NEHEMI 2:3 - Bibəl ta Sar̄

³ banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

Bible sar

³ banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

NEHEMI 2:3 Referans Kwoze

NEHEMI 1:3

Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

DANIEL 2:4

Kɔdə̄ sāā gə̄ tūr̄ ədan̄ mban̄g kə ta Aram na: Mban̄g, ādə̄ dɔí ngan̄g májə́ májə́! Ə́dájí nī ń rāāī ní, anī j-a j-ɔjiī kum.

1 MBAN̄G GƏ̄ 1:31

Batəseba ɔsə non nang tə́ ō no mban̄g tə́ ō, ba əda na: Ādə̄ dɔ kɔ́ɔ̄ ɓē gə̄, mban̄g Dabid, ngan̄g májə́ májə́!

DANIEL 5:10

Dan ń kó̰o̰ mban̄g oō najə̄ kɔr̄ mban̄g ō, de kə́ bo yān gə̄ ō anī, udə kem kújə kəsa yá̰á̰ tə́ ba un najə̄ ɔr̄, əda na: Kɔ́ɔ̄ ɓē gə̄, ādə̄ dɔí ngan̄g májə́ májə́! Ādə̄ gír̄ yāí gə̄ əlan̄ ɓōĺ kemií tə́ aĺ ō, ādə̄ ta kumií tetə ndaa aĺ ō!

PĀ GƏ̄ 137:6

Ré m̄-gír̄ dɔí tə́ to̰ alé, ré i ḭ̄ n m̄-rāā rɔ̄nelí tɔȳ gotə yá̰a̰ gə̄ malang aĺ ní anī, ādə̄ ndo̰ḿ tə́ya̰ ngangáḿ tə́.

DANIEL 6:21

Dan ń ugə̄ kə̄ ta tə́ ndɔr anī ɓāŕ Daniel kə ndūn kə́ to kum ko̰ó̰ ədan na: Daniel, nge kəla yā Nə́ɓā kə́ ndi kə kumneé, Nə́ɓā yāí ń ə́hɔ rɔ̄í tɔgə ī-na̰y kə̄ loo rāā kəla yān tə́ ní ajiī ta ɓɔl gə̄ tə́ a?

DANIEL 6:6

Tā anī de gə̄ ní ədan̄ naā na: Daniel ń toō j-a j-əngeī yá̰á̰ kógə̄ḿ kə́ gōtə́ aĺ kə́ yā sekə́nneé alé. Ré j-əngeī ɓáa i kə ta kūl̄ ndū najə̄ yā Nə́ɓā yān tá.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

2 YÁ̰A̰ GƏ̄ 32:33

Dan ń Ejekias oy ní dubə̄nən̄ i loo ń dubə̄n̄ de kə́ gír kojə yā Dabid tə́ gə̄ tū tə́ ní. Ba dubə̄nən̄ i dāmə̄n kə́ kḭḭ kə̄ dɔɔ́ tə́. Juda gə̄ malang ō, de kə́ Jerusalem gə̄ ō, ɔrən̄ tan ndɔ̄ yon tə́. I ngōnən Manase n o̰o̰ ɓē gotən tə́ ní.

2 YÁ̰A̰ GƏ̄ 28:27

Akaj oy aw̄ gō kaan gə̄ tə́. Dubə̄nən̄ i kem ɓē kə́ Jerusalem tə́, banī i kem bāá ɓádə yā mban̄g gə̄ kə́ Israel tə́ alé. I ngōnən Ejekias n o̰o̰ ɓē gotən tə́ ní.

2 YÁ̰A̰ GƏ̄ 21:20

Dan ń Joram ndi mban̄g ní ɓālə̄n i kutə mətá gidə i jōó. Ni o̰o̰ ɓē ɓāl̄ sɔ́sɔ́ kem ɓē kə́ Jerusalem tə́. Dan ń oy ní deē nōō ndoōn alé. Dubə̄nən̄ i kem ɓē yā Dabid tə́, banī i kem bəlo ɓádá yā mban̄g gə̄ tə́ alé.

DANIEL 3:9

Nin̄ ədan̄ mban̄g Nabukodonosor na: Kɔ́ɔ̄ ɓē gə̄, ādə̄ dɔí ngan̄g májə́ májə́!

PĀ GƏ̄ 102:14

Ā ḭ́ḭ dɔɔ́ tām̄ yā Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

2 MBAN̄G 25:8

Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g Babilon ní, kə ndɔ̄ kə́ nge ko̰ sīrí yā nāā kə́ nge ko̰ mí tə́ anī, Nebujaradan ngol ngé ngɔ̄m̄ mban̄g gə̄ ń ni i nge kəla yā mban̄g kə́ Babilon ní, udə kem ɓē kə́ Jerusalem tə́.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

NEHEMI 2:13

M̄-teē kɔ̄ɔ́ kem ɓēé ndɔ̄ɔ́ kə ta róbə́ kə́ wól loo tə́ ba m-āw̄ kum kə̄ ta kəɓa man̄ ń a ɓār̄nən̄ na i dərago̰ ní tə́ ō, ta róbə dɔ bū loo tə́ ō. M-ə̄ndā ma̰ȳ ndogə̄ mbal̄ kə́ gidə ɓē kə́ Jerusalem tə́ anī m-á̰a̰ kadə̄ dāmən kə́ tétə̄ nang tə́ gə̄ ton̄ ō, ta róbə́ kə́ tū tə́ gə̄ i kə́ hor o̰o̰ kɔ̄ɔ́ ō.

JEREMI 52:12

Kem ɓāl̄ kə́ nge ko̰ kutə gidə i ndōhó ń Nabukodonosor ndiń mban̄g Babilon tə́ ní, kə ndɔ̄ kə́ nge ko̰ sīrí yā nāā kə́ nge ko̰ mí anī, Nebujaradan ngol ngé ngɔ̄m̄ mban̄g gə̄ ń i nge kəla yā mban̄g kə́ Babilon ní, udə kem ɓē kə́ Jerusalem tə́.

ESTER 8:6

Tɔdɔ̄ loo kadə̄ m-á̰á̰ yá̰á̰ kə́ to kum kaȳ aĺ loo reē tə́ kə̄ dɔ gír deē yāḿ gə̄ tə́ ba kə m̄-tə́gā taḿ ní loon i ba̰ý? Kadə̄ m̄-rā m-á̰a̰ loo kə̄ rɔ̄ gír deē yāḿ gə̄ tə́ kadə̄ tɔ̄lə̄n̄neédə́ kɔ̄ɔ́ malang ní loon i ba̰ý?

PĀ GƏ̄ 38:7

m̄-rugə ngung ō m-laa kemḿ nang tə́ ō, m-ūr̄ wak ō, m-ə́hɔ ndoō dəloí bátə́ loo tíbə dɔḿ tə́ kə dɔ ndɔ̄ gə̄ ō.

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.