NEHEMI 13:15 - Bibəl ta Sar̄

¹⁵ Dan ngeé ń noō tə́ ní m-á̰a̰ Juda gə̄ loo mbə̄sā kan̄ kāgə̄ nduú tə́ kə njadə́ ndɔ̄ sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

Bible sar

¹⁵ Dan ngeé ń noō tə́ ní m-á̰a̰ *Juda gə̄ loo mbə̄sā kan̄ *kāgə̄ nduú tə́ kə njadə́ ndɔ̄ *sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə *nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ *sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

NEHEMI 13:15 Referans Kwoze

NEHEMI 10:31

Adə̄ de gə̄ ń ndin̄ kem ɓēé ní j-adə̄də́ ngáńjí kə́ dəyá̰ gə̄ aĺ ō, j-a jə-taā ngáńdə́ kə́ dəyá̰ gə̄ yā kadə̄ ngáńjí kə́ dəngam gə̄ aĺ ō.

NEHEMI 13:21

m̄-tāādə́ m-ə́da na: Ī-ɓīī gidə ndogə̄ mbal̄ tə́ i tām̄ rí tə́? Ré ī-téĺ ə́laī gír gogə́ rang to̰ anī m-ā m-ādə̄ a əhɔn̄sí! Əla gír kum mbang ngeé ń noō tə́ ní nin̄ reēn̄ ndɔ̄ sabat tə́ to̰ alé.

Teē Ngán Israel gə̄ 34:21

Ā ī-rāāī kəla ndɔ̄ mehḛ́, ba kə ndɔ̄ kə́ nge ko̰ sīrí ā ī-rāāī kəla alé, ká i dan yā ndɔr̄ gə̄ tə́, aláa i dan yā sāā kōō gə̄ tə́ gə̄gē anī, ā ī-rāāī kəla alé.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

EJEKIEL 20:13

Banī Israel gə̄ mbātə́mə̄n̄ kem dəla loo tə́. Nin̄ unən̄ gō ndū najə̄ yāḿ gə̄ aĺ ō, mbātə́n̄ jī bēl̄ loo rāā yá̰a̰ yāḿ gə̄ ō. Tá i nin̄ n a rāān̄ ngé kundə́ rāań kəla gə̄ kadə̄ ndin̄ kə kumdə́ ní. Nin̄ kídə̄n̄ ndɔ̄ sabat nja i ngá̰ý. m̄-tél m̄-gír̄ bə̄gā wōn̄g yāḿ kə́ ngá̰ý dɔdə́ tə́ ɓáý kadə̄ oyn̄.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

JEREMI 17:24

Ré sḭḭ̄ ōōī najə̄ kɔrə̄ḿ kə́ rɔ̄kum tə́ ō, ī-rāāī ādə̄ de gə̄ ətōn̄ yá̰á̰ kə́ kɔȳ gə̄ mānə̄n̄neé ta róbə gə̄ ń toō tə́ ndɔ̄ sabat tə́ aĺ ō, ī-ɓōlíī gidə ndɔ̄ sabat ō, ī-rāāī kəla ndɔ̄ ngeé ń noō tə́ aĺ ō anī,

NDŪ NAJƏ̄ 8:19

Ré dɔsí ndígə̄nal dɔ Kɔ́ɔ̄ɓē Nə́ɓā yāsí tə́, adə̄ ə́laī dɔsí gír ɓesə̄ gə̄ tə́ ī-rāāī kəla ādīdə́ ō, ɔ́siī nosí nang tə́ nodə́ tə́ ō anī, m-ə́dásí kə́ ngáā tə́ ɓōólaā m-ādə̄ ōōī, ā ī-gətóoī kɔ̄ɔ́ malang.

Teē Ngán Israel gə̄ 35:2

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí anī yá̰á̰ kə́ kadə̄ ī-ɓōlíī gidə a to, yá̰á̰ ní i sabat, i kɔr̄ koō yā Kɔ́ɔ̄ɓē. Deē ń a rāā kəla ndɔ̄ ń noō tə́ ní a tɔ̄l̄nən̄ kɔ̄ɔ́.

NEHEMI 9:29

Ī-ra sedə́ ta tél reē gogə́ dɔ ndū najə̄ yāí tə́, banī nin̄ rāān̄ dɔ ngan̄g oōn̄ yá̰a̰ gə̄ ń ə́dádə́ ní alé. Gō míndə gə̄ ń ə́da kadə̄ deē rāā anī a ndi kə kumuú ní, nin̄ mbātə́n̄ rāā kɔ̄ɔ́. Nin̄ dumə̄n̄ naā ō, rāān̄ dɔ ngan̄g ō. Nin̄ mbātə́n̄ koō najə̄ yāí ō kɔ̄ɔ́.

1 TESALONIK 4:6

Tū najə̄ ń noō tə́ ní, ādə̄ deē kógə̄ḿ rāā ngōkó̰o̰n yá̰á̰ kə́ gō tə́ aĺ loon tə́ aĺ ō, əsa tətōn loon tə́ aĺ ō. Tɔdɔ̄ Kɔ́ɔ̄ɓē a rāā ba̰ā̰ yá̰a̰ gə̄ ń noō malang. J-ədasí najə̄ ń noō kété ō, j-ɔjəsí kadə̄ i rɔ̄kum ō.

EPEJƏ 4:17

Adə̄ najə̄ ń m-ə́dásí, ba m-ə́dásí ɓáý to̰ kə rī Kɔ́ɔ̄ɓēé ní n toó: Ī-lōōī kun háĺ de gə̄ kə́ nin̄ i Jipə aĺ gə̄ ō, gír̄ kə́ kemdə́ tə́ i gír̄ kə́ kanjə̄ kumən gə̄ ō ní.

GALATƏ 5:3

M-ə́dásí m-ādə̄ gān̄g, náā nəkɔ́ ń adə̄ əjan̄ mɔtən anī, i gáŕ kadə̄ ni-əndā kumən gíŕ yá̰a̰ gə̄ ń ndū najə̄ ɔjə tə́ ní, yā rāā kə ta njaá malang.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

KƏLA RĀĀ 2:40

Piyer ɔr̄ najə̄ kə́ rang gə̄ ngá̰ý sedə́ loo de kə́ kum yá̰á̰ tə́ tə́ ɔjəńdə́ yá̰a̰ kadə̄ gerə̄n̄ ō, mēr̄də́ kəhɔ rɔ̄də́ tɔgə ō ədadə́ na: Ī-ndigiī yá̰á̰ ń i kajə ní ādə̄ ajən̄sí, loo ń noō tə́ ā ī-teēī kɔ̄ɔ́ dan gír de kə́ tadə́ tḭ̄ḭ̄ kɔ̄ɔ́ gə̄ ń toō tə́!

MISE 6:3

Ni ədan na: Sḭḭ̄ gír deē yāḿ gə̄, m̄-rāā i rí sesí? Yá̰á̰ ń m̄-rāā sesí á kɔr rāańsí ní i rí? Ī-tūr̄mī najə̄ tə́!

JEREMI 42:19

Kɔ́ɔ̄ɓē ədasí, sḭḭ̄ Juda gə̄ ń ī-teēī ta yo tə́ ní na: Ī-lōōī kaw̄ Ejiptə tə́. Ī-gerī majə kadə̄ ɓōólaā mā i de kə́ kum tə́ kə́ ngé kəndā najə̄ dɔsí tə́.

PĀ GƏ̄ 50:7

Sḭḭ̄ gír deē yāḿ gə̄ ōōī, m-ā m-ɔ̄r̄ najə̄ sesí. Israel, i mā Nə́ɓā ń i Nə́ɓā yāí ní n m-ā m̄-gɔŕyɔ̄ī najə̄ ní.

2 YÁ̰A̰ GƏ̄ 24:19

Gō tə́ anī Kɔ́ɔ̄ɓē əla ngé koō ta yān gə̄ kadə̄ tél reēn̄ sedə́ gogə́ rɔ̄n tə́, banī deē oō najə̄ yādə́ alé.

NEHEMI 13:16

De kə́ Tir gə̄ ń ndin̄ kem ɓēé ní reēn̄ kə kānjə̄ gə̄ ō, yá̰a̰ gātə̄ kə́ rang kə́ tayā gə̄ ō igən̄neé jī Juda gə̄ tə́ ō, kem ɓē kə́ Jerusalem tə́ ō, ndɔ̄ sabat tə́.

Gōsə̄ najə̄ gə̄ 28:4

Ngé mbātə́ ndū najə̄ gə̄ ɓōkə́n̄ nge kem ndul tɔ̄ȳ, banī ngé ngɔ̄m̄ ndū najə̄ gə̄ rɔ̄ɔ̄nən̄.

AMOS 8:5

Sḭḭ̄ ə́daī na: Kadə̄ gír ndɔ̄ rāā nāā kə́ teē kíjə kə gān̄g láẃ! Loo ń noō tə́ j-a j-asiī gātə̄ kōō yājí. Kadə̄ gír sabat kə gān̄g láẃ! Loo ń noō tə́ j-a j-asiī teē ta mō̰ȳ yājí gə̄. J-a jə-ndégī ta yá̰a̰ gātə̄ gə̄ kɔ̄ɔ́ ō, j-a j-ənī gātə̄ dɔ madə̄ tə́ ō, j-a jə-rāāī kadə̄ yá̰a̰ mbɔ̄jə́ kɔȳ yá̰a̰ i gōtə́ aĺ ō.

Teē Ngán Israel gə̄ 31:12

Kɔ́ɔ̄ɓē əda Moijə na

Teē Ngán Israel gə̄ 31:16

Ngán Israel gə̄ a ɓōlə́n̄ ndɔ̄ sabat, nin̄ gē ngáńdə́ gē ngán kaadə́ gē, tɔdɔ̄ i yá̰á̰ kə́ ɓoojí naā tə́ kə́ a to ngándáńg.

NEHEMI 10:32

Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

Makətūbə̄ yā Job 39:12

Ā ə̄ndā kemií dɔn tə́ kadə̄ reē kə kum kōō yāí ɓēé ō, kadə̄ kán̄ mō̰yō̰ó̰ ō a?