NEHEMI 10:29 - Bibəl ta Sar̄

²⁹ Gotə ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, ngé kəla gə̄ ō, de gə̄ malang ń ɔrə̄n̄ rɔ̄də́ kɔ̄ɔ́ rɔ̄ de gə̄ kə́ dɔ ɓē kə́ rang gə̄ tə́ yā kunəń gō ndū najə̄ yā Nə́ɓā ní ō, nə̄yá̰də́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō ń asən̄ ger̄ kum najə̄ ní ō,

Bible sar

²⁹ Gotə ngán *Israel gə̄ ō, *ngé tun̄ yá̰a̰ gə̄ ō, *ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, ngé kəla gə̄ ō, de gə̄ malang ń ɔrə̄n̄ rɔ̄də́ kɔ̄ɔ́ rɔ̄ de gə̄ kə́ dɔ ɓē kə́ rang gə̄ tə́ yā kunəń gō *ndū najə̄ yā Nə́ɓā ní ō, nə̄yá̰də́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō ń asən̄ ger̄ kum najə̄ ní ō,

NEHEMI 10:29 Referans Kwoze

EJEKIEL 36:27

M-ā m-ə̄ndā ndílə́ḿ kemsí tə́. I tītə̄ ń noō n m-ā m̄-rāań kadə̄ sḭḭ̄ ásiī koō taḿ ba rāā yá̰a̰ gə̄ ń ndū najə̄ yāḿ gə̄ ədan̄ ní ō, ɓōĺ gidə yá̰á̰ m-ə́dásí kadə̄ ī-rāāī ní ō, rāā yá̰á̰ m-ə́dásí kadə̄ ī-rāāī ní ō.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

JA̰A̰ 15:14

Ré ī-rāāī yá̰a̰ kə gō míndə́ḿ anī, sḭḭ̄ i madə̄ kə́ráḿ gə̄.

Makətūbə̄ ń Pol ndang adə̄ Rom gə̄ ní 12:9

Kadə̄ tár naā yāsí i kə gól̄ looó alé. Ā̰yī yá̰á̰ kə́ majaĺ kɔ̄ɔ́ kə nja ngárāá, ba ī-ɓooī naā kə yá̰á̰ kə́ majaá.

2 YÁ̰A̰ GƏ̄ 34:31

Ni-ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ba əhɔ madə̄ naā kə̄ Kɔ́ɔ̄ɓē ni gḛy kun gō tó Kɔ́ɔ̄ɓē ō, gḛy rāā gō míndə gə̄ ń Kɔ́ɔ̄ɓē əda ní ō, gḛy rāā yá̰a̰ gə̄ ń ndū najə̄ yā Kɔ́ɔ̄ɓē əda ní ō, kə ngarā̰ kemən mámák ō, kə rɔ̄neé ō. Ni-gḛy rāā yá̰a̰ gə̄ kə́ tām̄ yā madə̄ naā tə́ ń ndangən̄ kem makətūbə̄ ń toō tə́ ní.

2 MBAN̄G 23:3

Mban̄g ra njan kə́ dɔɔ́ ta kum Kɔ́ɔ̄ɓē dɔ loo ndɔ̄ȳ kə́ kḭḭ kə̄ dɔɔ́ tə́ rāań madə̄ naā kə Kɔ́ɔ̄ɓēé. Ni-ənī ndūn yā kun gō Kɔ́ɔ̄ɓē ō, yā rāā gō míndə gə̄ ń əda ní ō, yá̰a̰ gə̄ ń ɔjə ní ō, yá̰a̰ gə̄ ń ndū najə̄ yān əda ní ō, kə ngarā̰ kemənneé mámák ō, kə rɔ̄neé malang ō. Ni-ənī ndūn yā rāā yá̰a̰ malang ń i kə́ ndang kem makətūbə̄ madə̄ naā tə́ ní ō. Ngán Israel gə̄ malang ndigən̄ madə̄ naā ní adə̄ nin̄ ənīn̄ ndūdə́.

KƏLA RĀĀ 23:21

Ba ī-lōō taā kemdə́! Tɔdɔ̄ de gə̄ kə́ dandə́ tə́ kə́ mānə̄n̄ kutə̄ sɔ́ ń noō túbə̄n̄ kə yá̰a̰ kəsaá ō, kə yá̰a̰ ka̰yá ō, bátə́ kadə̄ ré kə n-tɔ̄lə̄n̄ Pol pá tá. Adə̄ nin̄-ton̄ a um̄nən̄ noó. Ń toō nin̄-ndin̄ dɔ rɔ̄də́ tə́ kɔ̄ɔ́, ba a ngóōn̄ i taí ḭ̄ ngóy kadə̄ ī-ndigə.

KƏLA RĀĀ 17:34

Banī de kə́rēý gə̄ dandə́ tə́ əhɔn̄ gō Pol ō, télən̄ ngé taā kem gə̄ ō. Denis ń ni i kə́ kógə̄ḿ yā ngé sarya kə́ bo gə̄ kə́ dɔ mbal̄ Areopajə tə́ ní, i dan de gə̄ ní tə́ ō, dəyá̰ kógə̄ḿ kə́ rīn na i Damaris i sedə́ ō, de kə́ rang gə̄ i sedə́ ɓáý to̰ ō.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

JA̰A̰ 7:19

I Moijə n adə̄sí ndū najə̄ ní aĺ a? Ba deē kógə̄ḿ kə́ dansí tə́ kə́ ngɔ̄m̄ ndū najə̄ gətóo. I tām̄ rí tə́ á ī-sāāī tɔ̄lə̄m̄ ní?

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

JEREMI 26:4

Ā ə́dádə́ na: Najə̄ ń mā Kɔ́ɔ̄ɓē m-ə́dá ní n toó: Ré sḭḭ̄ ōōī najə̄ yāḿ aĺ ō, úniī gō yá̰á̰ ń m̄-ndóōsí ní aĺ ō,

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

PĀ GƏ̄ 105:45

yā kadə̄ nin̄-ngɔ̄mə̄n̄neé yá̰a̰ gə̄ ń ni ndang kadə̄ yā rāā ní ō, əndān̄neé kumdə́ gír ndū najə̄ yān gə̄ tə́ ō. Aleluya!

PĀ GƏ̄ 8:9

yel̄ kə́ dɔɔ́ gə̄ ō kānjə̄ kə́ maná gə̄ ō yá̰a̰ gə̄ malang ń a unən̄ gō kə̄lá róbə gə̄ kum bā bo gə̄ tə́ ní ō.

PĀ GƏ̄ 8:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kənde kə́ Gat.

NEHEMI 13:25

m̄-kɔ̄l̄ sedə́ ō, m̄-ndɔ̄ĺdə́ ō. M-ə́nda de kə́ dəngam kə́rēý gə̄ kə́ dandə́ tə́ ō, m̄-ró̰ȳ nənga dɔdə́ ō. Gō tə́ anī m-ādə̄ túbən̄ njadə́ kə rī Nə́ɓāá kadə̄ adə̄n̄ tə̄rā gə̄ ngáńdə́ kə́ dəyá̰ gə̄ kadə̄ táān̄ to̰ aĺ ō, kadə̄ táān̄ dəyá̰ tə̄rā gə̄ adə̄n̄ ngáńdə́ kə́ dəngam gə̄ to̰ aĺ ō, táān̄ tām̄ yādə́ nin̄ kɔ́ gə̄ tə́ to̰ aĺ ō.

2 YÁ̰A̰ GƏ̄ 6:16

I beé ní Kɔ́ɔ̄ɓē Nə́ɓā yā Israel, yá̰á̰ ń ə́da bɔbə́ḿ Dabid kə́ nge kəla yāí ní, ī-rāā ngɔlaā ō. Tām̄ ə̄nī ndūí ādə̄n ə́da na, ré ngánən gē, ngán kaan gē na ɓōlə́n̄ ndū najə̄ yāí adə̄ ngɔ̄mə̄n̄ háĺdə́ majə njə̄rān̄neé kə̄ noí tə́ tītə̄ yān anī, ngándáńg deē kógə̄ḿ dandə́ tə́ na a ndi ta kumií tə́ yā ko̰o̰ ɓē dɔ Israel gə̄ tə́.

2 MBAN̄G 10:31

Banī Yehu njə̄rā gō ndū najə̄ yā Kɔ́ɔ̄ɓē Nə́ɓā yā Israel tə́ i kə ngarā̰ kemən gēé mámák alé. Ni un rɔ̄n kɔ̄ɔ́ gō yá̰á̰ kə́ majaĺ gə̄ ń Jeroboam sə̄lā Israel gə̄ adə̄ rāān̄ ní tə́ alé.

NDŪ NAJƏ̄ 33:4

Ndū najə̄ yā Nə́ɓā ń Moijə adə̄jí ní i yá̰a̰ kənge kə́ gātə̄n i ngá̰ý tām̄ yā ngán kaa Jakob tə́.

NDŪ NAJƏ̄ 5:32

Yá̰á̰ ń Kɔ́ɔ̄ɓē Nə́ɓā yāsí ədasí ní, ə̄ndāī kumsí gírí ī-rāāī kə gōó kanjə̄ tɔ̄ɔ̄ geleé aláa ko̰ó̰.

NDŪ NAJƏ̄ 5:1

Moijə ɓāŕ ngán Israel gə̄ malang ba ədadə́ na: Israel gə̄, ōōī ndū najə̄ gə̄ ō, jī-bēl̄ loo rāā yá̰a̰ gə̄ ō ń m-ā m-ə́dásí ɓōólaā kadə̄ ōōī ní. Ī-ndóōī ō, ə̄ndāī kumsí gírí kadə̄ úniī gō ō.

TƏ́DA 5:21

ādə̄ Kɔ́ɔ̄ɓē rāāī yá̰á̰ kə́ tōr̄ tām̄ yā yá̰á̰ kə́ majaĺ kə́ ī-rāā tə́. Ādə̄ Kɔ́ɔ̄ɓē rāā adə̄ ī-tél dəyá̰ kə́ kujə ō, rāā adə̄ kemií tíī ō, yā kadə̄ de gə̄ kə́ kem ɓē yāí tə́ gə̄ a unən̄ i rīí n a túbənə̄ń ní.

JEREMI 34:15

Ń toō ní, sḭḭ̄ ī-tūrī háĺsí adə̄ ī-rāāī yá̰á̰ kə́ gōtə́ ta kumḿ tə́. Sḭḭ̄ kógə̄ḿ kógə̄ḿ ə́daī na a ə́ya̰ī ngáń ngé ɓē madə̄sí gə̄ dɔɔ́ ō, ə̄nīī ndūsí ta kumḿ tə́ i kem kújə́ ń rīḿ ɓār̄ dɔ tə́ ní ō.

LEBI GƏ̄ 20:26

Ādə̄ sḭḭ̄ i de kə́ táĺ gə̄, ɔ̄rī kam̄sí kɔ̄ɔ́ tām̄ yāḿ tə́, tām̄ mā Kɔ́ɔ̄ɓē i de kə́ táĺ. m̄-gə̄rāsí dan gír de gə̄ tə́ m-ə̄ndāsí dáńg kadə̄ sḭḭ̄ i deē yāḿ gə̄.

1 YÁ̰A̰ GƏ̄ 9:2

De gə̄ ń tél reē ndin̄ kem ɓē yādə́ tə́ gogə́ ta kəga dɔ ō, əngen̄ yá̰a̰ yādə́ gə̄ ō ní i ngán Israel kə́ karī gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé rāā kəla gə̄ ō.

NEHEMI 7:46

Ɓūtə̄ yā ngé kəla gə̄ ní de kə́ tū tə́ gə̄ i ngán kaa Siha gə̄ ō Hasupa gə̄ ō Tabaotə gə̄ ō

NEHEMI 8:3

Esdras tə́da najə̄ kə́ kem makətūbə̄ ní tə́ adə̄də́. Ni-əla gír tə́da i dəloí ɓatə bátə́ mbang ugə̄ dan ɓēé. Ni-ra i ndágə loo kə́ sɔɔ̄n̄ ta naā kə ta róbə yā man̄ gə̄ tə́ n tə́dań ní. De gə̄ malang nēlə̄n̄ mbīdə́ oōn̄neé najə̄ kə́ kem makətūbūú.

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.