NEHEMI 12:45 - Bibəl ta Sar̄

⁴⁵ Nin̄ əndān̄ kumdə́ gír kəla yā Nə́ɓā yādə́ tə́ rāān̄ ō, rāān̄ kəla tə́go majaĺ kə́ tákə̄ de gə̄ ō. Ba gōsə̄ pā gə̄ ō, ngé ngɔ̄m̄ ta róbə gə̄ ō ní, rāān̄ i yá̰á̰ ń Dabid nin̄ kə ngōnən Salomo̰ó̰ ədan̄ kadə̄ yā rāā ní.

Bible sar

⁴⁵ Nin̄ əndān̄ kumdə́ gír kəla yā Nə́ɓā yādə́ tə́ rāān̄ ō, rāān̄ kəla tə́go majaĺ kə́ tákə̄ de gə̄ ō. Ba gōsə̄ pā gə̄ ō, ngé ngɔ̄m̄ ta róbə gə̄ ō ní, rāān̄ i yá̰á̰ ń Dabid nin̄ kə ngōnən Salomo̰ó̰ ədan̄ kadə̄ yā rāā ní.

NEHEMI 12:45 Referans Kwoze

2 YÁ̰A̰ GƏ̄ 23:6

Ādə̄ de kə́ rang udə kem kújə yā Kɔ́ɔ̄ɓē tə́ alé, ba ādə̄ i ngé tun̄ yá̰a̰ gə̄ ō, ngán Lebi gə̄ ō ń nin̄ i ngé rāā kəla gə̄ ní tá ngóy. Nin̄ asən̄ kudə tām̄ ɔrə̄n̄ kam̄də́ tayā. Ba de gə̄ malang a télən̄ ngé ngɔ̄m̄ loo gə̄ yā Kɔ́ɔ̄ɓē.

1 YÁ̰A̰ GƏ̄ 23:28

I ngán Aaro̰ gə̄ n a ɔjən̄də́ kəla gə̄ kə́ kem kújə yā Kɔ́ɔ̄ɓē tə́ kə́ yā rāā gə̄ ní. Adə̄ i kəla kə́ ta ndágə loo kə́ gīr̄ gidə kújə yā Kɔ́ɔ̄ɓē tə́ gə̄ ō, kə́ kem kújə gə̄ kə́ kadə kújə yā Kɔ́ɔ̄ɓē tə́ ō, kəla tə́gó yá̰a̰ malang kə́ kɔr̄ kam̄ tām̄ yā Nə́ɓā tə́ kadə̄ unjə̄ ō, kəla kə́ tayā tayā gə̄ kə́ kem kújə yā Nə́ɓā tə́ ō.

2 MBAN̄G 7:10

Nin̄ aw̄n̄ ɓārə́n̄ ngé ngɔ̄m̄ ta róbə ndogə̄ kə́ yā kudəń kə̄ kem ɓēé gə̄, ba ədan̄də́ na: J-udə̄ kem gérger yā Aram gə̄ tə́, banī j-a̰a̰ deē kógə̄ḿ aĺ ō, j-oō ndū deē aĺ ō, ba j-ənge i sə́nda gə̄ ō, kərō gə̄ ō kə́ do̰ō̰n̄də́, kújə tandā kə́ kəya̰ kɔ̄ɔ́ gə̄ ō ngóy.

1 YÁ̰A̰ GƏ̄ 26:26

Yá̰a̰ gə̄ ń mban̄g Dabid ō, ngār gə̄ kə́ dɔ gír kojə gə̄ tə́ ō, ngol áskar kə́ dūbú gə̄ ō, kə́ ɓú gə̄ ō, ngol ngé rɔ̄ɔ̄ gə̄ ō, ɔrə̄n̄ kam̄ tayā tām̄ yā Nə́ɓā tə́ ní, i Selomit ngeé ń toō n i nge ngɔ̄m̄ naā tə́ kə ngákó̰o̰n gēé ní.