adə̄ na a tɔ̄l̄mə̄n̄ najə̄ yā nə̄yá̰ḿ tə́.

TA KƏLA 42:18

Kə ndɔ̄ kə́ nge ko̰ mətá anī Jəjep ədadə́ na n-ɓōĺ Nə́ɓā, adə̄ n-a n-əndā yá̰á̰ kógə̄ḿ dɔdə́ tə́ kadə̄ rāān̄. Ré rāān̄ anī a ndin̄ kə kumdə́.

NEHEMI 5:16

Mə̄kɔ́ m-ə̄ndā rɔ̄ḿ ta kəla kəndā ndogə̄ mbal̄ tə́ ō, m̄-mang loo ndɔr̄ aĺ ō. Ngé kəla yāḿ gə̄ ń rāān̄ kəla kəndā ndogə̄ mbal̄ ō ní mangən̄ loo ndɔr̄ aĺ ō.

JEREMI 32:9

m̄-mang ndɔr̄ ní jī Hanamel ngōn̄ nānə̄ḿ tə́ ní i Anatot. m̄-mbɔ̄jə́ kɔȳ sə́lē kə́ kutə gidə i sīrí ní m-ādə̄n.

NŌŌ RƆ̄ 5:8

Ɓəlo gə̄ ndin̄ dɔjí tə́, ba de kə́ yā taājí jīdə́ tə́ gətóo.