NEHEMI 4:5 - Bibəl ta Sar̄

⁵ Madə̄ ba̰ā̰jí gə̄ ədan̄ yādə́ na: A gerə̄n̄ gōjí aĺ ō, a a̰a̰n̄jí aĺ ō, bátə́ kadə̄ j-ugīīneé dandə́ tə́. Loo ń noō tə́ j-a jə-tɔ̄līdə́ ō, j-a jə-bāāī ta kəla ō.

Bible sar

⁵ Madə̄ ba̰ā̰jí gə̄ ədan̄ yādə́ na: A gerə̄n̄ gōjí aĺ ō, a a̰a̰n̄jí aĺ ō, bátə́ kadə̄ j-ugīīneé dandə́ tə́. Loo ń noō tə́ j-a jə-tɔ̄līdə́ ō, j-a jə-bāāī ta kəla ō.

NEHEMI 4:5 Referans Kwoze

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

PĀ GƏ̄ 109:14

Ādə̄ tél terə̄n̄ kem Kɔ́ɔ̄ɓē dɔ yá̰á̰ kə́ gōtə́ aĺ ń kaan gə̄ rāān̄ tə́ ní ō, ādə̄ yá̰á̰ kə́rēý ɔr̄ majaĺ yā kó̰o̰n kɔ̄ɔ́ aĺ ō!

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

NEHEMI 4:6

Jipə gə̄ ń ndin̄ ɓē kadə madə̄ ba̰ā̰jí gə̄ tə́ ngɔr ní reē tāān̄jí kə̄ nja naā tə́ najə̄ yá̰á̰ kə́ to yo ń a ngḛy jí nang tə́ ní, ədan̄ na: Loo malang ń sḭḭ̄ āwī tū tə́ ba ī-tél ī-reēī ní, nin̄ teēn̄ kə̄ ta gə̄ tə́ yā reē rɔ̄ jí! Loo ń noō tə́ m-á̰a̰ ku loo gə̄ gidə ndogə̄ mbal̄ tə́ ndágá.

IJAI 2:9

I tām̄ najə̄ ń toō tə́ n a rāān̄ deē ndul gə̄ malang kadə̄ a rugən̄ nang tə́ ō, a télən̄ sedə́ kə̄ nang tə́ ō ní. Kɔ́ɔ̄ɓē, ī-lōō tél kundə́ dɔɔ́ gogə́!

NŌŌ RƆ̄ 1:22

Ādə̄ kem ndul yādə́ gə̄ malang ton̄ kə̄ dɔ ndágá ta kumií tə́ ō, ī-rāādə́ yá̰á̰ ń ī-rāā seḿ najə̄ mbātə́ najə̄ yāḿ gə̄ malang tə́ ní ō. Tɔdɔ̄ m̄-nōō rɔ̄ḿ ngá̰ý ō, rɔ̄ḿ tōrə̄m̄ kə̄ loo gə̄ tə́ ō.

2 SAMUEL 17:2

M-ā m̄-teē rɔ̄n tə́ i dan ń kɔr a rāān ní. M-ā m-ə́la ɓōĺ kemən tə́. De gə̄ ń dānə̄nən̄ ní a a̰ȳn̄ naā malang kɔ̄ɔ́. Adə̄ i nəkɔ́ kə kérneé n m-ā m̄-tɔ̄lən.