NEHEMI 13:12 - Bibəl ta Sar̄

¹² Loo ń noō tə́ Juda gə̄ malang reēn̄ kə dɔ kōō gémē kə́ nge ko̰ kutə kə́ kɔr̄ gə̄ ō, dɔ kasə nduú kə́ kíjə ō, dɔ yibə̄ ō, yā kán̄ kem kújə ngɔ̄m̄ yá̰a̰ gə̄ tə́.

Bible sar

¹² Loo ń noō tə́ *Juda gə̄ malang reēn̄ kə dɔ kōō gémē kə́ nge ko̰ kutə kə́ kɔr̄ gə̄ ō, dɔ kasə *nduú kə́ kíjə ō, dɔ yibə̄ ō, yā kán̄ kem kújə ngɔ̄m̄ yá̰a̰ gə̄ tə́.

NEHEMI 13:12 Referans Kwoze

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

NEHEMI 12:44

Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń ndū najə̄ adə̄ ngé tun̄ yá̰a̰ gə̄ ō ngán Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ Juda tə́.

NDŪ NAJƏ̄ 14:22

Kōō gə̄ malang ń ī-sāāī kem ndɔr̄ yāsí gə̄ tə́ ní, ā ɔ̄rī dɔ kə́ nge ko̰ kutə kə dɔ ɓāl̄ gə̄ tām̄ yā Nə́ɓā tə́.

LEBI GƏ̄ 27:30

Dɔ yá̰a̰ malang kə́ kɔr̄, adə̄ i yá̰á̰ kə́ kógə̄ḿ kə́ kɔr̄ dan kə́ kutə tə́ ní, ká i dɔ kōō, aké i dɔ kan̄ kāgə̄ anī, i tām̄ yā Kɔ́ɔ̄ɓē tə́, i yá̰á̰ kə́ táĺ kə́ tām̄ yā Kɔ́ɔ̄ɓē tə́.

2 YÁ̰A̰ GƏ̄ 31:5

Dan ń ədan̄ najə̄ ń noō anī, ngán Israel gə̄ adə̄n̄ dɔ kōō kə́ kijə gə̄ kə́ ndɔr̄ yādə́ gə̄ tə́ ngá̰ý. Adə̄n̄ kōō gémē ō, kasə nduú ō, yibə̄ ō, yibə̄ tejə ō, yá̰á̰ kə́ rang gə̄ ō. Reēn̄ kə yá̰a̰ gə̄ kə́ kɔr̄də́ kógə̄ḿ kógə̄ḿ dan kə́ kutə gə̄ tə́ ngá̰ý adə̄n̄ ō.

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.