NEHEMI 13:31 - Bibəl ta Sar̄

³¹ M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

Bible sar

³¹ M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

NEHEMI 13:31 Referans Kwoze

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

PĀ GƏ̄ 106:4

Kɔ́ɔ̄ɓē, loo ń ā ī-rāā kem majə kə gír deē yāí gēé anī, ī-gír̄ dɔḿ tə́! Dan ń ā ájə́ gír deē yāí gə̄ anī, á̰a̰ gōḿ.

PĀ GƏ̄ 25:7

Yá̰á̰ kə́ majaĺ gə̄ ō, yá̰a̰ kə́ gōtə́ aĺ gə̄ ō ń m̄-rāā kə ngōn̄ dūúḿ ní, ī-lōō gír̄ dɔ tə́. Banī Kɔ́ɔ̄ɓē, ī-gír̄ dɔḿ tə́ tām̄ ḭ̄ i nge ra dɔ ndūí tə́, sɔɔ̄ń kem majə yāí.

NEHEMI 10:34

Adə̄ i yā sāań mápá kə́ yā ndējə̄ Nə́ɓā ō, yá̰a̰ tun̄ kə́ yā róō horoó gə̄ ō, yá̰a̰ ndējə̄ kə́ rāā kə kōó gə̄ kə́ yā ndējə̄ kə dɔ ndɔ̄ gə̄ ō, yá̰a̰ tun̄ gə̄ kə́ ndɔ̄ sabat tə́ ō, ndɔ̄ teē nāā tə́ ō, ndɔ̄ rāā nāā gə̄ tə́ ō, yá̰á̰ kə́ kɔr̄ kam̄ tayā tām̄ yā Nə́ɓā tə́ gə̄ ō, yá̰a̰ tun̄ gə̄ kə́ yā kutəń dɔ majaĺ gə̄ yā ngán Israel gə̄ ō, yā rāań kəla malang kə́ tū kújə yā Nə́ɓā yājí tə́ ō.

Najə̄ kə́ Majə yā Jeju ń Luk ndang ní 23:42

Tá ni-əda Jeju na: Jeju, ādə̄ əga kemií dɔḿ tə́ dan ń ā ūgə̄ kem Ɓē ko̰o̰ yāí tə́ ní.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

NEHEMI 10:35

Jḭḭ ngé tun̄ yá̰a̰ gə̄ ō, ngán Lebi gə̄ ō, de kə́ karī gə̄ ō, jə-túgə̄ wə̄lā j-adə̄ń gír kojə yājí gə̄ kum m bang gə̄ kə́ yā reēń kə kīr̄í yā ndējə̄ kem kújə yā Nə́ɓā yājí tə́. A reēn̄neé i kə dɔ ɓāl̄ gə̄ yā tə́ngań yá̰á̰ kə́ tun̄ dɔ loo tun̄ yá̰a̰ yā Kɔ́ɔ̄ɓē Nə́ɓā yājí tə́ tītə̄ ń ndū najə̄ ədań ní.

NEHEMI 10:38

J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.