NEHEMI 12:27 - Bibəl ta Sar̄

²⁷ Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.

Bible sar

²⁷ Dan ń əndān̄ ndogə̄ mbal̄ kə́ Jerusalem oy anī, əlan̄ gō *ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.

NEHEMI 12:27 Referans Kwoze

1 YÁ̰A̰ GƏ̄ 15:16

Dabid əda ngol ngán Lebi gə̄ kadə̄ tə́ndān̄ ngákó̰ó̰də́ kə́ ngé kənī pā gə̄ kem kəla yādə́ tə́, kadə̄ ənīn̄ pā kə yá̰á̰ kə́ ɓār̄ gōsə̄ gēé. Yá̰a̰ gə̄ ní i kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō, i gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō. A ugən̄ kənde gə̄ ní ō, a əndan̄ gində̄ kə́ laa gə̄ ní naā tə́ ō, kadə̄ kōōdə́ ɓār̄ ngá̰ý yā kɔjəń na rɔ̄nel̄ to.

2 YÁ̰A̰ GƏ̄ 29:30

Gō tə́ anī mban̄g Ejekias ō, ngār gə̄ ō, mērə̄n̄ ngán Lebi gə̄ tɔ̄ȳ Kɔ́ɔ̄ɓē ɓáý to̰ kə pā gə̄ ń Dabid rāā ní ō, kə pā gə̄ ń Asap nge ka̰a̰ yá̰a̰ rāā ní ō, adə̄ nin̄ tɔ̄ȳn̄ Kɔ́ɔ̄ɓē kə rɔ̄nelēé ō, tétə̄n̄ kejədə́ ba ɔsən̄ nodə́ nang tə́ rɔȳn̄neé Kɔ́ɔ̄ɓē ō.

2 YÁ̰A̰ GƏ̄ 5:13

Ngé kɔ̄ŕ bərúnjə gə̄ gə̄gē, ngé kənī pā gə̄ gə̄gē, ɓōkə́n̄ ndūdə́ gō naā tə́ malang yā tɔ̄yń Kɔ́ɔ̄ɓē ō, kɔsəń gɔnən ō. Dan ń kōō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, gotə yá̰á̰ kə́ ɓār̄ gōsə̄ kə́ rang gə̄ ō ɓār̄ anī, tɔ̄ȳn̄ Kɔ́ɔ̄ɓē ədan̄ na: Ī-tɔ̄yī Kɔ́ɔ̄ɓē tɔdɔ̄ ni i de kə́ majə ō, tɔdɔ̄ kem majə yān to ngándáńg ō. Loo ń noō tə́ kil̄ man̄ kə́ kem kújə yā Kɔ́ɔ̄ɓē tə́ taā kem kújə malang.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

NDŪ NAJƏ̄ 20:5

Gō tə́ anī ngé kɔy de gə̄ áskaraá gə̄ a ədan̄ de gə̄ na: De kə́ rāā kújə́ kə́ kijə ba ndi kemeé aĺ ɓáý i dansí tə́ laā a? Ādə̄ kɔ́ɔ̄ tél aw̄ gogə́ ɓēé na sōgə́ oy ta rɔ̄ɔ̄ tə́ anī de kə́ rang aw̄ ndi kemeé.

1 YÁ̰A̰ GƏ̄ 15:12

ba ədadə́ na: Sḭḭ̄ gə̄ ń i ngār gə̄ kə́ dɔ de gə̄ kə́ gír kojə yā Lebi tə́ gə̄ ní, sḭḭ̄ gə̄gē, ngákó̰ó̰sí gə̄gē, ɔ̄rī kam̄sí ba āw̄ úniī sandúkə yā Kɔ́ɔ̄ɓē Nə́ɓā yā Israel ī-reēīneé loo ń m̄-rāā tām̄ yān tə́ ní tə́.

1 YÁ̰A̰ GƏ̄ 15:4

Ni-ɔsə dɔ ngé tun̄ yá̰a̰ gə̄ ń i de kə́ gír kaa yā Aaro̰ tə́ gə̄ ní ō, ɔsə dɔ ngán Lebi gə̄ ō naā tə́.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

PĀ GƏ̄ 149:3

Ādə̄ ɔsən̄ gɔnən kə ndāmāá ō, əndan̄ kɔdə ō, ugən̄ kənde ō, tām̄ yān tə́.

PĀ GƏ̄ 30:1

Pā rāā nāā kújə yā Kɔ́ɔ̄ɓē. I pā yā Dabid.

NEHEMI 11:20

Gotə ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō ní, nin̄ kógə̄ḿ kógə̄ḿ ndin̄ i kə̄ kem ɓē gə̄ malang kə́ Juda tə́, dɔ nang yādə́ gə̄ tə́.

NEHEMI 8:17

Ngé kán̄ naā gə̄ malang, adə̄ i ngé gə̄ ń télən̄ ɓəloó ní, rāān̄ kújə́ kámbə gə̄ ba ndin̄ kemeé. Rɔ̄ de gə̄ neldə́ ngá̰ý, tɔdɔ̄ əla gír ɓāl̄ yā Jojue ngōn̄ Nun tə́ bátə́ ɓōólaā ní, ngán Israel gə̄ rāān̄ yá̰á̰ kə́ tītə̄ ń noō alé.

ESDRAS 6:16

Ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, gotə de kə́ rang gə̄ ń télən̄ ɓəloó ní ō, tunə̄n̄ yá̰a̰ ɔrə̄n̄neé kam̄ kújə yā Nə́ɓā ngeé ń toō i kə rɔ̄nelēé.

2 YÁ̰A̰ GƏ̄ 7:6

Ngé tun̄ yá̰a̰ gə̄ ran̄ ta loo kəla yādə́ gə̄ tə́ ō, ngán Lebi gə̄ ran̄ kə yá̰á̰ kə́ ɓār̄ gōsə̄ gə̄ ń mban̄g Dabid rāā yā ɓōkə́nń Kɔ́ɔ̄ɓē tɔ̄ȳ najə̄ tár yān kə́ a təgā aĺ tə́ ní ō. Ngé tun̄ yá̰a̰ gə̄ ran̄ nodə́ tə́ a kɔ̄rə́n̄ bərúnjə ō, ngán Israel gə̄ malang ran̄ kə njadə́ dɔɔ́ ō.

1 YÁ̰A̰ GƏ̄ 26:31

Yeria i ngār kə́ dɔ de kə́ gír kaa yā Hebron tə́ gə̄. Kem ɓāl̄ kə́ nge ko̰ kutə sɔ́ tə́ ń Dabid o̰o̰ń ɓē ní, tútən̄ gír kəlā nge naā yā de kə́ gír kojə yā Hebron gə̄ tə́ kem ɓē kə́ Yajer kə́ Galaad tə́, anī əngen̄ de kə́ ngáā gə̄ dandə́ tə́.

1 YÁ̰A̰ GƏ̄ 23:5

gə̄rā ngé ra ta róbə́ kújə́ tə́ gə̄ dūbú sɔ́ ō, ngé tɔ̄ȳ Kɔ́ɔ̄ɓē kə yá̰á̰ kə́ ɓāŕ gōsōó gə̄ dūbú sɔ́ ō. Yá̰á̰ kə́ ɓār̄ gōsə̄ gə̄ ní i ni n mēr̄ rāādə́ yā ɓōkə́nń Kɔ́ɔ̄ɓē tɔ̄ȳ ní.

1 YÁ̰A̰ GƏ̄ 16:42

Kəla rā Heman nin̄ kə Yedutun i ka̰a̰ gō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yá̰á̰ kə́ rang kə́ ɓār̄ gōsə̄ gə̄ ń a dānə̄nəń gō pā gə̄ yā Nə́ɓā ní ō. Ngán Yedutun gə̄ i ngé ngɔ̄m̄ ta róbə gə̄.

1 YÁ̰A̰ GƏ̄ 16:5

Jama dɔdə́ i Asap, ba nge kɔsə kíl Asap kem kəlaá i Jakari. Gō tə́ anī i Ajiel ō, Semiramot ō, Yeyel ō, Matitia ō, Eliab ō, Benaya ō, Obed Edom ō. Yeyel i nge kugə kənde kə́ kəlān i ngá̰ý ō, kənde kə́ kəlān i ngá̰ý aĺ ō. Ba Asap i nge kənda gində̄ kə́ laa gə̄ kə́ yā kənda naā tə́ kadə̄ ɓār̄ gə̄.

1 YÁ̰A̰ GƏ̄ 13:8

Dabid ō, Israel gə̄ malang ō, ənīn̄ pā ndāmə̄n̄neé kə tɔ́gə́də́ gēé malang ō, ugən̄ kənde gə̄ kə́ kəladə́ i ngá̰ý gə̄ ō, kə́ kəladə́ i ngá̰ý aĺ gə̄ ō, əndan̄ kɔdə tamburḛ̄ḛ gō tə́ ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kɔ̄rə́n̄ bərúnjə gə̄ ō.

2 SAMUEL 6:12

Reē ədan̄ mban̄g Dabid na Kɔ́ɔ̄ɓē na rāā majə kə gír kojə yā Obed Edom ō, kə yá̰a̰ yān gə̄ malang ō, sɔɔ̄ń sandúkə yā Nə́ɓā. Tā anī Dabid aw̄ gō sandúkə yā Nə́ɓā tə́ ɓē Obed Edom, un reēń kem ɓē yān tə́ kə rɔ̄nelēé.

NDŪ NAJƏ̄ 16:11

Ā ī-rāā rɔ̄nel̄ ta kum Kɔ́ɔ̄ɓē Nə́ɓā yāí tə́, naā tə́ kə ngōnīí kə́ dəngam ō, kə́ dəyá̰ ō, nge rāā kəla yāí kə́ dəngam ō, kə́ dəyá̰ ō, ngōn̄ Lebi ń ndi kem ɓē yāí tə́ ní ō, tə̄rā kə́ nge nam̄ ō, ngōn̄ hal ō, dəyá̰ kə́ ngaa koy ō ń ndin̄ seí loo ń Kɔ́ɔ̄ɓē Nə́ɓā yāí a gə̄rā tə́ yā kəndā rīn dɔ tə́ ní.

1 MBAN̄G GƏ̄ 8:63

Salomo̰ tɔ̄l̄ man̄g gə̄ dūbú kutə jōó gidə i jōó ō, batə̄ gə̄ kə bə̄yā̰ gə̄ dūbú ɓú kə kutə̄ jōó ō, ba tun̄ adə̄ Kɔ́ɔ̄ɓē tām̄ yā kem kógə̄ḿ tə́. I beé n mban̄g ō, ngán Israel gə̄ malang ō, ɔr̄ə̄n̄neé kam̄ kújə yā Kɔ́ɔ̄ɓē tayā ní.

2 YÁ̰A̰ GƏ̄ 29:25

Gō tə́ anī mban̄g tə́nī ngán Lebi gə̄ kem kújə yā Kɔ́ɔ̄ɓē tə́ kə gində̄ kə́ laa gə̄ kə́ yā kənda naā tə́ kadə̄ ɓār̄ gēé ō, kə kənde gə̄ kə́ kəlādə́ i ngá̰ý gēé ō, kə ngé kə́ kəlādə́ i ngá̰ý aĺ gēé ō, jīdə́ tə́, kə gō ń Dabid ō, Gad nge ka̰a̰ yá̰a̰ yā mban̄g ō, Natan nge koō ta ō, ədan̄neé kadə̄ rāān̄ ní. Tɔdɔ̄ i Kɔ́ɔ̄ɓē n əda kadə̄ yā rāā ní. Ni-əndā najə̄ ní i ta ngé koō ta yān gə̄ tə́ kadə̄ ədan̄.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.