NEHEMI 10:32 - Bibəl ta Sar̄

³² Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

Bible sar

³² Ré reēn̄ kə kōō gémēé, aláa yá̰a̰ gātə̄ kə́ rang gēé yā kigəń ndɔ̄ *sabat yā Nə́ɓā tə́, aláa ndɔ̄ rāā nāā tə́ anī, j-a jə-mangdə́ yá̰á̰ kógə̄ḿ alé. Kə dɔ ɓāl̄ kə́ sīrí gə̄ malang ní, j-a j-əya̰ dɔ nang kadə̄ taā koō ō, j-a jə-lōō gír dəje kə̄rā gə̄ tə́ ō.

NEHEMI 10:32 Referans Kwoze

TA KƏLA 28:22

Mbal̄ ń m-údə kə nja kə́ dɔɔ́ m-ɔ̄rəń kamə̄n ní a téĺ kújə yā Nə́ɓā ō, m-ā m-ɔ̄r̄ yá̰á̰ kógə̄ḿ dan kə́ kutə tə́ tū yá̰a̰ malang ń ni-adə̄m̄ tə́ ní yā kadə̄n ō.

2 KORḚNTƏ 8:12

Tɔdɔ̄ ré gír̄ kə́ kem deē tə́ ń adə̄ń yá̰á̰ ní i gír̄ kə́ majanī, a ndigən̄ kɔ́ɔ̄ i tām̄ yá̰á̰ kə́ to jīn tə́ tə́, ba i tām̄ yá̰á̰ kə́ gətóo jīn tə́ tə́ alé.

Gōsə̄ najə̄ gə̄ 3:9

Ī-kēgə̄ yá̰á̰ ń ə́ngé ní ī-ndējə̄ Kɔ́ɔ̄ɓē ō, ādə̄n kan̄ yá̰a̰ yāí kə́ ta kəga dɔ gə̄ ī-rɔȳnneé ō.

Teē Ngán Israel gə̄ 23:11

ba ɓāl̄ kə́ nge ko̰ sīrí anī, ā ə́ya̰ dɔ nang yāí kadə̄ taā koō. Ngé rɔ̄ tō ndoō gə̄ kə́ dan gír deē yāí gə̄ tə́ a əngen̄ yá̰a̰ tū tə́ yā kəsa ō, gotən ń a na̰y ní dā̰ kə́ bembeé gə̄ a əsan̄ ō. Ā ī-rāā tītə̄ ń noō kə ndɔr̄ kāgə̄ nduú yāí ō, kə ndɔr̄ kāgə̄ olibə yāí ō.

1 YÁ̰A̰ GƏ̄ 26:27

I núsə́ yá̰a̰ kənge kə́ kəhɔ ta rɔ̄ɔ̄ tə́ n de gə̄ ngeé ń toō ɔrə̄n̄ kam̄ tayā tām̄ yā Nə́ɓā tə́ yā rāań loo kə́ nujə gə̄ kə́ tū kújə yā Kɔ́ɔ̄ɓē tə́ ní.

NEHEMI 5:10

Mə̄kɔ́ ō ngákó̰ó̰ḿ gə̄ ō, ngé kəla yāḿ gə̄ ō, j-adə̄də́ nar ō kōō gémē ō loo tə̄nā tə́. Beé ní ādə̄ j-əya̰ī gō kə̄rā yājí gə̄ kɔ̄ɔ́.

NEHEMI 9:14

Ī-rāā ādə̄ gerə̄n̄ ndɔ̄ sabat ń i ndɔ̄ yāí kə́ kɔr̄ kam̄ tayā ní ō, ə́dádə́ yá̰a̰ gə̄ kə́ kadə̄ rāān̄ gə̄ ō, ɔ́jə́də́ jī bēl̄ loo rāā yá̰a̰ gə̄ ō, ādə̄də́ ndū najə̄ ō, kə ta kūl̄ nge kəla yāí Moijə.

NEHEMI 13:15

Dan ngeé ń noō tə́ ní m-á̰a̰ Juda gə̄ loo mbə̄sā kan̄ kāgə̄ nduú tə́ kə njadə́ ndɔ̄ sabat tə́, i loo mbə́rē kan̄ kāgə̄ nduú gə̄ tə́. Ngé kə́rēý gə̄ ətōn̄ dɔ do̰ō̰ kōō gémē gə̄ ō, ɔyn̄ kasə nduú gə̄ ō, kan̄ kāgə̄ nduú gə̄ ō, kótə̄ gə̄ ō, yá̰a̰ kə́ rang kə́ tayā tayā gə̄ ō, gidə kərō gə̄ tə́ aw̄n̄neé Jerusalem ndɔ̄ sabat tə́. m̄-kɔ̄l̄ sedə́ ndɔ̄ kigə yá̰a̰ yādə́ gə̄ tə́.

NEHEMI 13:18

Kaasí gə̄ rāān̄ i tītə̄ ń noō ō aĺ a? I tām̄ najə̄ ń noō tə́ n Nə́ɓā yājí rāā adə̄ yá̰á̰ kə́ to kum kaȳ aĺ gə̄ malang ń toō reēn̄neé dɔjí tə́ ō, dɔ ɓē ń toō tə́ ō ní. Ba sḭḭ̄, ndɔ̄ sabat ń ī-rāāī i ndɔ̄ kə́ karī tə́ ní, ī-rāāī i kadə̄ wōn̄g tél rāā Nə́ɓā kə ngán Israel gēé gogə́ ɓáý to̰!

NEHEMI 13:21

m̄-tāādə́ m-ə́da na: Ī-ɓīī gidə ndogə̄ mbal̄ tə́ i tām̄ rí tə́? Ré ī-téĺ ə́laī gír gogə́ rang to̰ anī m-ā m-ādə̄ a əhɔn̄sí! Əla gír kum mbang ngeé ń noō tə́ ní nin̄ reēn̄ ndɔ̄ sabat tə́ to̰ alé.