NEHEMI 4:7 - Bibəl ta Sar̄

⁷ Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

Bible sar

⁷ Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

NEHEMI 4:7 Referans Kwoze

NEHEMI 4:1

Dan ń Sanbalat ō Tobia ō Arabə gə̄ ō Amon gə̄ ō Asdod gə̄ ō oōn̄ kadə̄ kəla kəndā ndogə̄ mbal̄ kə́ Jerusalem a aw̄ i kum kə̄ kété ō, kum loo kə́ ra wōȳ kə́ tū tə́ gə̄ i kə́ kutə̄ kɔ̄ɔ́ ō anī, wōn̄g rāādə́ ngá̰ý.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

JEJU TEĒ KUM JA̰A̰ 12:17

Ba dā̰ kə́ to ɓōĺ ngá̰ý ní rāā wōn̄g kə dəyá̰ ní, adə̄ aw̄ rɔ̄ɔ̄ gotə ngán kaan gə̄ ń na̰yn̄ ní. Nin̄ i ngé gə̄ ń rāān̄ gō míndə gə̄ yā Nə́ɓā ní ō, ngé gə̄ ń ngɔ̄mə̄n̄ najə̄ kə́ kum tə́ yā Jeju ní ō.

KƏLA RĀĀ 5:33

Dan ń nin̄-oōn̄ najə̄ gə̄ ń noō ní anī wōn̄g asədə́ nák, adə̄ sāān̄ tɔ̄l̄ ngámbang kəla gə̄ kɔ̄ɔ́.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 25:20

de kə́ no ɓē tə́ gə̄ malang ō, mban̄g gə̄ malang kə́ kem ɓē kə́ Us tə́ ō, mban̄g gə̄ malang kə́ kem ɓē yā Pilistin gə̄ tə́, adə̄ i mban̄g kə́ Askalon tə́ ō, kə́ Gaja tə́ ō, kə́ Ekəron tə́ ō, gotə de gə̄ ń na̰yn̄ Asdod tə́ ní ō,

AMOS 1:8

M-ā m̄-rāā kadə̄ mban̄g kə́ Asdod ō, mban̄g ń a o̰o̰ ɓē kə́ Askalon ní ō, gətóon̄ kɔ̄ɔ́. M-ā m̄-ə̄nā ɓē kə́ Ekəron rɔ̄ɔ̄, yā kadə̄ gotə Pilistin gə̄ ń náyn̄ ní oyn̄. I Kɔ́ɔ̄ɓē n əda najə̄ ń noó ní.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

ESDRAS 5:8

Kɔ́ɔ̄ ɓē gə̄, j-aw̄ gō nang kə́ Juda tə́ kújə yā Nə́ɓā kə́ bo tə́. Adə̄ majə kadə̄ j-ədaī ādə̄ ī-ger̄ gō. Tél n da a rāān̄ kújə yā Nə́ɓā ní gogə́ rang noó kə mbal̄ kə́ tɔ́sə̄ kadə gə̄ ō, kə sáa kāgə̄ gə̄ kə́ kəndā bɔr gidə tə́ gə̄ ō. Əndān̄ kumdə́ gír kəla ní tə́ rāān̄neé adə̄ majə ngá̰ý ō, kəla ní a̰ȳ láẃ ngá̰ý ta jīdə́ tə́ ō.

2 YÁ̰A̰ GƏ̄ 20:1

Gō tə́ anī Moab gə̄ ō, Amon gə̄ ō, naā tə́ kə Mewni gə̄, reē ənīn̄ Josapat rɔ̄ɔ̄.

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

1 SAMUEL 11:2

Anī mban̄g Nahas ədadə́ na: Ré ī-ndigiī kadə̄ jə-ndiī kanjə̄ rɔ̄ɔ̄ anī ādə̄ m̄-tɔ̄ɔ̄ kumsí kə́ dām̄ kə́ ko̰ó̰ tə́ m-ə́lań rɔ̄sɔl̄ dɔ Israel gə̄ tə́ malang.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

NEHEMI 4:6

Jipə gə̄ ń ndin̄ ɓē kadə madə̄ ba̰ā̰jí gə̄ tə́ ngɔr ní reē tāān̄jí kə̄ nja naā tə́ najə̄ yá̰á̰ kə́ to yo ń a ngḛy jí nang tə́ ní, ədan̄ na: Loo malang ń sḭḭ̄ āwī tū tə́ ba ī-tél ī-reēī ní, nin̄ teēn̄ kə̄ ta gə̄ tə́ yā reē rɔ̄ jí! Loo ń noō tə́ m-á̰a̰ ku loo gə̄ gidə ndogə̄ mbal̄ tə́ ndágá.

NEHEMI 4:8

M-á̰a̰ loo oy anī m-ə́da de kə́ bo gə̄ ō, ngé rāā sarya gə̄ ō, gotə ngán Israel gə̄ ō na: Ī-lōōī ɓōĺdə́! Ādə̄ əga kemsí dɔ Kɔ́ɔ̄ɓē ń i de kə́ bo ō, to ɓōĺ ngá̰ý ní ō tə́, ba ī-rɔ̄ɔ̄ī tām̄ yā ngákó̰ó̰sí gə̄ tə́ ō, ngáńsí gə̄ tə́ ō nə̄yá̰sí gə̄ tə́ ō, kújə yāsí gə̄ tə́ ō.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

JEREMI 41:10

Ismael ɔy gotə de gə̄ malang ń na̰yn̄ Misəpa ní aw̄ sedə́. De gə̄ ní i ngáń ngār kə́ dəyá̰ gə̄ ō, de gə̄ malang ń ndin̄ Misəpa ɓáý ní ō, ngé gə̄ ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam, kadə̄ ngɔ̄m̄də́ majə ní ō. Ismael, ngōn̄ Netania, əhɔdə́ aw̄ sedə́ yā kəsōń gír Amon gə̄ tə́.