NEHEMI 12:43 - Bibəl ta Sar̄

⁴³ Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

Bible sar

⁴³ Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

NEHEMI 12:43 Referans Kwoze

ESDRAS 3:13

Adə̄ i kɔŕ rɔ̄nel̄ a ī-ger̄ aĺ ō, i nōō a ī-ger̄ aĺ ō. Tām̄ de gə̄ malang unən̄ ndūdə́ kə̄ dɔɔ́ ngá̰ý əgan̄neé kɔŕ, adə̄ de gə̄ ń ran̄ sa̰y ngá̰ý ní gə̄gē oōn̄ ndūdə́.

PĀ GƏ̄ 92:4

Majə kadə̄ deē dān̄ gō kə kənde kə́ kəlān i sḛ́ý beē ō, kə́ kəlān asə tām̄ ō, kə́ kəlān i ngá̰ý ō.

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

JAKƏ 5:13

Ré deē kógə̄ḿ kə́ dansí tə́ a̰a̰ tápə̄ anī, majə kadə̄ ni-ndɔ̄ȳ. Ré de kə́rēý i kə rɔ̄nelēé anī, majə kadə̄ ənī pā tɔ̄yń Nə́ɓā.

EPEJƏ 5:19

Ɔ̄rī najə̄ kə naá kə pā gə̄ kə́ yā ndɔ̄yń Nə́ɓā ō, kə́ yā tɔ̄ȳnəń ō, kə pā gə̄ ń Ndíĺ adə̄sí ní ō. Ə̄nīī pā gə̄ ɔ́siīneé gɔn Kɔ́ɔ̄ɓē kə ngarān̄g kemsí malang.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

MATIYE 21:15

Ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ ō, a̰a̰n̄ yá̰á̰ kə́ yáā gə̄ ń Jeju rāā ní ō, ngán gə̄ ń a əgan̄ kɔŕ kem kújə yā Kɔ́ɔ̄ɓē tə́ ədan̄ na kɔsə gɔn i yā ngōn̄ kaa Dabid ní ō anī, wōn̄g rāādə́,

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

PĀ GƏ̄ 27:6

Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

Makətūbə̄ yā Job 34:29

Ba ré ni udə ndi beé loo yān anī, i náā n a gān̄g sarya dɔn tə́ ní? Ré ni ɓɔ̄ɔ̄ ta kumən kɔ̄ɔ́ anī, i náā n a a̰a̰n ní? Tá ni i nge kəndā kumən gō nápar de gə̄ tə́, tītə̄ ń a əndāń kumən gō de gə̄ tə́ ní ō.

2 YÁ̰A̰ GƏ̄ 20:27

Gō tə́ anī de kə́ dəngam gə̄ malang kə́ Juda ō, kə́ Jerusalem ō ń Josapat un dɔdə́ reē sedə́ ní, télən̄ dɔ tə́ ta kaw̄ gogə́ Jerusalem kə rɔ̄nelēé. Tɔdɔ̄ Kɔ́ɔ̄ɓē rāā adə̄ rɔ̄də́ nin̄ nel̄də́ ngá̰ý, banī rāā adə̄ rɔ̄ madə̄ ba̰ā̰də́ gə̄ nel̄də́ alé.

2 YÁ̰A̰ GƏ̄ 20:13

Juda gə̄ malang ran̄ kə njadə́ dɔɔ́ ta kum Kɔ́ɔ̄ɓē tə́ kum naā tə́ kə ngéédə́ gēé adə̄ i nə̄yá̰də́ gə̄ ō, ngándə́ gə̄ ō.

2 YÁ̰A̰ GƏ̄ 7:10

Kə ndɔ̄ kə́ nge ko̰ kutə jōó gidə i mətá yā nāā kə́ nge ko̰ sīrí anī, mban̄g əya̰ ngán Israel gə̄ adə̄ teēn̄ kə̄ ɓē yādə́ gə̄ tə́. Nin̄ aw̄n̄ kə rɔ̄nelēé ō, kemdə́ nel̄də́ ō, tɔdɔ̄ Kɔ́ɔ̄ɓē rāā majə kə Dabid ō, kə̄ Salomo̰ ō, kə ngán Israel gə̄ ń i gír deē yān gə̄ ní ō.

1 SAMUEL 4:5

Dan ń sandúkə madə̄ naā yā Kɔ́ɔ̄ɓē ugə̄ gérgereé anī, ngán Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

TƏ́DA 10:10

Ā ī-kɔ̄ríī bərúnjə ndɔ̄ rɔ̄nel̄ tə́ ō, ndɔ̄ pété tə́ ō, ndɔ̄ nāā kə́ kijə tə́ ō, dan ń ā ī-róōiń dā̰ horoó yā kadə̄ Kɔ́ɔ̄ɓē ní ō, ā ī-tunīiń yá̰a̰ tām̄ yā kem kógə̄ḿ tə́ ní ō. Ā ī-kɔ̄ríī bərúnjə kadə̄ əgań kem Nə́ɓā yāsí dɔsí tə́. Mā i Kɔ́ɔ̄ɓē Nə́ɓā yāsí.

NEHEMI 12:42

Rī de kə́ sedə́ gə̄ n toó: Maseya, Semaya, Eleajar, Uji, Yohanan, Malkia, Elam, Elam Ejer. Gōsə̄ pā gə̄ ənīn̄ pā adə̄ de gə̄ oōn̄. Ngoldə́ i Yijəraya.

PĀ GƏ̄ 9:2

Kɔ́ɔ̄ɓē, m̄-ndigə ɓōkíī tɔ̄ȳ kə ngarā̰ kemḿ gēé malang ō, m̄-ndigə kənī gotə yá̰a̰ malang kə́ majə ngá̰ý gə̄ ń ī-rāā ní ō.

NEHEMI 12:27

Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.