NEHEMI 13:17 - Bibəl ta Sar̄

¹⁷ m̄-gákə̄ de kə́ bo kə́ Juda tə́ gə̄ m-ə́dádə́ na: I majaĺ kə́ ba̰ý n ā ī-rāāī beé ní? Sḭḭ̄ ī-rāāī ndɔ̄ sabat i ndɔ̄ kə́ karī tə́!

Bible sar

¹⁷ m̄-gákə̄ de kə́ bo kə́ Juda tə́ gə̄ m-ə́dádə́ na: I majaĺ kə́ ba̰ý n ā ī-rāāī beé ní? Sḭḭ̄ ī-rāāī ndɔ̄ sabat i ndɔ̄ kə́ karī tə́!

NEHEMI 13:17 Referans Kwoze

NEHEMI 13:11

m̄-gákə̄ ngé rāā sarya gə̄ m-ə́dádə́ na: De gə̄ əya̰n̄ kújə yā Nə́ɓā kɔ̄ɔ́ i tām̄ rí tə́? Gō tə́ anī m̄-kán̄ ngán Lebi gə̄ ō, gōsə̄ pā gə̄ ō, ba m-ādə̄ tél unən̄ ta kəla yādə́ gogə́.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

MISE 3:1

Ba mā m-ə́dásí na: I beé ɓá ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ń i ngé gān̄g sarya yā gír de gə̄ yā Israel ní, ōōī. Yá̰á̰ ń i yá̰á̰ kə́ gōtə́ ní, i sḭḭ̄ n i ngé ger̄ gə̄ ní wa ḿ?

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

Gōsə̄ najə̄ gə̄ 28:4

Ngé mbātə́ ndū najə̄ gə̄ ɓōkə́n̄ nge kem ndul tɔ̄ȳ, banī ngé ngɔ̄m̄ ndū najə̄ gə̄ rɔ̄ɔ̄nən̄.

NEHEMI 5:7

Loo ń noō tə́ m̄-gḛy gákə̄ de kə́ bo gə̄ ō, ngé rāā sarya gə̄ ō, adə̄ m-ə́dádə́ na: I yá̰a̰ kətō kə́ ɔȳ n ī-tə́ndāī dɔ naā tə́ ní! Gō tə́ anī m̄-ɓāŕdə́ loo kán̄ naā kə́ bo tə́

NEHEMI 13:16

De kə́ Tir gə̄ ń ndin̄ kem ɓēé ní reēn̄ kə kānjə̄ gə̄ ō, yá̰a̰ gātə̄ kə́ rang kə́ tayā gə̄ ō igən̄neé jī Juda gə̄ tə́ ō, kem ɓē kə́ Jerusalem tə́ ō, ndɔ̄ sabat tə́.

LEBI GƏ̄ 19:17

Ī-lōō gír̄ do kim̄ ngōkó̰ó̰í tə́. Ré ngōn̄ nge ɓē madí rāā yá̰á̰ kə́ gōtə́ aĺ anī, ī-gɔríyɔ̄n na sōgə́ najə̄ i dɔí tə́ tām̄ yān tə́.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.