NEHEMI 10:1 - Bibəl ta Sar̄

¹ J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā tambō̰o̰ dɔ tə́ ō. Ngār yājí gə̄ ō ngán Lebi yājí gə̄ ō, ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.

Bible sar

¹ J-ənī ndūjí kə ngangá ngá̰ý sɔɔ̄ń yá̰a̰ malang ń teē dɔjí tə́ ní. Ba ndūjí ń j-ənī ní jə-ndang kem makətūbūú ō, j-əndā *tambō̰o̰ dɔ tə́ ō. Ngār yājí gə̄ ō *ngán Lebi yājí gə̄ ō, *ngé tun̄ yá̰a̰ yājí gə̄ ō, əndān̄ jīdə́ gír makətūbə̄ ní tə́.

NEHEMI 10:1 Referans Kwoze

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

NEHEMI 1:1

Najə̄ kɔr̄ Nehemi kə́ ngōn̄ Hakalia. Kem ɓāl̄ kə́ nge ko̰ kutə jōó tə́ ń Artajerses o̰o̰ń ɓē tə́ ní kə nāā Kislew anī, mā Nehemi m̄-ndi i Sujə ń i ɓē kə́ ngan̄g ní tə́.

NEHEMI 7:70

Kadə̄ karī gə̄ ń de kə́rēý gə̄ kə́ dɔ gír kojə gə̄ tə́ adə̄n̄ ní i sə́lē lɔ́r 20 000 ō, gində̄ arjā̰a̰ ń adə̄n̄ ní kɔȳn malang i kəlōo 1 100 ō.

ESDRAS 2:63

Nge ko̰o̰ ɓē ɔgə̄də́ kəsa yá̰á̰ kə́ táĺ ngá̰ý gə̄ bátə́ kadə̄ ré nge tun̄ yá̰á̰ kógə̄ḿ sāā kə urim ō tumim ō pá tá.

NEHEMI 7:65

Loo ń noō tə́ nge ko̰o̰ ɓē ɔgədə́ kəsa yá̰a̰ kə́ táĺ ngá̰ý gə̄ bátə́ kadə̄ ré nge tun̄ yá̰a̰ aw̄ sāā tə́ kə urim ō tumim ō pá tá.

NEHEMI 10:2

De gə̄ ń əndān̄ jīdə́ gírí ní rīdə́ n toó: Nehemi kə́ ngōn̄ Hakalia, ni i nge ko̰o̰ ɓē. Sidekia,

Teē Ngán Israel gə̄ 24:4

Moijə ndang najə̄ gə̄ ń Kɔ́ɔ̄ɓē ədan ní malang. Teē kə ndɔ̄ kə́ noō anī Moijə ḭḭ dɔɔ́ kə gír looí ɓatə, rāā loo tun̄ yá̰a̰ nja mbal̄ tə́ ō, túdə̄ ngán mbal̄ gə̄ kutə gidə i jōó kə nja kə́ dɔɔ́ tām̄ yā gír ɓē kə́ kutə gidə i jōó yā ngán Israel gə̄ tə́ ō.

2 MBAN̄G 23:3

Mban̄g ra njan kə́ dɔɔ́ ta kum Kɔ́ɔ̄ɓē dɔ loo ndɔ̄ȳ kə́ kḭḭ kə̄ dɔɔ́ tə́ rāań madə̄ naā kə Kɔ́ɔ̄ɓēé. Ni-ənī ndūn yā kun gō Kɔ́ɔ̄ɓē ō, yā rāā gō míndə gə̄ ń əda ní ō, yá̰a̰ gə̄ ń ɔjə ní ō, yá̰a̰ gə̄ ń ndū najə̄ yān əda ní ō, kə ngarā̰ kemənneé mámák ō, kə rɔ̄neé malang ō. Ni-ənī ndūn yā rāā yá̰a̰ malang ń i kə́ ndang kem makətūbə̄ madə̄ naā tə́ ní ō. Ngán Israel gə̄ malang ndigən̄ madə̄ naā ní adə̄ nin̄ ənīn̄ ndūdə́.

ESDRAS 10:3

Ādə̄ j-ənī ndūjí j-adə̄ Nə́ɓā yājí kadə̄ jə-tə̄ɓā dəyá̰ kə́ tə̄rā gə̄ kɔ̄ɔ́ malang kə ngáńdə́ gēé. I beé n j-a j-unəń gō kɔjə̄ yāsí ń ngé ɓōĺ gō míndə Nə́ɓā yājí ō ḭ̄ ō ādījí ní. Ādə̄ i kə́ rāā tītə̄ ń ndū najə̄ ədań ní.

NEHEMI 10:30

ɓoon̄ rɔ̄də́ tū yā ngákó̰ó̰də́ gə̄ ń i de kə́ bo gə̄ ní tə́. Nin̄ túbən̄ njadə́ ənīn̄neé ndūdə́ yā rāā yá̰á̰ ń ndū najə̄ yā Nə́ɓā əda ní ō, gō míndə gə̄ malang ń Kɔ́ɔ̄ɓē ń i kɔ́ɔ̄jí ní əda kadə̄ yā rāā ní ō, yā rāań yá̰a̰ kə g ō, jī bēl̄ loo rāā yá̰a̰ yān gə̄ ō. Nə́ɓā adə̄ ndū najə̄ ní i kə ta kūl̄ Moijə kə́ nge kəla yān.