NEHEMI 5:10 - Bibəl ta Sar̄

¹⁰ Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.

Bible sar

¹⁰ Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.

NEHEMI 5:10 Referans Kwoze

2 KORḚNTƏ 6:1

I beé ní, jḭḭ ń i ngé rāā kəla gə̄ kə Nə́ɓāá ní, j-ɔjə̄sí kadə̄ rajə ń Nə́ɓā rajəsí ní kadə̄ gotə to karī alé.

2 KORḚNTƏ 5:20

I Kərist n əlají rɔ̄sí tə́ yā kɔr̄ najə̄ sesí kə rīneé ní. Adə̄ i tītə̄ kə́ i ngarān̄g kum Nə́ɓā nəkɔ́ n ndə̄mā tají adə̄ńsí kɔjə̄ beé. Ní, jə-rāāsí ɓɔ́ kə rī Kərist, ādī əndān̄sí naā tə́ kə Nə́ɓāá, ba ī-lōōī mbātə́.

2 KORḚNTƏ 5:11

Jḭḭ jə-ger̄ yá̰á̰ ń i ɓōĺ ndíĺ Kɔ́ɔ̄ɓē ní, adə̄ jə-sāā i kɔjə de gə̄ kadə̄ gerə̄n̄ najə̄ kə́ rɔ̄kum. Nə́ɓā ger̄jí majə ō, m̄-taā kem kadə̄ sḭḭ̄ ī-ger̄mī kemsí gə̄ tə́ majə ō.

MISE 2:1

Ngé gə̄ ń ndɔ̄ɔ́ anī a əndān̄ i dɔ yá̰á̰ kə́ gōtə́ aĺ danaá yā rāā ō, a nómə̄n̄ i rāā yá̰á̰ kə́ majaĺ ō ní, yá̰á̰ kə́ to kum kaȳ aĺ i tām̄ yādə́ tə́! Dan nəkɔ́ ń mbang əɓa anī, nin̄ rāān̄ yá̰a̰ gə̄ ní, loo ń nin̄ aw̄n̄ kə tɔ́gə rāān ní.

EJEKIEL 18:13

Ni-adə̄ nar yān loo tə̄nā tə́ yā kəngeń manə̄n dɔ tə́ ō, yā kəngeń yá̰á̰ gírí ō. Ngōn̄ ń noō ní a ndi kə kumneé a? Rɔ̄kum, a ndi kə kumneé alé! Yá̰á̰ kə́ majaĺ ngá̰ý gə̄ malang ń noō ni-rāādə́. Adə̄ ni a oy ō, najə̄ yon a tél yā kəsō i dɔn nəkɔ́ tə́ ō.

EJEKIEL 18:8

Ni-adə̄ nar yān loo tə̄nā tə́ yā kəngeń manə̄n dɔ tə́ aĺ ō, yā kəngeń yá̰á̰ kógə̄ḿ gírí aĺ ō. Ni tūr̄ gidən kɔ̄ɔ́ ta yá̰a̰ rāā kə́ gōtə́ aĺ tə́ ō, gān̄g sarya i kə gō róbə najə̄ kə́ rɔ̄kum ō.

PĀ GƏ̄ 15:5

Ni-adə̄ nar yān bélé tə́ alé. A taā yá̰a̰ jī deē tə́ yā kəndāń najə̄ dɔ de kə́ najə̄ gətóo dɔn tə́ alé. Deē ń a əhɔ hálən súmūú beé ní a ndi ngan̄g kə dɔ ndɔ̄ gə̄.

NEHEMI 5:7

Loo ń noō tə́ m̄-gḛy gákə̄ de kə́ bo gə̄ ō, ngé rāā sarya gə̄ ō, adə̄ m-ə́dádə́ na: I yá̰a̰ kətō kə́ ɔȳ n ī-tə́ndāī dɔ naā tə́ ní! Gō tə́ anī m̄-ɓāŕdə́ loo kán̄ naā kə́ bo tə́

NEHEMI 5:9

Tā anī m-ə́dádə́ na: Yá̰á̰ ń ī-rāāī ní majə alé. Yá̰á̰ ń kadə̄ ī-rāāī ní i kadə̄ ī-ɓolíī ndíĺ Nə́ɓā yājí. Tá kadə̄ nápar de kə́ rang gə̄ ń i madə̄ ba̰ā̰jí gə̄ ní əlan̄ rɔ̄sɔl̄ dɔjí tə́ alé.

NEHEMI 5:11

Ī-téliī kə ndɔr̄ yādə́ gēé ō, ndɔr̄ kāgə̄ nduú yādə́ gēé ō, kāgə̄ olibə yādə́ gēé ō, kújə yādə́ gēé ō, ādīdə́ gogə́ ɓōólaā nəkɔ́ ń toō tə́. Yá̰a̰ gə̄ ń ādīdə́ loo tə̄nā tə́ á i nar, aké i kōō gémē, aké i kasə nduú kə́ kijə, aké i yibə̄ ní, manə̄n kə́ dɔ tə́ gə̄ ń ī-taāī jīdə́ tə́ ní ī-téliīneé ādīdə́ gogə́ ō.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

NDŪ NAJƏ̄ 15:2

Loo rāān n toó: Ré ɓāl̄ kəya̰ gō kə̄rā gə̄ kɔ̄ɔ́ yā rɔȳń Kɔ́ɔ̄ɓē ugə̄ adə̄ ənīn̄ mbērən anī, de gə̄ malang ń adə̄n̄ madə̄ ɓēdə́ gə̄, aláa ngákó̰ó̰də́ gə̄ yá̰a̰ loo tə̄nā tə́ ní, a əya̰n̄ gō kɔ̄ɔ́. A ɔsən̄ kə madə̄ ɓēdə́ gə̄, aláa kə ngákó̰ó̰də́ gə̄ ní ta kəgā kə̄rā ní alé.

NEHEMI 10:32

Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

EJEKIEL 18:7

Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.