NEHEMI 13:13 - Bibəl ta Sar̄

¹³ De gə̄ ń m̄-gə̄rādə́ kadə̄ ngɔ̄mə̄n̄ kújə ngɔ̄m̄ yá̰a̰ gə̄ ní i Selemia kə́ nge tun̄ yá̰a̰ ō, Sadok nge ndang makətūbə̄ ō, Pedaya kə́ ngōn̄ Lebi ō. Deē ń ərōdə́ tə́ ní i Hanan kə́ ngōn̄ Jakur kə́ ngōn̄ Matania. Nin̄ malang ní de gə̄ rāān̄də́ i de gə̄ kə́ ran̄ dɔ ndūdə́ tə́. I nin̄ n i ngé nə̄ɓō ngákó̰ó̰də́ gə̄ yá̰a̰ ndējə̄ gə̄ ní.

Bible sar

¹³ De gə̄ ń m̄-gə̄rādə́ kadə̄ ngɔ̄mə̄n̄ kújə ngɔ̄m̄ yá̰a̰ gə̄ ní i Selemia kə́ *nge tun̄ yá̰a̰ ō, Sadok nge ndang makətūbə̄ ō, Pedaya kə́ ngōn̄ *Lebi ō. Deē ń ərōdə́ tə́ ní i Hanan kə́ ngōn̄ Jakur kə́ ngōn̄ Matania. Nin̄ malang ní de gə̄ rāān̄də́ i de gə̄ kə́ ran̄ dɔ ndūdə́ tə́. I nin̄ n i ngé nə̄ɓō ngákó̰ó̰də́ gə̄ *yá̰a̰ ndējə̄ gə̄ ní.

NEHEMI 13:13 Referans Kwoze

NEHEMI 7:2

M-ə́da kadə̄ əndān̄ ngōkó̰ó̰ḿ Hanani dɔ ɓē kə́ Jerusalem tə́ ō, kadə̄ əndān̄ Hanania ń i de kə́ ra dɔ ndūn tə́ ō, ɓōĺ ndíĺ Nə́ɓā tɔȳ madə̄n gə̄ ō ní ngol áskar gə̄ kə́ dɔ loo kə́ ngan̄g kə́ kem ɓēé tə́ ō.

2 MBAN̄G 22:7

Banī kadə̄ deē dəjedə́ gír yá̰á̰ ń rāān̄ kə nar ń adə̄n̄də́ ní alé, tɔdɔ̄ nin̄ rāān̄ yá̰a̰ i kə gōó.

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

KƏLA RĀĀ 6:3

Ngákó̰ó̰jí gə̄, sḭḭ̄ kɔ́ gə̄ ī-sāāī de gə̄ sīrí dansí tə́, ādə̄ i de gə̄ kə́ rīdə́ ɓār̄ majə gə̄ ō, kə́ Ndíĺ kə́ Táĺ rosə kemdə́ ō, kə́ kumdə́ edə ō, kadə̄ j-əndādə́ dɔ kəla ń toō tə́.

KƏLA RĀĀ 6:1

Dan ngeé ń noō tə́ ní ngé ndóō yá̰a̰ gə̄ a reēn̄ i kə̄ dɔ naā tə́ adə̄ kutədə́ i ngá̰ý. Anī Jipə kə́ ngé kɔr̄ ta Gərek gə̄ tāmən kə Jipə kə́ ngé kɔr̄ ta Hebəro gēé. Nin̄-ədan̄ na kə dɔ ndɔ̄ gə̄ kum mbang yā nə̄ɓō yá̰a̰ tə́ ɓáa na usədə́ dɔ dəyá̰ kə́ ngaa koy yādə́ gə̄ tə́ alé.

NEHEMI 12:44

Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń ndū najə̄ adə̄ ngé tun̄ yá̰a̰ gə̄ ō ngán Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ Juda tə́.

2 MBAN̄G 12:15

Télən̄neé malang adə̄n̄ i de gə̄ ń əndān̄də́ dɔ kəla kújə yā Kɔ́ɔ̄ɓē tə́ ní adə̄ nin̄ rāān̄neé i kəla gə̄ kə́ tū tə́.

1 TIMOTE 3:10

Kadə̄ nāān̄də́ pá tá, ré najə̄ gətóo dɔdə́ tə́ anī, əndān̄də́ ngé rāā kəla nə̄ɓō yá̰a̰ gə̄ tə́ ɓáý.

1 TIMOTE 1:12

m̄-ndadə̄ Kɔ́ɔ̄ɓē Kərist Jeju nge kadə̄m̄ tɔ́gə, tām̄ ni-a̰a̰ kadə̄ m-ásə kadə̄ ni-ənī kemən adə̄m̄, adə̄ unəm̄ kəla yān tə́.

KƏLA RĀĀ 4:35

ba reēn̄ kə narneé ɓōkə́n̄ no ngámbang kəla gə̄ tə́, adə̄ nə̄ɓōn̄ de gə̄ kógə̄ḿ kógə̄ḿ kə gō ndoōdə́ gēé.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

NEHEMI 12:35

Ngé tun̄ yá̰a̰ gə̄ utə̄n̄ gōdə́ kə bərúnjə gēé. Jakari kə́ ngōn̄ Yonatan kə́ ngōn̄ Semaya kə́ ngōn̄ Matania kə́ ngōn̄ Mikaya kə́ ngōn̄ Jakur kə́ ngōn̄ Asap,

NEHEMI 11:22

Nge kəndā kumən gíŕ ngán Lebi gə̄ kə́ Jerusalem tə́ i Uji kə́ ngōn̄ Banī kə́ ngōn̄ Hasabia kə́ ngōn̄ Matania kə́ ngōn̄ Mika kə́ ngōn̄ Asap. Ngán kaa Asap gə̄ i gōsə̄ pā gə̄ kə́ ngé rāā kəla kə̄nā pā kem kújə yā Nə́ɓā tə́.

NEHEMI 10:12

Mika ō Rehob ō Hasabia ō

NEHEMI 8:4

Esdras nge ndóō de gə̄ ndū najə̄ ra i kə njan kə́ dɔɔ́ dɔ loo kə́ kḭḭ kə̄ dɔɔ́ kə́ rāā kə kāgāá tām̄ yā kán̄ naā ní tə́. De gə̄ ń ran̄ dɔ jī ko̰n tə́ ní i Matitia ō Sema ō Anaya ō Uria ō Hilkia ō Maseya ō. De gə̄ kə́ dɔ jī gelən tə́ i Pedaya ō Misael ō Malkia ō Hasum ō Hasəbadana ō Jakari ō Mesulam ō.

NEHEMI 3:30

Deē ń rāā kəla kadə Semaya tə́ ní i Hanania kə́ ngōn̄ Selemia. Ba deē ń rāā kəla kadə Hanania tə́ ní i Hanun ń i ngōn̄ Salap kə́ nge ko̰ mehḛ́ ní. Deē ń rāā kəla kadə Hanun tə́ ní i Mesulam kə́ ngōn̄ Berekia. Loo ń ni-rāā kəla tū tə́ ní sɔɔ̄n̄ ta naā kə kújə́ ń ni to kemeé ní.

NEHEMI 10:38

J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.

2 MBAN̄G 12:16

De gə̄ ń adə̄n̄də́ nar ngeé ń toō kadə̄ əgān̄neé ngé rāā kəla gə̄ ní, dəjen̄də́ kadə̄ ɔjən̄də́ gír yá̰a̰ gə̄ ń rāān̄ kə nar ní alé. Tɔdɔ̄ nin̄ rāān̄ yá̰a̰ i kə gōó.