NEHEMI 13:29 - Bibəl ta Sar̄

²⁹ Nə́ɓā yāḿ, ādə̄ əga kemií dɔdə́ tə́, tɔdɔ̄ kəla tun̄ yá̰a̰ ō, madə̄ naā kə́ kəhɔ kə ngé tun̄ yá̰a̰ gēé ō ngán Lebi gēé ō ní, nin̄ rāān̄ adə̄ majaĺ tákə̄!

Bible sar

²⁹ Nə́ɓā yāḿ, ādə̄ əga kemií dɔdə́ tə́, tɔdɔ̄ kəla *tun̄ yá̰a̰ ō, *madə̄ naā kə́ kəhɔ kə *ngé tun̄ yá̰a̰ gēé ō ngán *Lebi gēé ō ní, nin̄ rāān̄ adə̄ majaĺ tákə̄!

NEHEMI 13:29 Referans Kwoze

NEHEMI 6:14

Nə́ɓā yāḿ, ādə̄ əga kemií dɔ Tobia nin̄ kə Sanbalat tə́ najə̄ yá̰a̰ rāādə́ gə̄ tə́ ō, ādə̄ əga kemií dɔ Noadia nge koō ta kə́ dəyá̰ tə́ ō, dɔ gotə ngé koō ta gə̄ ń sāān̄ kəla ɓōĺ kemḿ tə́ ní ō!

2 TIMOTE 4:14

Alekjandər ń i kɔdə̄ kə́ nge koo yá̰á̰ ní, rāā yá̰á̰ kə́ majaĺ ngá̰ý seḿ. Ba Kɔ́ɔ̄ɓē a əgān kə̄rān.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

LEBI GƏ̄ 21:8

Ā ī-rāā nge tun̄ yá̰a̰ i de kə́ táĺ tə́ tām̄ i ni n i nge kadə̄ Nə́ɓā yāí yá̰a̰ ndējə̄ ní. Ā ī-rāān i de kə́ táĺ tə́, tām̄ mā Kɔ́ɔ̄ɓē nge kɔr̄ kam̄sí ní mā i de kə́ táĺ.

LEBI GƏ̄ 21:15

Na sōgə́ reē kə dəyá̰ kə́ gír kaa de kə́ karī tə́ əlan dan de gə̄ kə́ gír kojə yān tə́. Mā i Kɔ́ɔ̄ɓē, nge kɔr̄ kamə̄n.

LEBI GƏ̄ 21:23

Ba ni asə kaw̄ kugə̄ rɔ̄ kūbə̄ ń gangnən gír loo kə́ táĺ yā Nə́ɓā tə́ aĺ ō, kugə̄ ta loo tun̄ yá̰á̰ tə́ aĺ ō, na sōgə́ ni-rāā adə̄ loo kə́ táĺ yāḿ ō, yá̰á̰ kə́ kemeé gə̄ ō, télən̄ yá̰á̰ kə́ karī gə̄ tām̄ ni i de kə́ nujə. Tɔdɔ̄ mā i Kɔ́ɔ̄ɓē nge kɔr̄ kam̄ ngé tun̄ yá̰a̰ gə̄.