NEHEMI 2:18 - Bibəl ta Sar̄

¹⁸ M-ɔ́jə́də́ loo kəndā ń Nə́ɓā yāḿ əndā jīn kə́ majə dɔḿ tə́ ní ō, m-ə́dádə́ yá̰á̰ ń mban̄g ədam̄ ní ō. Anī nin̄ ədan̄ na: Ḭ́ḭī dɔɔ́ jə-rāāī ɓē gogə́ rang! Adə̄ nin̄ əhɔn̄ rɔ̄də́ tɔgə rāān̄neé kəla kə́ majə ń toō.

Bible sar

¹⁸ M-ɔ́jə́də́ loo kəndā ń Nə́ɓā yāḿ əndā jīn kə́ majə dɔḿ tə́ ní ō, m-ə́dádə́ yá̰á̰ ń mban̄g ədam̄ ní ō. Anī nin̄ ədan̄ na: Ḭ́ḭī dɔɔ́ jə-rāāī ɓē gogə́ rang! Adə̄ nin̄ əhɔn̄ rɔ̄də́ tɔgə rāān̄neé kəla kə́ majə ń toō.

NEHEMI 2:18 Referans Kwoze

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

2 YÁ̰A̰ GƏ̄ 32:5

Ejekias əhɔ rɔ̄n tɔgə, tél rāā ndogə̄ mbal̄ ń tétə̄n̄ nang tə́ kɔ̄ɔ́ ní gogə́ rang ō, rāā kújə gə̄ ta tə́ dɔɔ́ ō, ənī ndogə̄ mbal̄ kə́ rang gidə madə̄ tə́ ndágá ō, tél rāā Milo gogə́ rang kem ɓē yā Dabid tə́ ō, adə̄ oon̄ nənga gə̄ ngá̰ý ō, der gə̄ ngá̰ý ō.

1 YÁ̰A̰ GƏ̄ 19:13

Kə əhɔ rɔ̄n tɔgə ō, kə n-ɔjən̄ kadə̄ tɔ́gə́də́ to ō, tām̄ yā gír deē yādə́ gə̄ tə́ ō, tām̄ yā ɓē yā Nə́ɓā yādə́ tə́ ō. Ba kadə̄ Kɔ́ɔ̄ɓē kə rāā yá̰á̰ ń a̰a̰ kadə̄ i yá̰á̰ kə́ majə ní.

EPEJƏ 6:10

Yā tɔ̄ləń ta najə̄ ní, ādī tɔ́gə́sí to kə ta kūl̄ ɓoo naā yāsí kə́ kə Kɔ́ɔ̄ɓēé ō, ādī tɔ́gən adə̄sí tɔ́gə ō.

ESDRAS 6:22

Gō tə́ anī rāān̄ nāā mápá kə́ kanjə̄ kaa kə rɔ̄nelēé bátə́ ndɔ̄ sīrí. Kɔ́ɔ̄ɓē rāā adə̄ rɔ̄də́ nel̄də́ ngá̰ý tɔdɔ̄ ni tūr̄ kem mban̄g kə́ Asiri adə̄də́. Nge ń noō rāā adə̄ jīdə́ ngan̄g loo rāā kəla kújə yā Nə́ɓā yā Israel tə́.

2 SAMUEL 2:7

Ba ngɔlaā ní ə́hɔī rɔ̄sí tɔgə, ādə̄ sḭḭ̄ i de kə́ dəngam gə̄. Rɔ̄kum, kɔ́ɔ̄sí Saul oy, ba i mā n Juda gə̄ əndāmə̄n̄ mban̄g kadə̄ m-ó̰o̰ ɓē dɔdə́ tə́ ní.

1 YÁ̰A̰ GƏ̄ 11:10

Go̰ rɔ̄ɔ̄ gə̄ yā Dabid ń nin̄ kə Israel gə̄ malang əndān̄ Dabid mban̄g kə gō najə̄ ń Kɔ́ɔ̄ɓē əda dɔ gír deē yān gə̄ tə́ ō, ɔsən̄ kílən kə̄ dɔɔ́ ɓāl̄ ko̰o̰ ɓē yān tə́ ō ní, rīdə́ n toó:

1 SAMUEL 23:16

Ndɔ̄ kə́rēý tə́ anī Jonatan ngōn̄ Saul aw̄ rɔ̄ Dabid tə́ Horsa. Ni-aw̄ ɔr̄ najə̄ seneé kə rī Nə́ɓāá mbūsənneé.

NEHEMI 2:8

Ādə̄ adə̄mə̄n̄ makətūbə̄ kə́ tām̄ yā Asap nge ngɔ̄m̄ ku kāgə̄ gə̄ yā mban̄g tə́ ō, kadə̄ adə̄m̄neé kāgə̄ tə́ tām̄ yā ta róbə gə̄ kə́ tū kújə́ kə́ ngan̄g kə́ kadə kújə yā Kɔ́ɔ̄ɓē tə́ ō, ndogə̄ mbal̄ kə́ dɔ ɓē tə́ ō, kújə́ ń mā m-ā m̄-ndi kemeé ní ō. Mban̄g adə̄m̄ makətūbə̄ gə̄ ní, tɔdɔ̄ jī Nə́ɓā yāḿ kə́ majə i dɔḿ tə́.