NEHEMI 4:1 - Bibəl ta Sar̄

¹ Dan ń Sanbalat ō Tobia ō Arabə gə̄ ō Amon gə̄ ō Asdod gə̄ ō oōn̄ kadə̄ kəla kəndā ndogə̄ mbal̄ kə́ Jerusalem a aw̄ i kum kə̄ kété ō, kum loo kə́ ra wōȳ kə́ tū tə́ gə̄ i kə́ kutə̄ kɔ̄ɔ́ ō anī, wōn̄g rāādə́ ngá̰ý.

Bible sar

¹ Dan ń Sanbalat ō Tobia ō Arabə gə̄ ō Amon gə̄ ō Asdod gə̄ ō oōn̄ kadə̄ kəla kəndā ndogə̄ mbal̄ kə́ Jerusalem a aw̄ i kum kə̄ kété ō, kum loo kə́ ra wōȳ kə́ tū tə́ gə̄ i kə́ kutə̄ kɔ̄ɔ́ ō anī, wōn̄g rāādə́ ngá̰ý.

NEHEMI 4:1 Referans Kwoze

HEBƏRO 11:36

Mbóon̄ kə ngé kə́rēý gə̄ ō, əndan̄də́ kə mərawaá ō, tṵ́ṵ̄n̄ ngé kə́rēý gə̄ kə súĺ ba ɓōkə́n̄də́ kújə dəngáyá ō.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

KƏLA RĀĀ 5:17

Loo ń noō tə́ ngol ngé tun̄ yá̰a̰ gə̄ ō, de gə̄ ń seneé á i Sadusiyḛ gə̄ ní ō, əndān̄ ngámbang kəla gə̄ nii.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

MATIYE 27:29

Nin̄-sétə̄n̄ kōn̄ gə̄ rāān̄ jākā kə́ tītə̄ yā mban̄g gə̄ tə́, əlan̄ dɔn tə́ ō, əlan̄ tə̄ɓā jī ko̰n tə́ ō, ba ɔsən̄ kejədə́ nang tə́ non tə́ mbóon̄neé seneé ədan̄ na: Lápə́ya, mban̄g yā Jipə gə̄!

MATIYE 2:16

Dan ń Herod a̰ā̰ kadə̄ ngé ka̰a̰ yá̰a̰ tū tə́yō̰ tə́ gə̄ mbóon̄ i seneé anī, wōn̄g asən nák. Adə̄ ngáń kə́ dəngam gə̄ malang ń ojən̄də́ rāā ɓāl̄ jōó ō, ngé gə̄ ń ɓāl̄də́ asə jōó aĺ ɓáý ō ní, ni-əla tɔ̄l̄də́ tə́ kɔ̄ɔ́ kem ɓē kə́ Betlehem tə́ ō, kem ngán ɓē gə̄ kə́ gō nang kə́ Betlehem tə́ ō. Ni-rāā yá̰á̰ ní i kə gō ndɔ̄ ń ngé ka̰a̰ yá̰a̰ tū tə́yō̰ tə́ gə̄ ədanən̄neé ní.

NEHEMI 6:15

Gír kəla kəndā ndogə̄ mbal̄ gān̄g i kem nāā Elul tə́, kə ndɔ̄ nāā kə́ nge ko̰ kutə jōó gidə i mí. Malang ɓáa kəla kəndā ndogə̄ mbal̄ rāā i ndɔ̄ kutə mí gidə i jōó.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

NEHEMI 13:28

Ngōn̄ Yoyada kógə̄ḿ kə́ dəngam kə́ ngōn̄ Eliasib ngol ngé tun̄ yá̰a̰ gə̄ i um Sanbalat kə́ Horon, adə̄ m̄-tə́ɓān kɔ̄ɔ́ rɔ̄ḿ tə́.

JEREMI 38:19

Mban̄g Sedekias tél əda Jeremi na: Yá̰á̰ ń m̄-sōl̄ ní i de kə́ Juda tə́ gə̄ ń əsōn̄ gír Kalde gə̄ tə́ ní. Majanī a əlamə̄n̄ jīdə́ tə́ yā kadə̄ əlan̄ rɔ̄sɔl̄ dɔḿ tə́.