NEHEMI 13:14 - Bibəl ta Sar̄

¹⁴ Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā kújə yā Nə́ɓā yāḿ tə́ ō, kəla yān tə́ ō ní.

Bible sar

¹⁴ Nə́ɓā yāḿ, ādə̄ əga kemií dɔḿ tə́ najə̄ yá̰á̰ ń noō tə́. Ī-lōō kadə̄ dɔí ndígə̄nal háĺ kə́ súmūú ń m̄-rāań kəla tām̄ yā *kújə yā Nə́ɓā yāḿ tə́ ō, kəla yān tə́ ō ní.

NEHEMI 13:14 Referans Kwoze

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

ESDRAS 7:20

Ré i yā kadə̄ ī-rāā yá̰á̰ kə́ rang gə̄ tū kújə yā Nə́ɓā yāí tə́ ɓáý anī, ɔ́y nar kə́ kújə ngɔ̄m̄ nar yā mban̄g tə́ ī-rāań.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

2 YÁ̰A̰ GƏ̄ 24:16

Dubə̄nən̄ i kem ɓē yā Dabid tə́, bāá ɓádə yā mban̄g gə̄ tə́, tɔdɔ̄ ni-rāā i yá̰á̰ kə́ majə ngándáńg tām̄ yā Israel tə́ ō, tām̄ yā Nə́ɓā tə́ ō, tām̄ yā kújə yā Nə́ɓā tə́ ō.

1 YÁ̰A̰ GƏ̄ 29:3

Yá̰a̰ malang ń m-ɔ́sə dɔ naā tə́ yā rāań kújə́ kə́ táĺ ngeé ń toō ní, m-ādə̄ lɔ́r yāḿ mə̄kɔ́ ō, gində̄ arjā̰a̰ yāḿ mə̄kɔ́ ō, dɔ tə́ ɓáý to̰, tām̄ nel̄ kə́ nelə̄m̄ kə kújə yā Nə́ɓā yāḿ ngá̰ý.

ESDRAS 7:27

Ādə̄ de gə̄ tɔ̄ȳn̄ Nə́ɓā yā kaají gə̄ ń rāā adə̄ mban̄g rɔȳ kújə yā Kɔ́ɔ̄ɓē kə́ kem ɓē kə́ Jerusalem tə́ beé ní! I ni n rāā adə̄ gír̄ ń noō reē kem mban̄g tə́ ní.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

ESDRAS 7:24

Tá j-əda ngé ngɔ̄m̄ nar gə̄ kadə̄ gerə̄n̄ ɓáý to̰ na deē a taā tīr̄ aké lambóo jī ngé tun̄ yá̰a̰ gə̄ tə́ aĺ ō, jī ngán Lebi gə̄ tə́ aĺ ō, jī gōsə̄ pā gə̄ tə́ aĺ ō, jī ngé ngɔ̄m̄ ta róbə́ kújə gə̄ tə́ aĺ ō, jī ngé kəla gə̄ tə́ aké de kə́ rang kə́ dan ngé rāā kəla gə̄ kə́ kem kújə́ ń toō tə́ aĺ ō, nin̄ a əgān̄ lambóo róbə aĺ ō.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

IJAI 38:3

Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.