NEHEMI 2:19 - Bibəl ta Sar̄

¹⁹ Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

Bible sar

¹⁹ Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

NEHEMI 2:19 Referans Kwoze

NEHEMI 6:6

Najə̄ kə́ kem makətūbə̄ ní tə́ n toó: Najə̄ ń nápar de gə̄ a ɔrə̄n̄ ní n toó, tá Gesem əda ō, na ḭ̄ ō, Jipə gə̄ ō, na ī-gírī i tā̰ mban̄g rɔ̄. Na ī-tél na ī-rāā ndogə̄ mbal̄ gogə́ rang na i tām̄ najə̄ ń noō tə́, na ḭ̄ na ī-sāā kadə̄ kə ḭ̄ i mban̄g yādə́ tītə̄ ń de gə̄ a ədan̄neé ní. Tá Gesem əda i beé ō.

MARK 5:40

Ba nin̄-lurnən̄. Tā anī Jeju tə̄ɓādə́ ndágá malang, ba ɓāŕ bɔbə̄ ngōn̄ ní ō, kó̰o̰n ō, naā tə́ kə ngé gə̄ ń seneé ní, nin̄-udən̄ loo ń ngōn̄ to tū tə́ ní tə́.

HEBƏRO 11:36

Mbóon̄ kə ngé kə́rēý gə̄ ō, əndan̄də́ kə mərawaá ō, tṵ́ṵ̄n̄ ngé kə́rēý gə̄ kə súĺ ba ɓōkə́n̄də́ kújə dəngáyá ō.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

JA̰A̰ 19:12

Əla gír kum mbang ngeé ń noō tə́ ní, Pilatə a sāā i ta róbə kəya̰ Jeju dɔɔ́. Banī Jipə gə̄ unən̄ ndūdə́ kə̄ dɔɔ́ ngá̰ý ədan̄neé na: Ré ə́ya̰n dɔɔ́ anī, ḭ̄ i madə̄ Sejar alé. Náā nəkɔ́ ń rāā rɔ̄n mban̄g tə́ ní, mbātə́ i Sejar wáńg.

Najə̄ kə́ Majə yā Jeju ń Luk ndang ní 23:2

Əlan̄ gír sekə́n rɔ̄ Pilatə tə́ ədan̄ na: Á̰a̰ā̰, j-ənge dəngam ń toō loo sə̄lā nápar deē yājí gə̄ tə́ ō, loo kɔgə̄ de gə̄ kadə̄ Sejar yá̰a̰ tīr̄ gə̄ tə́ ō. Tá nəkɔ́ əda ɓáý to̰ na ni na i Kərist ō.

JEREMI 20:8

Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.

PĀ GƏ̄ 80:6

Ḭ̄ ūl̄də́ kə mápá kə́ ló̰ȳ kə man̄ nōó ō, ādə̄də́ man̄ nōō adə̄ rosə yá̰a̰ nja mətá adə̄ a̰ȳn̄ ō.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

Makətūbə̄ yā Job 30:1

Ba ngɔlaā mā i kur̄ kəgō yā ngé gə̄ ń ɓālə̄ḿ tɔȳ yādə́ ní, nin̄ ń kété m̄-kídə̄ bɔbə̄də́ gə̄, adə̄ m̄-mbātə́ kəladə́ dan bísə́ kə́ ngé ngɔ̄m̄ yá̰a̰ kul̄ yāḿ gə̄ tə́ ní.

NEHEMI 6:9

Nin̄ malang ní sāān̄ i kəla ɓōĺ kemjí tə́, kadə̄ tɔ́gə́jí ur̄ wak kadə̄ j-əya̰ ta kəla kɔ̄ɔ́. Kɔ́ɔ̄ɓē, ādə̄m̄ tɔ́gə loo kəla yāḿ tə́!

NEHEMI 4:1

Dan ń Sanbalat ō Tobia ō Arabə gə̄ ō Amon gə̄ ō Asdod gə̄ ō oōn̄ kadə̄ kəla kəndā ndogə̄ mbal̄ kə́ Jerusalem a aw̄ i kum kə̄ kété ō, kum loo kə́ ra wōȳ kə́ tū tə́ gə̄ i kə́ kutə̄ kɔ̄ɔ́ ō anī, wōn̄g rāādə́ ngá̰ý.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

MATIYE 9:24

ədadə́ na: Ī-teēī kɔ̄ɔ́, tɔdɔ̄ ngōn̄ ní oy alé, ba a ɓīī i mbée. Anī nin̄-əgōn̄ naā dɔn tə́.

NEHEMI 13:28

Ngōn̄ Yoyada kógə̄ḿ kə́ dəngam kə́ ngōn̄ Eliasib ngol ngé tun̄ yá̰a̰ gə̄ i um Sanbalat kə́ Horon, adə̄ m̄-tə́ɓān kɔ̄ɔ́ rɔ̄ḿ tə́.

PĀ GƏ̄ 123:4

Lur yā ngé ɓōĺ ndíl de gə̄ aĺ gə̄ ō, kídə̄ loo yā ngé kɔjə rɔ̄ gə̄ ō ní, asəjí nák kɔ̄ɔ́.

JEREMI 41:10

Ismael ɔy gotə de gə̄ malang ń na̰yn̄ Misəpa ní aw̄ sedə́. De gə̄ ní i ngáń ngār kə́ dəyá̰ gə̄ ō, de gə̄ malang ń ndin̄ Misəpa ɓáý ní ō, ngé gə̄ ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam, kadə̄ ngɔ̄m̄də́ majə ní ō. Ismael, ngōn̄ Netania, əhɔdə́ aw̄ sedə́ yā kəsōń gír Amon gə̄ tə́.

PĀ GƏ̄ 80:7

Ḭ̄ ī-rāājí i yá̰a̰ kɔ̄l̄ naā yā madə̄ ɓējí gə̄ tə́ ō, madə̄ ba̰ā̰jí gə̄ rāān̄jí i kur̄ kəgō yādə́ tə́ ō.

IJAI 36:5

Ḭ̄ ə́da na i najə̄ kə́ taí tə́ ngóy n ā ə́ngeń kajə ō tɔ́gə ō loo rɔ̄ɔ̄ tə́! Ə̄ndā kemií i dɔ náā tə́ n ī-mbātə́nń koō najə̄ taḿ tə́ ní?