NEHEMI 13:10 - Bibəl ta Sar̄

¹⁰ M-ōō kadə̄ yá̰á̰ kə́ tām̄ yā ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.

Bible sar

¹⁰ M-ōō kadə̄ yá̰á̰ kə́ tām̄ yā *ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.

NEHEMI 13:10 Referans Kwoze

NEHEMI 10:37

I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

NEHEMI 12:47

Ɓāl̄ yā Jorobabel tə́ ō Nehemi tə́ ō ní, ngán Israel gə̄ malang adə̄n̄ gōsə̄ pā gə̄ ō, ngé ngɔ̄m̄ ta róbə gə̄ ō, yá̰á̰ kə́ tām̄ yādə́ tə́ kə dɔ ndɔ̄ gə̄. Yá̰a̰ ndējə̄ kə́ táĺ gə̄ ń i yā kadə̄ ngán Lebi gə̄ ní, nin̄ adə̄n̄də́ ō, ngán Lebi gə̄ adə̄n̄ ngán Aaro̰ gə̄ yādə́ kə́ sɔɔ̄ dɔdə́ ō.

NDŪ NAJƏ̄ 12:19

Ī-lōōī rāā ngán Lebi gə̄ nja bə̄yā̰ kə́ gogə́ tə́ kə dɔ ndɔ̄ gə̄ malang ń ā ī-ndiīneé dɔ nang yāsí tə́ ní.

TƏ́DA 35:2

Ə́dá ngán Israel gə̄ ādə̄ əya̰n̄ ɓē yādə́ kə́rēý gə̄ adə̄n̄ ngán Lebi gə̄ kadə̄ ndin̄ tū tə́. Ādə̄ əya̰n̄ dɔ nang gə̄ ń gīrə̄n̄ gidə ɓē gə̄ ní adə̄n̄də́ ō.

NEHEMI 10:39

Dan ń a taān̄ anī nge tun̄ yá̰á̰ kógə̄ḿ kə́ ngōn̄ Aaro̰ a ra loo taān tə́ sedə́ ō, ré dɔ yá̰á̰ kə́ kɔr̄ kógə̄ḿ dan kə́ kutə gə̄ tə́ ní ugə̄ kutə anī, nin̄ a ɔrə̄n̄ kógə̄ḿ tām̄ yā kújə yā Nə́ɓā yājí tə́ ō, ba a aw̄n̄neé i kem kújə ngɔ̄m̄ yá̰a̰ kənge tə́.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.

IJAI 43:23

Tá ī-reē kə ngán batə̄ gə̄ ī-tɔ̄l̄ ādə̄m̄ alé, dan ń ā ī-ndējə̄də́ ní ḭ̄ ɔ́sə gɔnəḿ alé. m̄-rāāī ɓəlo tə́ kə ta kūl̄ ra seí ta ndējə̄m̄ yá̰a̰ alé. m̄-rāāī adə̄ kɔr rāāī kə ta kūl̄ dəjeī kajaja alé.