NEHEMI 2:20 - Bibəl ta Sar̄

²⁰ m̄-téĺ m-ə́dádə́ na: I Nə́ɓā kə́ dɔ rā̰ tə́ nəkɔ́ n a rāā kadə̄ kəla yājí a majə ní. Jḭḭ ngé kəla yān gə̄ j-a j-ḭḭ dɔɔ́ yā rāā ɓē. Banī kə́ tām̄ yāsí sḭḭ̄ tə́ ní ta róbə kənge yá̰a̰ aké ta róbə ko̰o̰ ɓē ní sḭḭ̄ ā ə́ngeī kem ɓē kə́ Jerusalem tə́ aĺ ō, a əga kem deē dɔsí tə́ aĺ ō!

Bible sar

²⁰ m̄-téĺ m-ə́dádə́ na: I Nə́ɓā kə́ dɔ rā̰ tə́ nəkɔ́ n a rāā kadə̄ kəla yājí a majə ní. Jḭḭ ngé kəla yān gə̄ j-a j-ḭḭ dɔɔ́ yā rāā ɓē. Banī kə́ tām̄ yāsí sḭḭ̄ tə́ ní ta róbə kənge yá̰a̰ aké ta róbə ko̰o̰ ɓē ní sḭḭ̄ ā ə́ngeī kem ɓē kə́ Jerusalem tə́ aĺ ō, a əga kem deē dɔsí tə́ aĺ ō!

NEHEMI 2:20 Referans Kwoze

KƏLA RĀĀ 8:21

Kum yāí ō, yá̰a̰ kəngeí ō, gətóon̄ tū najə̄ ń toō tə́. Tɔdɔ̄ kemií i súmūú ta kum Nə́ɓā tə́ alé.

ESDRAS 4:3

Banī Jorobabel ō Yesua ō, gotə de kə́ dɔ gír kojə gə̄ yā Israel tə́ gə̄ ō, tél ədan̄də́ na: Rāā kújə yā Nə́ɓā yājí sejí i kəla kə́ ndetəsí alé! I jḭḭ kɔ́ gə̄ ngóy n j-a jə-rāā kújə yā Kɔ́ɔ̄ɓē Nə́ɓā yā Israel tītə̄ ń Sirus mban̄g kə́ Persə ədańjí kadə̄ jə-rāā ní.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

PĀ GƏ̄ 35:27

Ngé gə̄ ń ndigən̄ kadə̄ gāngə̄n̄ sarya yāḿ kə gōó ní, a əgan̄ kɔr̄ rɔ̄nel̄. Nin̄ a ədan̄, ba tél a ədan̄ ɓáý to̰ na: Kɔ́ɔ̄ɓē tetə rɔ̄ɔ̄, ni ndigə kadə̄ nge kəla yān ndi majə.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

KOHELET 7:18

Kəhɔí gō nge ń toō kadə̄ ngan̄g kanjə̄ kadə̄ jīí əya̰ nge ń noō dɔɔ́ i yá̰á̰ kə́ majə. Tɔdɔ̄ deē ń ɓōĺ ndíĺ Nə́ɓā ní a rāā yá̰á̰ kə́ jōó gə̄ ń noō kadə̄ udə gírí.

PĀ GƏ̄ 51:18

Ī-gḛy i kadə̄ m̄-tun̄ yá̰a̰ m-ādī alé. Yá̰a̰ tun̄ kə́ róō horoó gə̄gē ā ī-ndigə alé.

PĀ GƏ̄ 20:5

Ādə̄ ni adī yá̰á̰ ń kemií gḛy ní, ādə̄ rāā yá̰a̰ malang ń ī-sāā rāā ní ādə̄ udə gírí!

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

JAKARI 6:14

Jākā mbang ní a to kem kújə yā Kɔ́ɔ̄ɓē tə́, yā kadə̄ əgań kem deē dɔ Helday tə́ ō, Tobia tə́ ō, Yedaya tə́ ō, yā kadə̄ əngeń kem deē dɔ kem majə yā Yosiya kə́ ngōn̄ Sepania tə́ ō.

PĀ GƏ̄ 122:6

Ī-dəjeī lápə́ya tām̄ yā ɓē kə́ Jerusalem tə́. Ɓē kə́ Jerusalem, ādə̄ ngé gə̄ ń nel̄də́ seí ngá̰ý ní ndin̄ jəke kanjə̄ sōl̄ yá̰á̰ kógə̄ḿ.

ESTER 4:11

de gə̄ malang ń, əla gír dɔ ngé rāā kəla kə́ ndogó mbangāá gə̄ tə́ bátə́ ugə̄ń dɔ de kə́ kem ɓēé gə̄ kə́ gō nang yā mban̄g tə́ ní na gerə̄n̄ ndū najə̄ kə́ tām̄ yādə́ tə́ majə: Kadə̄ náā nəkɔ́ ń i dəngam aláa i dəyá̰ ń aw̄ ta kum mban̄g tə́ ndágə loo kə́ ta kújə yān tə́ kanjə̄ kadə̄ i ni n ɓārə́n ní, ndū najə̄ kə́ tām̄ yā de kə́ beé tə́ i kógə̄ḿ beé ngóy, i tɔ̄l̄ kɔ́ɔ̄ kɔ̄ɔ́. Ba ré i mban̄g n əla kāgə̄ ko̰o̰ ɓē yān kə́ rāā kə lɔ́rɔ́ kum kə̄ rɔ̄ deē ní tə́ tá kɔ́ɔ̄ a ndi kə kumneé. Ba kə́ tām̄ yān ni Ester tə́ tá na asə ndɔ̄ kutə mətá kɔ̄ɔ́ tā n əlan̄ gōn tə́ aĺ ní.

2 YÁ̰A̰ GƏ̄ 26:5

Ojias sāā Nə́ɓā kə dɔ ndɔ̄ gə̄ malang ń Jakari nge ndóōn ɓōĺ ndíĺ Nə́ɓā ndiń kə kumneé ní. Adə̄ Nə́ɓā rāā seneé tū yá̰a̰ gə̄ tə́ malang.

TƏ́DA 10:10

Ā ī-kɔ̄ríī bərúnjə ndɔ̄ rɔ̄nel̄ tə́ ō, ndɔ̄ pété tə́ ō, ndɔ̄ nāā kə́ kijə tə́ ō, dan ń ā ī-róōiń dā̰ horoó yā kadə̄ Kɔ́ɔ̄ɓē ní ō, ā ī-tunīiń yá̰a̰ tām̄ yā kem kógə̄ḿ tə́ ní ō. Ā ī-kɔ̄ríī bərúnjə kadə̄ əgań kem Nə́ɓā yāsí dɔsí tə́. Mā i Kɔ́ɔ̄ɓē Nə́ɓā yāsí.

Teē Ngán Israel gə̄ 28:29

Adə̄ ré Aaro̰ a udə kem loo kə́ táĺ tə́ anī, rī ngán Israel gə̄ a to dɔ nganjən tə́ tū pekətoral gān̄g sarya yā Nə́ɓā tə́. Rī ngán Israel gə̄ ní rāān̄ rɔ̄də́ i yá̰a̰ kəga kem dɔ ngán Israel gə̄ tə́ kə́ a to ngándáńg ta kumḿ mā tə́.

LEBI GƏ̄ 24:7

Ā ī-ɓōkə́ kajaja kə́ unjə̄ majə dɔ mápá ní tə́ gír jōó mbak. A róōn̄ kajaja ní horoó kum gotə mápá ní. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taā malang.

LEBI GƏ̄ 2:2

Kɔ́ɔ̄ a aw̄ń rɔ̄ ngé tun̄ yá̰a̰ gə̄ ń i ngán Aaro̰ gə̄ ní tə́. Nge tun̄ yá̰a̰ a ɔdə dɔ naā tə́ kə yibīí ō, kə kajaja malang ō, kem jīn kógə̄ḿ yā róō dɔ loo tun̄ yá̰á̰ tə́. Nge ń noō i yá̰á̰ kə́ ɔjə kadə̄ yá̰a̰ ndējə̄ ní i kə́ kadə̄ kə taá malang. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

NEHEMI 1:4

Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́