NEHEMI 13:3 - Bibəl ta Sar̄

³ Dan ń oōn̄ ndū najə̄ ní anī ɔrə̄n̄ tə̄rā gə̄ kɔ̄ɔ́ dan ngán Israel gə̄ tə́.

Bible sar

³ Dan ń oōn̄ *ndū najə̄ ní anī ɔrə̄n̄ tə̄rā gə̄ kɔ̄ɔ́ dan ngán Israel gə̄ tə́.

NEHEMI 13:3 Referans Kwoze

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.

Teē Ngán Israel gə̄ 12:38

Kósə de gə̄ kə́ dɔdə́ tɔ́sə̄ naā gə̄ aw̄n̄ sedə́ ō. Batə̄ gə̄ kə bə̄yā̰ gə̄ kə man̄g gə̄ ń aw̄n̄neé ní ɓoon̄ naā malang, adə̄ i ɓūtə̄ yá̰a̰ kul̄ gə̄ kə́ sḛ́ý beē aĺ bátə́.

NEHEMI 10:28

Maluk ō Harim ō Baana ō.

TƏ́DA 11:4

Ndɔ̄ kə́ rang tə́ anī, kósə de gə̄ ké dɔdə́ tɔ́sə̄ naā gə̄ ń ndin̄ dan ngán Israel gə̄ tə́ ní, ngur kəsa dā̰ rāādə́, anī ngurən rāā ngán Israel gə̄ ō, adə̄ tél a ɓarə̄n̄ najə̄ ədan̄ na: I náā n a adə̄jí dā̰ kadə̄ j-əsaī tā.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

Makətūbə̄ ń Pol ndang adə̄ Rom gə̄ ní 3:20

Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

PĀ GƏ̄ 119:9

Dan ń deē na̰y ngōn̄ ɓáý ní loo kadə̄ hálən majə ɔtə̄ kə taá i ba̰ý? Kɔ́ɔ̄ɓē, hálən a majə i kə ta kūl̄ rāā yá̰á̰ ń ə́dá ní.

ESDRAS 10:11

Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.