NEHEMI 2:10 - Bibəl ta Sar̄

¹⁰ Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

Bible sar

¹⁰ Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán *Israel gə̄ tə́.

NEHEMI 2:10 Referans Kwoze

NEHEMI 4:7

Anī m̄-tə́ndā ngé rɔ̄ɔ̄ gə̄ tū tə́ kə gō gír kaa yādə́ gēé. Yá̰a̰ rɔ̄ɔ̄ yādə́ gə̄ i kaskar ō nənga ō ga̰ gərā ō.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

Gōsə̄ najə̄ gə̄ 27:4

Wur katə̄ i nge rāā deē yá̰á̰ kə́ tōr̄ kanjə̄ kadə̄ kumən o̰o̰n, wōn̄g i yá̰á̰ kə́ a un dɔ deē tītə̄ man̄ kə́ rə̄ɓā kem kārə̄n tə́ kə̄ ndágá beē, ba i náā n a asə ra gotoó yā dum̄ ta jang ní?

NEHEMI 13:4

Kété ní i Eliasib kə́ nge tun̄ yá̰a̰ n əndān̄ dɔn tə́ kadə̄ əndā kumən gō kújə gə̄ kə́ kadə kújə yā Nə́ɓā yājí tə́ ní. Ni i nge Tobia kə́ ngɔr ngá̰ý,

NEHEMI 6:1

Sanbalat ō Tobia ō Gesem ń i Arabə ní ō, gotə madə̄ ba̰ā̰jí kə́ rang gə̄ ō, oōn̄ kadə̄ m̄-tél m-ə̄ndā ndogə̄ mbal̄ gidə ɓē tə́ gogə́ ō, kadə̄ loo gə̄ ń ndogə̄ mbal̄ tétə̄ nang tə́ tū tə́ ní i kə́ tə́nī kum kɔ̄ɔ́ malang ō. Dan ngeé ń noō tə́ ní m̄-tə́lá bápə gə̄ ta róbə ndogə̄ gə̄ tə́ aĺ ɓáý.

KƏLA RĀĀ 5:24

Loo ń ngār yā ngé ngɔ̄m̄ ta kújə yā Kɔ́ɔ̄ɓē gə̄ ō, ngol gə̄ kə́ dɔ ngé tun̄ yá̰a̰ gə̄ tə́ ō oōn̄ najə̄ gə̄ ń noō ní, nin̄-gírə̄n̄ yá̰á̰ sétə́ dɔ ngámbang kəla gə̄ tə́, ba dəjen̄ naā na ké i rí n rāā yá̰a̰ wa.

KƏLA RĀĀ 4:2

Kɔjə ń ngámbang kəla kə́ jōó gə̄ ń toō ra a ɔjən̄ de gə̄ yá̰a̰ ō, ra a ədan̄ de gə̄ na Jeju ń oy ní na ndól̄ kɔ̄ɔ́ ō ní tōr̄də́ ngá̰ý. Tām̄ ré nin̄-ədan̄ beé anī kumən na de gə̄ ń oyn̄ ní na a ndólə̄n̄ rɔ̄kum.

JEREMI 48:34

De gə̄ kə́ Hesəbon tə́ gə̄ ń ɓārə̄n̄ ɓār̄ kadə̄ dḭḭ̄n̄də́ ní, oōn̄ kōōdə́ bátə́ gān̄g kə̄ Elale tə́. Tá ndūdə́ ɓār̄ bátə́ ugə̄ Yahas kə́ Soar tə́ ō, téē Horonaim ō, Egəlat Selisiya ō. Tɔdɔ̄ man̄ gə̄ kə́ Nimrim tə́ gə̄gē a télən̄ i yá̰á̰ kə́ deē əda rī to̰ alé.

JEREMI 48:5

De gə̄ alə̄n̄ kə̄ dɔ loo kə́ kḭḭ kə̄ dɔɔ́ kə́ Luhit tə́ i kə noó tadə́ tə́. De gə̄ risən̄ kə̄ nang tə́ loo kə́ risə kə̄ nang tə́ kə́ Horonaim tə́ anī, ōōn̄ kōō de gə̄ ń loo nujə dɔdə́ tə́ sák sák á a ɓārə̄n̄ ɓār̄ ní.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

KOHELET 10:7

M-á̰a̰ ɓəlo gə̄ loo kal̄ sə́nda tə́ ō, m-á̰a̰ ngār gə̄ loo njə̄rā tə́ kə njadə́ tītə̄ ɓəlo gə̄ ō.

PĀ GƏ̄ 112:10

Nge kem ndul a̰a̰ anī wōn̄g rāān ngá̰ý, adə̄ do̰ tan ba jīn ur̄ wak. Ndə̄ngā yā ngé kem ndul gə̄ ní gotə a to i karī.

NEHEMI 13:1

Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.

NEHEMI 6:16

Dan ń madə̄ ba̰ā̰jí gə̄ malang oōn̄ ní, nápar de gə̄ malang ń ndin̄ gīrə̄n̄ gidəjí ní ɓōlə́n̄ ō, rɔ̄də́ sɔl̄də́ ngá̰ý ō. Nin̄ gerə̄n̄ kadə̄ i Nə́ɓā yājí n rāā kəla ní sejí ní.

NEHEMI 13:28

Ngōn̄ Yoyada kógə̄ḿ kə́ dəngam kə́ ngōn̄ Eliasib ngol ngé tun̄ yá̰a̰ gə̄ i um Sanbalat kə́ Horon, adə̄ m̄-tə́ɓān kɔ̄ɔ́ rɔ̄ḿ tə́.

ESTER 10:3

Tɔdɔ̄ kem ɓē ko̰o̰ yā mban̄g Jerses tə́ ní de kə́ utə̄ gō mban̄g Jerses i Mardose ń ni i Jipə deē ní. Mardose i de kə́ bo kə́ dan Jipə gə̄ tə́ ō, nel̄ ngákó̰o̰n kə́ Jipə gə̄ malang seneé ō. Ni sāā yá̰á̰ kə́ majə tām̄ yā gír deē yān gə̄ tə́ ō, ɔr̄ najə̄ lápə́ya tām̄ yādə́ tə́ ō.

JEREMI 41:10

Ismael ɔy gotə de gə̄ malang ń na̰yn̄ Misəpa ní aw̄ sedə́. De gə̄ ní i ngáń ngār kə́ dəyá̰ gə̄ ō, de gə̄ malang ń ndin̄ Misəpa ɓáý ní ō, ngé gə̄ ń Nebujaradan, ngol ngé ngɔ̄m̄ dɔ mban̄g ɓɔ̄ɔ̄də́ kə Gedalia, ngōn̄ Ahikam, kadə̄ ngɔ̄m̄də́ majə ní ō. Ismael, ngōn̄ Netania, əhɔdə́ aw̄ sedə́ yā kəsōń gír Amon gə̄ tə́.