NEHEMI 5:11 - Bibəl ta Sar̄

¹¹ Ī-téliī kə ndɔr̄ yādə́ gēé ō, ndɔr̄ kāgə̄ nduú yādə́ gēé ō, kāgə̄ olibə yādə́ gēé ō, kújə yādə́ gēé ō, ādīdə́ gogə́ ɓōólaā nəkɔ́ ń toō tə́. Yá̰a̰ gə̄ ń ādīdə́ loo tə̄nā tə́ á i nar, aké i kōō gémē, aké i kasə nduú kə́ kijə, aké i yibə̄ ní, manə̄n kə́ dɔ tə́ gə̄ ń ī-taāī jīdə́ tə́ ní ī-téliīneé ādīdə́ gogə́ ō.

Bible sar

¹¹ Ī-téliī kə ndɔr̄ yādə́ gēé ō, ndɔr̄ *kāgə̄ nduú yādə́ gēé ō, *kāgə̄ olibə yādə́ gēé ō, kújə yādə́ gēé ō, ādīdə́ gogə́ ɓōólaā nəkɔ́ ń toō tə́. Yá̰a̰ gə̄ ń ādīdə́ loo tə̄nā tə́ á i nar, aké i kōō gémē, aké i kasə *nduú kə́ kijə, aké i yibə̄ ní, manə̄n kə́ dɔ tə́ gə̄ ń ī-taāī jīdə́ tə́ ní ī-téliīneé ādīdə́ gogə́ ō.

NEHEMI 5:11 Referans Kwoze

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

2 SAMUEL 12:6

Ni a adə̄ batə̄ gə̄ sɔ́ yā kəgāń kə̄rā ngōn̄ batə̄ ní tām̄ yá̰á̰ ń ni-rāā tītə̄ ń noō tə́ ní ō, tām̄ kumən ń o̰o̰n aĺ tə́ ní ō.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

NDŪ NAJƏ̄ 6:11

kújə gə̄ kə́ yá̰á̰ kə́ majə kə́ tayā tayā gə̄ kə́ sḭḭ̄ ī-sāāī aĺ gə̄ rosən̄ kem ō, bəlo man̄ gə̄ kə́ sḭḭ̄ ī-ndērī aĺ gə̄ ō, kāgə̄ nduú gə̄ kə kāgə̄ olibə gə̄ kə́ sḭḭ̄ ə́hɔī aĺ gə̄ ō. Ā ə́ngeī yá̰á̰ ngá̰ý yā kəsa kadə̄ ndān̄sí.

NEHEMI 5:10

Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.

NEHEMI 5:12

Nin̄ tél ədan̄ na: J-a jə-rāā tītə̄ ń ə́dańjí ní. Yá̰a̰ gə̄ ń jə-táā jīdə́ tə́ ní j-a jə-téləń yā kadə̄də́ gogə́ ō, j-a jə-dəjedə́ yá̰á̰ kógə̄ḿ dɔ tə́ aĺ ō. Loo ń noō tə́ m̄-ɓāŕ ngé tun̄ yá̰a̰ gə̄ ba m-ādə̄ de gə̄ ń kə̄rā yādə́ i dɔ madə̄də́ gə̄ tə́ ní túbən̄ kadə̄ ran̄ dɔ míndə́də́ tə́.