NEHEMI 2:6 - Bibəl ta Sar̄

⁶ Mban̄g ń dəyá̰ jin̄ ndi kadən tə́ ní dəjem̄ ɓáý to̰ na ké mbā ń m-ā m-āw̄ ní ké m-ā m̄-rāā i ndɔ̄ kóndóńg wa, ké m-ā m̄-tél i ndɔ̄ kə́ ra tə́ wa. Mban̄g ndigə kadə̄ m-āw̄ ō, m-ə́dan ndɔ̄ ō.

Bible sar

⁶ Mban̄g ń dəyá̰ jin̄ ndi kadən tə́ ní dəjem̄ ɓáý to̰ na ké mbā ń m-ā m-āw̄ ní ké m-ā m̄-rāā i ndɔ̄ kóndóńg wa, ké m-ā m̄-tél i ndɔ̄ kə́ ra tə́ wa. Mban̄g ndigə kadə̄ m-āw̄ ō, m-ə́dan ndɔ̄ ō.

NEHEMI 2:6 Referans Kwoze

NEHEMI 13:6

Dan ń yá̰a̰ gə̄ ń noō a rāān̄neé yá̰á̰ tə́ ní mā i Jerusalem alé, tɔdɔ̄ m̄-tél m-āw̄ gogə́ rɔ̄ Artajerses mban̄g kə́ Babilon tə́, ɓāl̄ ko̰o̰ ɓē yān kə́ nge ko̰ kutə mətá gidə i jōó tə́. Gō tə́ sḛ́ý anī m̄-dəje mban̄g ta róbə

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

NEHEMI 5:14

Əla gír ndɔ̄ ń əndān̄neé dɔḿ tə́ kadə̄ i mā n i nge ko̰o̰ ɓē dɔ Jipə gə̄ tə́ gō nang kə́ Juda tə́, adə̄ i ɓāl̄ ko̰o̰ ɓē yā Artajerses kə́ nge ko̰ kutə jōó tə́ bátə́ ɓāl̄ ko̰o̰ ɓē yān kə́ nge ko̰ kutə mətá gidə i jōó tə́, adə̄ i bátə́ ɓāl̄ kutə gidə i jōó ní, tīr̄ ń mban̄g adə̄ ngé ko̰o̰ ɓē gə̄ ta róbə taā jī de gə̄ tə́ dɔ lambóó tə́ ní, mā ō ngákó̰ó̰ḿ gə̄ ō jə-taā jī de gə̄ tə́ alé.

IJAI 58:12

Ndogə̄ mbal̄ kə́ jóo gə̄ ń nujən̄neé kɔ̄ɔ́ ní, ā ī-tél yā kundə́ dɔɔ́ gogə́, nja kújə́ kə́ kəya̰ kɔ̄ɔ́ jóo gə̄ ní, ā ī-tél yā rāā kújə dɔ tə́. A ɓāríīn̄ na i gír de gə̄ kə́ ngé kutə̄ kum loo kə́ njar gə̄ ō, kə́ tél rāā róbə kɔsə kə́ kem ɓēé gə̄ ō.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

IJAI 61:4

Ndogə̄ mbal̄ kə́ kété gə̄ kə́ tétə̄n̄ nang tə́ kɔ̄ɔ́ ní, nin̄ a télən̄ yā kundə́ dɔɔ́ gogə́. Kújə́ kə́ tétə̄ nang tə́ jóó ngá̰ý gə̄ ní, nin̄ a télən̄ yā rāādə́ gogə́.

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

NEHEMI 2:5

ba m̄-tél m-ə́da mban̄g na: Kɔ́ɔ̄ ɓē gə̄, ré á̰a̰ā̰ ta kumií tə́ kadə̄ i yá̰á̰ kə́ majə ō, ré nelī seḿ mā nge kəla yāí ō anī, ādə̄m̄ ta róbə ādə̄ m-āw̄ gō nang kə́ Juda tə́, kem ɓē ń dubə̄n̄ kaaḿ gə̄ tū tə́ ní tə́, kadə̄ m̄-tél m̄-rāān gogə́ rang.

DANIEL 9:25

Yá̰á̰ ń kadə̄ ī-ger̄ ní n toó: Əla gír kum mbang ń ədan̄neé najə̄ tél rāā ɓē kə́ Jerusalem gogə́ rang tə́ bátə́ ugə̄ń dɔ ngār ń urən̄ yibə̄ dɔn tə́ tə́ ní, ɓāl̄ sīrí i nja sīrí. Gō tə́ anī kem ɓāl̄ kə́ sīrí nja kutə mehḛ́ g idə i jōó tə́ ní, a télən̄ yā rāā ɓē gogə́ rang ō, yā kəndā ndogə̄ mbal̄ gidə ɓē tə́ gogə́ rang ō, banī i dan wur kɔl tə́.