NEHEMI 10:31 - Bibəl ta Sar̄

³¹ Adə̄ de gə̄ ń ndin̄ kem ɓēé ní j-adə̄də́ ngáńjí kə́ dəyá̰ gə̄ aĺ ō, j-a jə-taā ngáńdə́ kə́ dəyá̰ gə̄ yā kadə̄ ngáńjí kə́ dəngam gə̄ aĺ ō.

Bible sar

³¹ Adə̄ de gə̄ ń ndin̄ kem ɓēé ní j-adə̄də́ ngáńjí kə́ dəyá̰ gə̄ aĺ ō, j-a jə-taā ngáńdə́ kə́ dəyá̰ gə̄ yā kadə̄ ngáńjí kə́ dəngam gə̄ aĺ ō.

NEHEMI 10:31 Referans Kwoze

LEBI GƏ̄ 23:3

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí i ndɔ̄ sabat. Ndɔ̄ ń noō tə́ ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́rēý alé. Loo malang ń ā ī-ndiī tū tə́ ní, ā ɔ̄rī koō ndɔ̄ ń noō tə́ tām̄ i ndɔ̄ sabat yā Kɔ́ɔ̄ɓē.

Teē Ngán Israel gə̄ 20:10

ba ndɔ̄ kə́ nge ko̰ sīrí i ndɔ̄ sabat tām̄ yā Kɔ́ɔ̄ɓē Nə́ɓā yāí tə́. Ndɔ̄ ń noō tə́ ḭ̄ ō, ngání gə̄ ō, ngé kəla yāí kə́ dəngam gə̄ ō, kə́ dəyá̰ gə̄ ō, yá̰a̰ kul̄ yāí gə̄ ō, tə̄rā kə́ nge nam̄ ń ndi ɓēé looí ní ō, ā ī-rāāī kəla alé.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

LEBI GƏ̄ 23:21

Ndɔ̄ ń noō tə́ ā ī-kánī naā yā rɔȳm̄, adə̄ ā ī-rāāī kəla kə́ kə tɔ́gɔ́ gə̄ alé. I ndū najə̄ kə́ a to ngándáńg tām̄ yā ngánsí gə̄ tə́ ō, ngán kaasí gə̄ tə́ ō, loo malang ń ā ī-ndiī tū tə́ ní.

LEBI GƏ̄ 16:29

Ndū najə̄ kə́ a to ngándáńg tām̄ yāsí tə́ n toó: Kə ndɔ̄ kə́ nge ko̰ kutə yā nāā kə́ nge ko̰ sīrí, ndɔ̄ ń noō tə́ ní ngán ngé ɓē gə̄ gə̄gē, tə̄rā gə̄ kə́ ngé nam̄ gə̄ ń ndin̄ dɔ dáńsí tə́ ní gə̄gē, ā ī-*ndi ɓō tām̄ yā Nə́ɓā tə́ ō, a ī-rāāī kəla aĺ ō.

Teē Ngán Israel gə̄ 12:16

Kán̄ naā kə́ yā ɓōĺ gidə a to tām̄ yāsí tə́ kə ndɔ̄ kə́ ta kəga dɔɔ́ ō, kə ndɔ̄ kə́ nge ko̰ sīrí ō. Deē a rāā kəla kem ndɔ̄ gə̄ ń noō tə́ alé. Kəla ń ā ī-rāāī ní i kəla ndīr̄ yá̰a̰ kəsasí tá ngóy.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

KOLOSƏ 2:16

I beé ní, ādə̄ deē kógə̄ḿ gān̄g sarya dɔsí tə́ najə̄ yā yá̰a̰ kəsa tə́ aĺ ō, yá̰a̰ ka̰ȳ tə́ aĺ ō, najə̄ yā rāā nāā tə́ aĺ ō, ndɔ̄ teē nāā tə́ aĺ ō, ndɔ̄ sabat tə́ aĺ ō.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

NEHEMI 13:23

I dan ngeé ń noō tə́ n m-á̰a̰ń Jipə gə̄ kə́ táān̄ dəyá̰ Asdod gə̄ ō Amon gə̄ ō, Moab gə̄ ō ní.

NEHEMI 13:27

Kadə̄ de gə̄ oōn̄ naā tə́ na sḭḭ̄ na ī-rāāī yá̰á̰ kə́ majaĺ ngá̰ý kə Nə́ɓā yājí ō a? Kadə̄ ədan̄ na sḭḭ̄ na ī-rāāī háĺ kə́ sew aĺ kə Nə́ɓāá, adə̄ na ī-táāī dəyá̰ tə̄rā gə̄ a?