NEHEMI 13:22 - Bibəl ta Sar̄

²² Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

Bible sar

²² Gō tə́ anī m-ə́dá *ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ *sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

NEHEMI 13:22 Referans Kwoze

NEHEMI 12:30

Ngé tun̄ yá̰a̰ gə̄ ō ngán Lebi gə̄ ō tə́gon̄ yḛr kə́ rɔ̄də́ nin̄ kɔ́ gə̄ tə́ ō, kə́ rɔ̄ ngán Israel gə̄ tə́ ō, kə́ tū ndogə̄ mbal̄ tə́ ō.

NEHEMI 13:14

Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

IJAI 38:3

Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 5:7

Ḭ̄ i nge rāā kadə̄ ngé kɔr̄ najə̄ kə́ sor̄ gə̄ oyn̄. De kə́ nge gól̄ de gə̄ ō, ɓōkə́ mósə de gə̄ nang tə́ ō ní nel̄ Kɔ́ɔ̄ɓē seneé aĺ bátə́.

NEHEMI 12:10

Yesua ojə Yoyakim, Yoyakim ojə Eliasib, Eliasib ojə Yoyada.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

2 YÁ̰A̰ GƏ̄ 29:27

Ejekias əda kadə̄ tunə̄n̄ yá̰a̰ kógə̄ḿ kə taá dɔ loo tun̄ yá̰á̰ tə́. Dan ń əlan̄ gír tun̄ anī unən̄ pā kə́ yā rɔȳń Kɔ́ɔ̄ɓē ō, kɔ̄rə́n̄ bərúnjə gə̄ ō, ugən̄ yá̰á̰ kə́ ɓār̄ gōsə̄ gə̄ yā Dabid mban̄g kə́ Israel tə́ ō.

2 YÁ̰A̰ GƏ̄ 29:24

Ngé tun̄ yá̰a̰ gə̄ əjan̄ míndə bal bə̄yā̰ gə̄ ní ba ɓōkə́n̄ mósə́də́ dɔ loo tun̄ yá̰á̰ tə́ utə̄n̄neé dɔ majaĺ yā Israel gə̄ malang. Tɔdɔ̄ mban̄g əda gān̄g kadə̄ yá̰a̰ tun̄ kə́ róō horoó kə taá ō, yá̰a̰ tun̄ kə́ tām̄ yā majaĺ tə́ ō ní i tām̄ yā Israel gə̄ tə́ malang.

2 MBAN̄G 23:4

Mban̄g əda Hilkia ngol ngé tun̄ yá̰a̰ gə̄ ō, ngé tun̄ yá̰á̰ kə́ gōn tə́ gə̄ ō, ngé ngɔ̄m̄ ta róbə́ kújə gə̄ ō, kadə̄ teēn̄ kə yá̰a̰ gə̄ ń rāān̄ yā rɔȳń ɓesə̄ Baal ō, ɓesə̄ Asera ō, ɓesə̄ tə́yō̰ gə̄ malang kə́ dɔ rā̰ tə́ ō ní kɔ̄ɔ́ kem kújə yā Kɔ́ɔ̄ɓē tə́. Róōn̄ yá̰a̰ gə̄ ní horoó gidə ɓē kə́ Jerusalem tə́ ndágá kem wól man̄ Sedəron tə́ ba ɔyn̄ būdə́ gə̄ aw̄n̄neé Betel.

NDŪ NAJƏ̄ 5:12

Ɔ̄r̄ kam̄ ndɔ̄ sabat ə̄ndā tayā tām̄ yā Kɔ́ɔ̄ɓē tə́ tītə̄ ń ədaīneé ní.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

IJAI 55:7

Majə kadə̄ de kə́ majaĺ gə̄ əya̰n̄ háĺdə́ kɔ̄ɔ́. Majə kadə̄ nge rāā yá̰á̰ kə́ majaĺ əya̰ gír̄ yān kə́ to kem ndul gə̄ kɔ̄ɔ́. Majə kadə̄ de gə̄ malang tél reēn̄ kə̄ rɔ̄ Kɔ́ɔ̄ɓē tə́, tɔdɔ̄ kumən a o̰o̰n tām̄ yādə́ tə́. Majə kadə̄ de gə̄ malang tél reēn̄ kə̄ rɔ̄ Nə́ɓā yājí tə́, tɔdɔ̄ ni mā̰ȳ rɔ̄n ngá̰ý.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.