NEHEMI 10:37 - Bibəl ta Sar̄

³⁷ I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.

Bible sar

³⁷ I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem *kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ *ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ *ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.

NEHEMI 10:37 Referans Kwoze

LEBI GƏ̄ 23:17

Ā ḭ́ḭḭ̄ ɓēé kə mápá jōó reē ndējə̄ Kɔ́ɔ̄ɓē. Ā ī-ndējīin̄ i kə gō looneé. Mápá kə́ jōó gə̄ ní, ndujə̄ ń ā ī-rāāiń ní i kem lāngá mehḛ́ ō, ā ī-rāāīdə́ i kə kaa mápá ō. I kōō kə́ ta kəga dɔ ń ā ī-sāāī ní n ā ī-rāāī mápá tə́ yā ndējə̄ Kɔ́ɔ̄ɓē ní.

TƏ́DA 18:21

Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

NEHEMI 13:9

Gō tə́ anī m-ādə̄ ɔyn̄ kem kújə gə̄ kɔ̄ɔ́ adə̄ unjə̄ ō, m-ādə̄ tél reēn̄ kə ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō, yá̰á̰ kə́ ndējə̄ gə̄ ō, kajaja ō, gogə́ kemeé.

NEHEMI 13:5

adə̄ ni-adə̄n kem kújə́ kógə̄ḿ kə́ kemən bo. Kété ní a kánə̄n̄ yá̰á̰ kə́ ndējə̄ gə̄ ō, kajaja ō, ngáń gájə́ yá̰a̰ rāā kəla gə̄ ō, dɔ kōō gémē kə́ kɔr̄ ō dɔ kasə nduú kə́ guḿ ō, dɔ yibə̄ ō, yá̰á̰ kə́ tām̄ yā ngán Lebi gə̄ tə́ ō, gōsə̄ pā gə̄ tə́ ō, ngé ngɔ̄m̄ ta róbə gə̄ tə́ ō, yá̰a̰ ndējə̄ kə́ tām̄ yā ngé tun̄ yá̰a̰ gə̄ tə́ ō, i kem kújə́ ní tə́.

NDŪ NAJƏ̄ 26:2

kōō yāí kə́ ta kəga dɔ gə̄ malang ní ā ī-kēgə̄ kem jángá yā kaw̄ń loo ń Kɔ́ɔ̄ɓē Nə́ɓā yāí a gə̄rā yā kəndā rīn dɔ tə́ ní tə́.

NDŪ NAJƏ̄ 18:4

Ā ādīdə́ kōō gémē ō, kasə nduú kə́ kijə ō, yibə̄ ō, kə́ ta kəga dɔ yāsí gə̄. Ā ādīdə́ bḭḭ̄ batə̄ kə́ ta kəga dɔ yāsí gə̄ ń ā ə́jaī ní ō.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

MALASI 3:8

m̄-tūr̄ m-ə́dásí na ké deē ndul asə gól̄ Nə́ɓā wa. Ɓá tā ba, sḭḭ̄ ī-gól̄mī! Ī-dəjeī ɓáý to̰ na ké ī-gól̄mī i kə rí wa. m̄-tél m̄-tūr̄sí m-ə́da na i dan ń majə kadə̄ ādə̄mī yá̰a̰ kənge yāsí gə̄ kə́ nge ko̰ kutə gə̄ ō, yá̰a̰ ndējə̄ gə̄ ō ní.

2 YÁ̰A̰ GƏ̄ 31:6

Juda gə̄ ō, Israel gə̄ ń ndin̄ kem ɓē gə̄ kə́ Juda tə́ ō ní reēn̄ kə dā̰ yādə́ gə̄ kə́ ɔrə̄n̄də́ kógə̄ḿ kógə̄ḿ dan kə́ kutə gə̄ tə́ adə̄n̄. Adə̄n̄ i man̄g gə̄ ō, batə̄ gə̄ ō, yá̰a̰ ndējə̄ kə́ kɔr̄ kam̄ tayā tām̄ yā Kɔ́ɔ̄ɓē yādə́ tə́ gə̄ ō. Kánə̄n̄ dūbə̄ yá̰á̰ kə́ tayā tayā gə̄ ní adə̄ ra dɔ naā tə́ bing.

Makətūbə̄ ń Pol ndang adə̄ Rom gə̄ ní 11:16

Ba á̰a̰ī, dan ń dɔ mur̄ kə́ kugə i kə́ táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

NDŪ NAJƏ̄ 14:22

Kōō gə̄ malang ń ī-sāāī kem ndɔr̄ yāsí gə̄ tə́ ní, ā ɔ̄rī dɔ kə́ nge ko̰ kutə kə dɔ ɓāl̄ gə̄ tām̄ yā Nə́ɓā tə́.

NEHEMI 13:10

M-ōō kadə̄ yá̰á̰ kə́ tām̄ yā ngán Lebi gə̄ tə́ ní adə̄n̄də́ alé, adə̄ ngán Lebi gə̄ ō, gōsə̄ pā gə̄ ō ń a rāān̄ kəla ní a̰ȳn̄ naā loo ndīdə́ gə̄ tə́ kógə̄ḿ kógə̄ḿ kɔ̄ɔ́.

NEHEMI 13:12

Loo ń noō tə́ Juda gə̄ malang reēn̄ kə dɔ kōō gémē kə́ nge ko̰ kutə kə́ kɔr̄ gə̄ ō, dɔ kasə nduú kə́ kíjə ō, dɔ yibə̄ ō, yā kán̄ kem kújə ngɔ̄m̄ yá̰a̰ gə̄ tə́.

Teē Ngán Israel gə̄ 13:2

kə ɔr̄ kam̄ hágə́ ngán Israel gə̄ malang ō, hágə́ yá̰a̰ kul̄ yādə́ gə̄ ō, kə adə̄n. Tɔdɔ̄ hágə de kə́ dəngam ō, hágə dā̰ kə́ dəngam ō ní, na i yá̰a̰ yān.

Teē Ngán Israel gə̄ 13:12

ā ādīin̄ hágə́sí gə̄ malang ō, hágə́ yá̰a̰ kul̄ yāsí gə̄ malang ō. Ngáń hágə́ kə́ dəngam gə̄ i yá̰a̰ yā Kɔ́ɔ̄ɓē.

TƏ́DA 18:15

Hágə́ yá̰a̰ malang, adə̄ i hágə de gə̄ aláa hágə dā̰ gə̄ ń a ndējə̄n̄ Kɔ́ɔ̄ɓē ní, i tām̄ yāí tə́ ō. Banī hágə deē ō, hágə dā̰ kə́ yḛr ō ní, ādə̄ gāngə̄n̄ dɔdə́.

TƏ́DA 18:18

Gō tə́ anī dā̰də́ i tām̄ yāsí tə́ tītə̄ ń nganjə dā̰ kə́ ndējə̄ Nə́ɓā ō, ɓúr dā̰ kə́ ndējə̄ Nə́ɓā ō, i tām̄ yāsí tə́ ní.