NEHEMI 10:30 - Bibəl ta Sar̄

³⁰ ɓoon̄ rɔ̄də́ tū yā ngákó̰ó̰də́ gə̄ ń i de kə́ bo gə̄ ní tə́. Nin̄ túbən̄ njadə́ ənīn̄neé ndūdə́ yā rāā yá̰á̰ ń ndū najə̄ yā Nə́ɓā əda ní ō, gō míndə gə̄ malang ń Kɔ́ɔ̄ɓē ń i kɔ́ɔ̄jí ní əda kadə̄ yā rāā ní ō, yā rāań yá̰a̰ kə g ō, jī bēl̄ loo rāā yá̰a̰ yān gə̄ ō. Nə́ɓā adə̄ ndū najə̄ ní i kə ta kūl̄ Moijə kə́ nge kəla yān.

Bible sar

³⁰ ɓoon̄ rɔ̄də́ tū yā ngákó̰ó̰də́ gə̄ ń i de kə́ bo gə̄ ní tə́. Nin̄ túbən̄ njadə́ ənīn̄neé ndūdə́ yā rāā yá̰á̰ ń *ndū najə̄ yā Nə́ɓā əda ní ō, gō míndə gə̄ malang ń Kɔ́ɔ̄ɓē ń i kɔ́ɔ̄jí ní əda kadə̄ yā rāā ní ō, yā rāań yá̰a̰ kə g ō, jī bēl̄ loo rāā yá̰a̰ yān gə̄ ō. Nə́ɓā adə̄ ndū najə̄ ní i kə ta kūl̄ Moijə kə́ nge kəla yān.

NEHEMI 10:30 Referans Kwoze

NDŪ NAJƏ̄ 7:3

Ā ī-taāī naā sedə́ alé: Ā ādī ngáńdə́ kə́ dəngam gə̄ ngáńsí kə́ dəyá̰ gə̄ kadə̄ taān̄də́ aĺ ō, ā ī-taāī ngáńdə́ kə́ dəyá̰ gə̄ yā kadə̄ ngáńsí kə́ dəngam gə̄ aĺ ō.

Teē Ngán Israel gə̄ 34:16

Ré ī-táāī ngáńdə́ kə́ dəyá̰ gə̄ ādī ngáńsí kə́ dəngam gə̄ anī, ngáńdə́ kə́ dəyá̰ gə̄ ní a rāān̄ kadə̄ ngáńsí kə́ dəngam gə̄ a rāān̄ ɓesə̄ yādə́ gə̄.

NEHEMI 13:23

I dan ngeé ń noō tə́ n m-á̰a̰ń Jipə gə̄ kə́ táān̄ dəyá̰ Asdod gə̄ ō Amon gə̄ ō, Moab gə̄ ō ní.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

NEHEMI 13:30

M-ɔ̄r̄ tə̄rā gə̄ malang mbo̰ō̰də́ tə́ m̄-tə́goń majaĺ kə́ dɔ dáńdə́ tə́ kɔ̄ɔ́ adə̄ unjə̄n̄ njáý njáý ō, m-ādə̄ kəla yā ngé tun̄ yá̰a̰ gə̄ ō ngán Lebi gə̄ ō to gotoó gogə́ ō. Nin̄ kógə̄ḿ kógə̄ḿ ran̄ ta kəla yādə́ gə̄ tə́.

NDŪ NAJƏ̄ 29:11

Ī-raī laā ɓōólaā i yā kəhɔ madə̄ naā kə́ kə kənī ndūú danaá kə Kɔ́ɔ̄ɓē Nə́ɓā yāsí. Ni-əhɔ madə̄ naā ní sesí ɓōólaā.

2 MBAN̄G 23:3

Mban̄g ra njan kə́ dɔɔ́ ta kum Kɔ́ɔ̄ɓē dɔ loo ndɔ̄ȳ kə́ kḭḭ kə̄ dɔɔ́ tə́ rāań madə̄ naā kə Kɔ́ɔ̄ɓēé. Ni-ənī ndūn yā kun gō Kɔ́ɔ̄ɓē ō, yā rāā gō míndə gə̄ ń əda ní ō, yá̰a̰ gə̄ ń ɔjə ní ō, yá̰a̰ gə̄ ń ndū najə̄ yān əda ní ō, kə ngarā̰ kemənneé mámák ō, kə rɔ̄neé malang ō. Ni-ənī ndūn yā rāā yá̰a̰ malang ń i kə́ ndang kem makətūbə̄ madə̄ naā tə́ ní ō. Ngán Israel gə̄ malang ndigən̄ madə̄ naā ní adə̄ nin̄ ənīn̄ ndūdə́.

2 MBAN̄G 23:25

Mban̄g kə́ kété no mban̄g Josias tə́ kə́ tél reē rɔ̄ Kɔ́ɔ̄ɓē tə́ kə ngarā̰ kemən gēé mámák ō, kə rɔ̄n gēé malang ō, kə tɔ́gən gēé malang ō, tītə̄ ń ndū najə̄ yā Moijə ədań ní gətóo ō, mban̄g kə́ gotən tə́ tītə̄n gətóo ō.

2 YÁ̰A̰ GƏ̄ 34:31

Ni-ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ba əhɔ madə̄ naā kə̄ Kɔ́ɔ̄ɓē ni gḛy kun gō tó Kɔ́ɔ̄ɓē ō, gḛy rāā gō míndə gə̄ ń Kɔ́ɔ̄ɓē əda ní ō, gḛy rāā yá̰a̰ gə̄ ń ndū najə̄ yā Kɔ́ɔ̄ɓē əda ní ō, kə ngarā̰ kemən mámák ō, kə rɔ̄neé ō. Ni-gḛy rāā yá̰a̰ gə̄ kə́ tām̄ yā madə̄ naā tə́ ń ndangən̄ kem makətūbə̄ ń toō tə́ ní.

NEHEMI 5:12

Nin̄ tél ədan̄ na: J-a jə-rāā tītə̄ ń ə́dańjí ní. Yá̰a̰ gə̄ ń jə-táā jīdə́ tə́ ní j-a jə-téləń yā kadə̄də́ gogə́ ō, j-a jə-dəjedə́ yá̰á̰ kógə̄ḿ dɔ tə́ aĺ ō. Loo ń noō tə́ m̄-ɓāŕ ngé tun̄ yá̰a̰ gə̄ ba m-ādə̄ de gə̄ ń kə̄rā yādə́ i dɔ madə̄də́ gə̄ tə́ ní túbən̄ kadə̄ ran̄ dɔ míndə́də́ tə́.

NEHEMI 10:1

J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā tambō̰o̰ dɔ tə́ ō. Ngār yājí gə̄ ō ngán Lebi yājí gə̄ ō, ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.