NEHEMI 2:14 - Bibəl ta Sar̄

¹⁴ m̄-mān̄ m-āw̄ kum kə̄ ta róbə́ ń rīn na i ta kəɓa man̄ tə́ ní ō, m-ādə̄ kumḿ sɔɔ̄ dang man̄ yā mban̄g tə́ ō. Gō tə́ anī kərō ń m̄-ndi dɔ tə́ ní a̰a̰ loo mān̄ to̰ alé.

Bible sar

¹⁴ m̄-mān̄ m-āw̄ kum kə̄ ta róbə́ ń rīn na i ta kəɓa man̄ tə́ ní ō, m-ādə̄ kumḿ sɔɔ̄ dang man̄ yā mban̄g tə́ ō. Gō tə́ anī kərō ń m̄-ndi dɔ tə́ ní a̰a̰ loo mān̄ to̰ alé.

NEHEMI 2:14 Referans Kwoze

NEHEMI 3:15

Deē ń rāā ta róbə ta kəɓa man̄ ní i Salum kə́ ngōn̄ Kolhojə. Ni i ngār kə́ gō nang kə́ Misəpa tə́. I ni n rāā ta róbə́ ní ō, rāā dɔ ō, tə́lá bápə gə̄ ta tə́ ō, rákə̄ yá̰a̰ ta tə́ ō, əga kélé ta tə́ ō ní. Ndogə̄ mbal̄ kə́ kadə dang kə́ Siloe tə́ ń i dɔ dán ndɔr̄ yā mban̄g tə́ kə loo tə́ndā nja yā njə̄rań ń ḭḭ ɓē yā Dabid tə́ dɔɔ́ ba reē kum kə̄ nang tə́ ní i ni n rāā ō ní.

2 MBAN̄G 20:20

Gotə yá̰á̰ kə́ rang gə̄ ń Ejekias rāā ní, ndangən̄ kem makətūbə̄ kəla rāā mban̄g gə̄ kə́ Juda tə́. Ənīn̄ gotə yá̰á̰ kə́ to kɔsə gɔn gə̄ ń ni-rāā ní ō, ɔjən̄ loo rāā ń ni-rāā gúr̄ man̄ ní ō, loo ndēr̄ ń ni ndēr̄ bəlo kə́ kə ngālāá kə́ kadə̄ man̄ aw̄ń kem ɓē kə́ Jerusalem tə́ ní ō, kem makətūbə̄ ní tə́.

2 YÁ̰A̰ GƏ̄ 32:30

Loo kə́ dɔ mbalá ń man̄ Gihon a teē tū tə́ ní i Ejekias n utə̄ ta ba rāā adə̄ man̄ Gihon nūgə́ kum kə̄ nang tə́, dām̄ kə́ no ɓē tə́, kem ɓē yā Dabid tə́ ní. Yá̰a̰ malang ń Ejekias rāā ní majə ō, teē yá̰a̰ ō.

2 MBAN̄G 18:17

Mban̄g kə́ Asiri ndi Lakis ba əla ngol áskar yān gə̄ ō, ngol áskar kə́ bo gə̄ ō, nge kɔsə kílən ō, ɓūtə̄ áskar kə́ ngá̰ý gə̄ sedə́ ō, rɔ̄ mban̄g Ejekias tə́ Jerusalem. Nin̄ reē ugə̄n̄ Jerusalem anī ran̄ kadə bəlo kə́ ndēr̄ kadə̄ man̄ kə́ kem gár̄ kə́ dɔɔ́ tə́ mān̄ tū tə́ ní tə́, dɔ róbə́ kə́ yā kaw̄ń kə̄ kem ndɔr̄ yā ngé rāā kəla kūbə̄ gə̄ tə́.

NEHEMI 12:37

Dan ń ugə̄n̄ ta róbə kəɓa man̄ tə́ anī, róbə́ kə́ əta tan kə̄ dɔɔ́ ta kaw̄ kə̄ kem ɓē yā Dabid tə́ i nodə́ tə́. Nin̄-unən̄ róbə́ ní dɔ ndogə̄ mbal̄ tə́ adə̄ kújə mbang yā Dabid i kə̄ nang tə́. Nin̄-aw̄n̄ bátə́ ugə̄n̄ ta róbə man̄ tə́ dām̄ kə́ gír ɓēé tə́.

KOHELET 2:6

m̄-ndēr̄ bəlo kə́ kadə̄ man̄ ra kemeé gə̄ tām̄ yāḿ tə́ yā rāań man̄ gíŕ ngán kāgə̄ kə́ ngá̰ý gə̄ tə́.

NEHEMI 3:16

Deē ń rāā kəla kadə Salum tə́ ní i Nehemi kə́ ngōn̄ Asbuk. Ni i ngār kə́ dɔ núsə gō nang kə́ Bet Sur tə́. Ni ra kəla bátə́ ugə̄ dɔ ɓádə gə̄ yā Dabid tə́, bátə́ ugə̄ dang ń de gə̄ rāān̄ tə́ ní ō, kújə yā go̰ rɔ̄ɔ̄ gə̄ tə́ ō.