NEHEMI 13:16 - Bibəl ta Sar̄

¹⁶ De kə́ Tir gə̄ ń ndin̄ kem ɓēé ní reēn̄ kə kānjə̄ gə̄ ō, yá̰a̰ gātə̄ kə́ rang kə́ tayā gə̄ ō igən̄neé jī Juda gə̄ tə́ ō, kem ɓē kə́ Jerusalem tə́ ō, ndɔ̄ sabat tə́.

Bible sar

¹⁶ De kə́ Tir gə̄ ń ndin̄ kem ɓēé ní reēn̄ kə kānjə̄ gə̄ ō, yá̰a̰ gātə̄ kə́ rang kə́ tayā gə̄ ō igən̄neé jī *Juda gə̄ tə́ ō, kem ɓē kə́ Jerusalem tə́ ō, ndɔ̄ *sabat tə́.

NEHEMI 13:16 Referans Kwoze

Teē Ngán Israel gə̄ 23:12

Ā ī-rāā kəla yāí ndɔ̄ mehḛ́, ba kə ndɔ̄ kə́ nge ko̰ sīrí anī ā ī-rāā kəla alé, kadə̄ man̄g yāí nin̄ kə kərō yāí taān̄neé koō ō, kadə̄ ngōn̄ nge kəla yāí nin̄ kə tə̄rā kə́ nge namāá ɔrə̄n̄neé koō ō.

NDŪ NAJƏ̄ 5:14

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, man̄g yāí ō, kərō yāí ō, dā̰ kógə̄ḿ kə́ dan dā̰ yāí gə̄ tə́ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla ndɔ̄ ń noō tə́ alé. Majə kadə̄ ngé kəla yāí kə́ dəngam gə̄ ō, kə́ dəyá̰ gə̄ ō, ɔrə̄n̄ koō tītə̄ yāí.

Teē Ngán Israel gə̄ 20:10

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, yá̰a̰ kul̄ yāí gə̄ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla alé.

NEHEMI 13:15

Dan ngeé ń noō tə́ ní m-á̰a̰ Juda gə̄ loo mbə̄sā kan̄ kāgə̄ nduú tə́ kə njadə́ ndɔ̄ sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

NEHEMI 13:17

m̄-gákə̄ de kə́ bo kə́ Juda tə́ gə̄ m-ə́dádə́ na: I majaĺ kə́ ba̰ý n ā ī-rāāī beé ní? Sḭḭ̄ ī-rāāī ndɔ̄ sabat i ndɔ̄ kə́ karī tə́!