NEHEMI 13:1 - Bibəl ta Sar̄

¹ Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.

Bible sar

¹ Dan ngeé ń noō tə́ ní tə́dan̄ makətūbə̄ yā Moijə adə̄n̄ de gə̄ oōn̄ ndágə looó, anī teēn̄ dɔ loo ń ndangən̄ tū tə́ na Amon ō Moab ō na a udən̄ dan ngé kán̄ naā gə̄ yā Nə́ɓā tə́ aĺ i kə́ bátə́ gə̄ tə́ ní tə́.

NEHEMI 13:1 Referans Kwoze

NEHEMI 9:3

Nin̄ unən̄ kum mbang mətá ran̄neé kə njadə́ dɔɔ́ gotə kógə̄ḿ oōn̄neé najə̄ ń a tə́dan̄ kem makətūbə̄ ndū najə̄ y ā Kɔ́ɔ̄ɓē Nə́ɓā yādə́ tə́ ní. Tél unən̄ kum mbang mətá ɓáý to̰ ɔrə̄n̄neé gír majaĺ yādə́ gə̄ ō, əsōn̄neé kə̄ nang tə́ no Kɔ́ɔ̄ɓē Nə́ɓā yādə́ tə́ ō.

NEHEMI 13:23

I dan ngeé ń noō tə́ n m-á̰a̰ń Jipə gə̄ kə́ táān̄ dəyá̰ Asdod gə̄ ō Amon gə̄ ō, Moab gə̄ ō ní.

2 MBAN̄G 23:2

Ni-aw̄ sedə́ kem kújə yā Kɔ́ɔ̄ɓē tə́. De kə́ Juda gə̄ malang ō, kə́ Jerusalem gə̄ malang ō, dānə̄n̄də́, adə̄ ngé tun̄ yá̰a̰ gə̄ ō, ngé koō ta gə̄ ō, ngán gə̄ ō ngátɔ́gə gə̄ ō. Mban̄g tə́da najə̄ gə̄ kə́ kem makətūbə̄ madə̄ naā ń əngen̄ kem kújə yā Kɔ́ɔ̄ɓē tə́ ní adə̄ oōn̄ malang.

KƏLA RĀĀ 15:21

Tām̄ əla gír i jóó ngá̰ý bátə́ ɓōólaā n de gə̄ a ɔjən̄ ndū najə̄ yā Moijə kə̄ kem ɓē gə̄ tə́ kógə̄ḿ kógə̄ḿ ō, a tə́dan̄ ndū najə̄ yān kem kújə́ kán̄ naā gə̄ tə́ kə dɔ ndɔ̄ sabat gə̄ malang ō ní.

KƏLA RĀĀ 13:15

Dan ń tə́dan̄ najə̄ kə́ kem makətūbə̄ ndū najə̄ gə̄ tə́ ō, kə́ kem makətūbə̄ yā ngé koō ta gə̄ tə́ ō oy anī, ngār gə̄ kə́ dɔ kújə́ kán̄ naā tə́ gə̄ əla ədan̄də́ na: Ngákó̰ó̰jí gə̄, ré āwī kə najə̄ kə́ a əla go̰ kem ngé kán̄ naā gə̄ tə́ anī ə́daī!

Najə̄ kə́ Majə yā Jeju ń Luk ndang ní 10:26

Anī Jeju dəjen najə̄ əda na: Ndangən̄ kem makətūbə̄ ndū najə̄ gə̄ tə́ na i rí? Ḭ̄ ī-tə́da i ba̰ý?

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

IJAI 34:16

Ré ī-sāāī kem makətūbə̄ yā Kɔ́ɔ̄ɓē tə́ anī, ā ásiī tə́da najə̄ gə̄ ń toō: Dā̰ gə̄ ngeé ń toō ní, nge kógə̄ḿ kə́ na̰y kɔ̄ɔ́ gətóo. I Kɔ́ɔ̄ɓē n i nge kədadə́ yá̰á̰ kə́ kadə̄ rāān̄ ní, i Ndílən n ɔsə dɔdə́ naā tə́ ní.

NEHEMI 4:3

Tā anī jə-ndɔ̄ȳ Nə́ɓā yājí ba j-əndā de gə̄ kadə̄ ngɔ̄mə̄n̄ loo kadaá ō ndɔ̄ɔ́ ō najə̄ yādə́ tə́.

NEHEMI 2:19

Dan ń Sanbalat kə́ Horon ō, Tobia kə́ Amon nge kɔsə kílən kem kəlaá ō, Gesem ń i Arabə ní ō, oōn̄ gotə najə̄ ní anī əgōn̄jí ō, idən̄ tadə́ gíŕjí tə́ ō, ba dəjen̄jí na ké j-a jə-rāā ké i rí n noó wa, ké j-a jə-sāā i mbātə́ najə̄ ta mban̄g tə́ wa.

NEHEMI 2:10

Dan ń Sanbalat kə́ Horon ō, Tobia kə́ Amon ń i nge kɔsə kilən kem kəlaá ní ō, oōn̄ kadə̄ m-ā m̄-reē noó anī, rɔ̄də́ neĺdə́ aĺ ngá̰ý, tām̄ oōn̄ kadə̄ deē kógə̄ḿ a reē kə̄ sāā ta róbə ndi majə yā ngán Israel gə̄ tə́.

TƏ́DA 22:5

Mban̄g əla de gə̄ gō Balam ngōn̄ Beor tə́ ɓē kojən tə́ Petor dɔ gɔ́sə bā tə́ kadə̄ ədanən̄ na: Kósə de gə̄ kə́ teēn̄ Ejiptə reē ndin̄ laā. Nin̄ taān̄ dɔ nang malang. Ndin̄ i kadə loo yāḿ tə́ ngɔr.