NEHEMI 13:18 - Bibəl ta Sar̄

¹⁸ Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán Israel gēé gogə́ ɓáý to̰!

Bible sar

¹⁸ Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ *sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán *Israel gēé gogə́ ɓáý to̰!

NEHEMI 13:18 Referans Kwoze

EJEKIEL 23:26

Nin̄ a táān̄ kūbə̄ yāí gə̄ kɔ̄ɔ́ ō, a táān̄ yá̰á̰ súū rɔ̄ yāí kə́ majə ngá̰ý gə̄ kɔ̄ɔ́ ō.

EJEKIEL 23:8

Ni na̰y kə̄ loo rāā ájə́ba tə́ tītə̄ ń kété a rāań dɔ nang kə́ Ejiptə tə́ ní. Nú ní dan ń ni na̰y mandə ɓáý ní, dəngam gə̄ ɓīīn̄ seneé ō, wār̄yān̄ kadə ń i kadə ngōmandə ní ō, ndɔ́r̄ əlan̄ tan tū kaya tə́ ō.

JEREMI 44:9

Dɔsí ndígə̄nal yá̰á̰ kə́ majaĺ gə̄ ń kó̰ó̰sí gə̄ ō, mban̄g kə́ Juda tə́ gə̄ ō, nə̄yá̰də́ gə̄ ō, sḭḭ̄ kɔ́ gə̄ ō, nə̄yá̰sí gə̄ ō, ī-rāāī kem ɓē kə́ Juda tə́ ō, dɔ kə̄lá róbə gə̄ kə́ Jerusalem tə́ ní ō kɔ̄ɔ́ a?

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

TƏ́DA 32:14

Ba sḭḭ̄ gír de kə́ ngé rāā majaĺ gə̄, ī-ndigiī kun gō bɔbə̄sí gə̄ yā rāā Kɔ́ɔ̄ɓē kadə̄ wōn̄g rāān kə ngán Israel gēé a?

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

LEBI GƏ̄ 26:18

Ré m̄-rāāsí yá̰a̰ gə̄ ń noō ba ōōī taḿ aĺ ɓáý to̰ anī, m-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

JEREMI 44:23

I tɔdɔ̄ sḭḭ̄ ī-róōī yá̰a̰ ndējə̄ gə̄ ādī ɓesə̄ gə̄ ō, ī-rāāī majaĺ kə Kɔ́ɔ̄ɓē ō. Tɔdɔ̄ najə̄ ń ni-ɔr̄ sesí ní, sḭḭ̄ ōōī aĺ ō, úniī gō yá̰á̰ ndóō yān gə̄ aĺ ō, yá̰á̰ ń ni ədasí kadə̄ ī-rāāī ní, sḭḭ̄ ī-rāāī aĺ ō, yá̰á̰ ń ni-ra sesí ta rāā ní, sḭḭ̄ ī-rāāī aĺ ō. I tām̄ ń toō tə́ n yá̰á̰ kə́ to kum kaȳ aĺ ń toō rāańsí ní, yá̰á̰ ń rāā yá̰a̰ ngɔlaā ní n toó.

Teē Ngán Israel gə̄ 31:12

Kɔ́ɔ̄ɓē əda Moijə na

NEHEMI 10:32

Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

AMOS 8:5

Sḭḭ̄ ə́daī na: Kadə̄ gír ndɔ̄ rāā nāā kə́ teē kíjə kə gān̄g láẃ! Loo ń noō tə́ j-a j-asiī gātə̄ kōō yājí. Kadə̄ gír sabat kə gān̄g láẃ! Loo ń noō tə́ j-a j-asiī teē ta mō̰ȳ yājí gə̄. J-a jə-ndégī ta yá̰a̰ gātə̄ gə̄ kɔ̄ɔ́ ō, j-a j-ənī gātə̄ dɔ madə̄ tə́ ō, j-a jə-rāāī kadə̄ yá̰a̰ mbɔ̄jə́ kɔȳ yá̰a̰ i gōtə́ aĺ ō.