NEHEMI 10:38 - Bibəl ta Sar̄

³⁸ J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.

Bible sar

³⁸ J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ *yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə *nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə *kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ *ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.

NEHEMI 10:38 Referans Kwoze

1 YÁ̰A̰ GƏ̄ 9:26

Banī ngār kə́ sɔ́ gə̄ yā ngé ngɔ̄m̄ ta róbə gə̄ tá nin̄ a ndin̄ noó kə́ njɔ́ḿ gə̄ tə́. Nin̄ i ngán Lebi gə̄ kə́ adə̄n̄də́ kəla ngɔ̄m̄ kem kújə gə̄ ō, ngɔ̄m̄ loo ɓōkə́ yá̰a̰ kənge gə̄ kə́ kem kújə yā Nə́ɓā tə́ ō.

LEBI GƏ̄ 27:30

Dɔ yá̰a̰ malang kə́ kɔr̄, adə̄ i yá̰á̰ kə́ kógə̄ḿ kə́ kɔr̄ dan kə́ kutə tə́ ní, ká i dɔ kōō, aké i dɔ kan̄ kāgə̄ anī, i tām̄ yā Kɔ́ɔ̄ɓē tə́, i yá̰á̰ kə́ táĺ kə́ tām̄ yā Kɔ́ɔ̄ɓē tə́.

TƏ́DA 15:19

ba ā ə́saī mápá kə́ tū tə́ anī, ā ɔ̄rī dɔ yā ndējə̄ Kɔ́ɔ̄ɓē.

TƏ́DA 15:21

Adə̄ kə́ ta kəga dɔ ń ɔ̄rī ní, ā ī-ndejī Kɔ́ɔ̄ɓē. Nge ń noō i ndū najə̄ kə́ a to ngándáńg tām̄ yāsí tə́.

TƏ́DA 18:21

Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

TƏ́DA 18:24

Banī yá̰á̰ kə́ nge ko̰ kutə gə̄ ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní, m-ādə̄ ngán Lebi gə̄ yá̰a̰ kənge yādə́ tə́. I tām̄ najə̄ ń noō tə́ n m-ə́dádə́ na a əngen̄ dɔ nang tītə̄ yā gotə ngán Israel gə̄ aĺ ní.

NDŪ NAJƏ̄ 14:22

Kōō gə̄ malang ń ī-sāāī kem ndɔr̄ yāsí gə̄ tə́ ní, ā ɔ̄rī dɔ kə́ nge ko̰ kutə kə dɔ ɓāl̄ gə̄ tām̄ yā Nə́ɓā tə́.

NEHEMI 13:31

M-ādə̄ de gə̄ tél ndējə̄n̄ kīr̄ gogə́ kə ndɔ̄n gēé ō, ndējə̄n̄ kan̄ yá̰á̰ kə́ teē ta kəga dɔ gə̄ ō. Nə́ɓā yāḿ, ādə̄ əga kemií dɔḿ tə́ tām̄ yā yá̰á̰ kə́ majə tə́!