NEHEMI 2:15 - Bibəl ta Sar̄

¹⁵ Loo ń noō tə́ m-ún gō wól loo kə́ Sedəro̰ ń əta tan kum kə̄ dɔɔ́ ní i ndɔ̄ɔ́ ndɔ̄ nəkɔ́ ń noō tə́ m-ə̄ndāń ma̰ȳ ndogə̄ mbal̄ ní. Ba m̄-tél dɔ tə́ m-āw̄ ɓēé kə ta róbə́ kə́ wól looó.

Bible sar

¹⁵ Loo ń noō tə́ m-ún gō wól loo kə́ Sedəro̰ ń əta tan kum kə̄ dɔɔ́ ní i ndɔ̄ɔ́ ndɔ̄ nəkɔ́ ń noō tə́ m-ə̄ndāń ma̰ȳ ndogə̄ mbal̄ ní. Ba m̄-tél dɔ tə́ m-āw̄ ɓēé kə ta róbə́ kə́ wól looó.

NEHEMI 2:15 Referans Kwoze

2 SAMUEL 15:23

Dan ń de gə̄ a mānə̄n̄ anī, de kə́ kem ɓēé gə̄ malang unən̄ ndūdə́ kə̄ dɔɔ́ a nōōnneé. Mban̄g teē man̄ Sedəron kə̄ gidə kə́rēý tə́ ō, de gə̄ malang mānə̄n̄ kumdə́ sɔɔ̄ róbə́ ń to kə gō kadə dəla loo ní ō.

JA̰A̰ 18:1

Dan ń Jeju ɔr̄ najə̄ beē oy anī, nin̄ kə ngé ndóō yá̰a̰ yān gēé aw̄n̄ gidə wól man̄ Sedəro̰ tə́. Ndɔr̄ kógə̄ḿ i loo ngeé ń noō tə́, adə̄ ni udə kemeé kə ngé ndóō yá̰a̰ yān gēé.

2 YÁ̰A̰ GƏ̄ 26:9

Ni-rāā kújə kə́ ngāl̄ ɓururu kum kə̄ dɔɔ́ gə̄ Jerusalem dɔ ta róbə́ kə́ kíl loo tə́ tə́ ō, kə́ wól loo tə́ tə́ ō, kə́ loo kə́ ndogə̄ mbal̄ kə́ tū tə́ teē kum kə̄ ndágá tə́ ō.

NEHEMI 2:16

Ngé rāā sarya kə́ kem ɓēé gə̄ gerə̄n̄ loo ń m-āw̄ tū tə́ ní aĺ ō, gerə̄n̄ yá̰á̰ ń m̄-rāā ní aĺ ō, tɔdɔ̄ bátə́ kum mbang ń noō tə́ ní najə̄ kə́ kemḿ tə́ ní m-ə́da deē alé. M-ə́da Jipə gə̄ aĺ ō, ngé tun̄ yá̰a̰ gə̄ aĺ ō, de kə́ bo gə̄ aĺ ō, nge rāā sarya gə̄ aĺ ō, gotə de kə́ rang gə̄ kə́ ngé kəndā kumdə́ gír kəla gə̄ tə́ aĺ ō.

NEHEMI 3:13

Hanun nin̄ kə de kə́ Janoa gə̄ rāān̄ i ta róbə́ kə́ wól loo tə́. I nin̄ n rāān̄ ta róbə́ ní ō, tə́lan̄ bápə gə̄ ta tə́ ō, rákə̄n̄ yá̰a̰ ta tə́ ō, əgan̄ kélé ta tə́ ō ní. Ndogə̄ mbal̄ ń nin̄ rāān̄ ní ngālən asə métər ɓú mí. Nin̄ rāān̄ bátə́ ugə̄n̄ ta róbə dɔ bū loo tə́.