NEHEMI 12:30 - Bibəl ta Sar̄

³⁰ Ngé tun̄ yá̰a̰ gə̄ ō ngán Lebi gə̄ ō tə́gon̄ yḛr kə́ rɔ̄də́ nin̄ kɔ́ gə̄ tə́ ō, kə́ rɔ̄ ngán Israel gə̄ tə́ ō, kə́ tū ndogə̄ mbal̄ tə́ ō.

Bible sar

³⁰ *Ngé tun̄ yá̰a̰ gə̄ ō ngán *Lebi gə̄ ō tə́gon̄ yḛr kə́ rɔ̄də́ nin̄ kɔ́ gə̄ tə́ ō, kə́ rɔ̄ ngán *Israel gə̄ tə́ ō, kə́ tū ndogə̄ mbal̄ tə́ ō.

NEHEMI 12:30 Referans Kwoze

Makətūbə̄ yā Job 1:5

Ré əsan̄ yá̰á̰ gír gān̄g anī, Job ɓāŕdə́, ba rāā yá̰á̰ kə́ yā kunəń majaĺ dɔdə́ tə́ kɔ̄ɔ́ kadə̄ nin̄-unjə̄n̄neé njáý njáý. Ni a ḭḭ dɔɔ́ i kə gír looí ɓatə yā ndējə̄ Nə́ɓā yá̰a̰ tun̄ kə́ róō horoó kə taá tām̄ yā ngánən gə̄ tə́ kógə̄ḿ kógə̄ḿ. Tɔdɔ̄ ni-əda kə̄ kemən tə́ na: Majanī ngánə́ḿ gə̄ rāān̄ yá̰á̰ kə́rēý kə́ gōtə́ aĺ, aláa ndɔ̄lə́n̄ Nə́ɓā kemdə́ tə́! Job a rāā i beé dejə.

ESDRAS 6:21

Ngán Israel gə̄ ń télən̄ ɓəloó ní əsan̄ yá̰a̰ Pákə kə de gə̄ malang ń ndin̄ sedə́ á ɔrə̄n̄ rɔ̄də́ kɔ̄ɔ́ tū yá̰á̰ kə́ yḛr gə̄ yā nápar de kə́ kem ɓēé gə̄ tə́ yā ndɔ̄yń Kɔ́ɔ̄ɓē Nə́ɓā yā Israel ní.

2 YÁ̰A̰ GƏ̄ 29:5

ba ədadə́ na: Ngán Lebi gə̄, ōōī najə̄ ń m-ā m-ə́dásí ní: Ngɔlaā ní ī-tə́goī rɔ̄sí ō, ī-tə́goī kújə yā Kɔ́ɔ̄ɓē Nə́ɓā yā kaasí gə̄ ō. Yá̰a̰ kə́ yḛr gə̄ malang kə́ kem loo kə́ táĺ tə́ ní ɔ́yiī kɔ̄ɔ́ ō.

Teē Ngán Israel gə̄ 19:10

Kɔ́ɔ̄ɓē əda Moijə na: Āw̄ ə́dá ngán Israel gə̄ ādə̄ ɔrə̄n̄ kam̄də́ kɔ̄ɔ́ tū yá̰á̰ kə́ yḛr tə́ ɓōólaā ō, bírí ō, ādə̄ tə́gon̄ kūbə̄ yādə́ gə̄ ō.

HEBƏRO 5:3

Ba dan ń tɔ́gən nəkɔ́ gətóo ní, i gáŕ kadə̄ ni-ndējə̄ Nə́ɓā yá̰a̰ tun̄ gə̄ kə́ tām̄ yā majaĺ yān gə̄ tə́ ō, tītə̄ ń ni-ndējə̄ń tām̄ yā de gə̄ ní tə́.

HEBƏRO 5:1

Ngol ngé tun̄ yá̰a̰ gə̄ ń gə̄rān̄də́ dan deē ndul gə̄ tə́ ní, əndān̄də́ i tām̄ yā de gə̄ tə́, kadə̄ rāān̄ kəla yā Nə́ɓā tām̄ yādə́ tə́. Ni a ndējə̄ Nə́ɓā yá̰a̰ ndējə̄ gə̄ ō, a yá̰a̰ tun̄ gə̄ kə́ tām̄ yā majaĺ gə̄ tə́ ō.

NEHEMI 13:30

M-ɔ̄r̄ tə̄rā gə̄ malang mbo̰ō̰də́ tə́ m̄-tə́goń majaĺ kə́ dɔ dáńdə́ tə́ kɔ̄ɔ́ adə̄ unjə̄n̄ njáý njáý ō, m-ādə̄ kəla yā ngé tun̄ yá̰a̰ gə̄ ō ngán Lebi gə̄ ō to gotoó gogə́ ō. Nin̄ kógə̄ḿ kógə̄ḿ ran̄ ta kəla yādə́ gə̄ tə́.

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

2 YÁ̰A̰ GƏ̄ 29:34

Kutə ngé tun̄ yá̰a̰ gə̄ asə toó dā̰ kə́ yā tun̄ kə taá gə̄ ní malang alé, adə̄ ngákó̰ó̰də́ kə́ ngán Lebi gə̄ reē dḭḭ̄n̄də́ adə̄ gír kəla tóo dā̰ gāngəń ō, adə̄ ngé tun̄ yá̰á̰ kə́ rang gə̄ tə́gon̄neé rɔ̄də́ oy ō. Tɔdɔ̄ ngán Lebi gə̄ tə́gon̄ rɔ̄də́ láẃ ngá̰ý tɔȳ ngé tun̄ yá̰a̰ gə̄.

Teē Ngán Israel gə̄ 19:15

Gō tə́ anī ədadə́ na kə ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́. Kə lōōn̄ ɓīī kə nə̄yá̰də́ gēé.

TA KƏLA 35:2

Jakob əda de kə́ kújú gōn tə́ gə̄ ō, de gə̄ ń seneé malang ní ō na: Ī-ró̰yī ɓesə̄ gə̄ ń i nə́ɓā kə́ tə̄rā gə̄ ní dɔ dáńsí tə́ kɔ̄ɔ́. Ī-rāāī yá̰á̰ kə́ yā kunəń majaĺ ń tákə̄sí ní kɔ̄ɔ́ ō, ī-tə́laī kūbə̄ kə́ rang gə̄ rɔ̄sí tə́ ō.

NEHEMI 12:29

Bet Gilgal ō, gō nang kə́ Geba tə́ ō Asmabet tə́ ō.

1 YÁ̰A̰ GƏ̄ 15:14

Loo ń noō tə́ ngé tun̄ yá̰a̰ gə̄ ō, ngán Lebi gə̄ ō, ɔrə̄n̄ kam̄də́ yā kətōń sandúkə yā Kɔ́ɔ̄ɓē Nə́ɓā yā Israel.