NEHEMI 1:6 - Bibəl ta Sar̄

⁶ Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

Bible sar

⁶ Ī-tūr̄ kumií kə̄ rɔ̄ḿ tə́ ba ī-nēl̄ mbīí ōoń ndɔ̄ȳ yāḿ mā nge kəla yāí. Ngɔlaā ní m̄-ndɔ̄yī ndɔ̄ɔ́ ō, kadaá ō, tām̄ yājí jḭḭ ngán *Israel gə̄ ń i ngé kəla yāí gə̄ tə́ ní. m̄-dəjeī kadə̄ ī-mā̰ȳ rɔ̄í dɔ yá̰á̰ kə́ gōtə́ aĺ gə̄ ń jə-rāā tə́ ní. Rɔ̄kum, mā nəkɔ́ ō, kaaḿ gə̄ ō, jə-rāā yá̰a̰ majaĺ.

NEHEMI 1:6 Referans Kwoze

DANIEL 9:20

m̄-na̰y kə̄ loo ndɔ̄ȳ tə́ ō, kə̄ loo kəda majaĺ yāḿ tə́ ō, yā ngán Israel gə̄ ń nin̄ i gír deē yāḿ gə̄ ní tə́ ō, kə̄ loo rāā Kɔ́ɔ̄ɓē Nə́ɓā yāḿ ɓɔ́ tə́ tām̄ yā mbal̄ yān kə́ táĺ tə́ ō.

DANIEL 9:4

m̄-ndɔ̄ȳ Kɔ́ɔ̄ɓē Nə́ɓā yāḿ ō, m-ə́dan gír majaĺ gə̄ ń toō ō, m-ə́da na: Kɔ́ɔ̄ɓē, ḭ̄ ń i Nə́ɓā kə́ bo ō, ī-to ɓōĺ ō, ā ī-ngɔ̄m̄ madə̄ naā yāí ō, ī-ra dɔ ndūí tə́ ō kə ngé gə̄ ń tárə̄n̄nī ō ngɔ̄mə̄n̄ gō míndí gə̄ ō ní,

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

PĀ GƏ̄ 106:6

Jə-rāā majaĺ tītə̄ yā kaají gə̄, jə-tɔ̄ɔ̄ róbə gōí tə́ kɔ̄ɔ́ adə̄ najə̄ i dɔjí tə́.

2 YÁ̰A̰ GƏ̄ 29:6

Tɔdɔ̄ bɔbə̄jí gə̄ rāān̄ yá̰á̰ kə́ gōtə́ aĺ ō, rāān̄ majaĺ ta kum Kɔ́ɔ̄ɓē Nə́ɓā yājí tə́ ō, nin̄ əya̰nən̄ kɔ̄ɔ́, unən̄ kumdə́ kɔ̄ɔ́ ta kújə yān tə́ ō, tūrə̄n̄ gidədə́ adə̄nən̄ ō.

2 YÁ̰A̰ GƏ̄ 6:40

Ngɔlaā ní Nə́ɓā yāḿ, ī-teē kumií ō, ī-nēl̄ mbīí ōoń ndɔ̄ȳ ń m̄-ndɔ̄yī loo ń toō tə́ ní ō.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

1 JA̰A̰ 1:9

Ré j-ɔrī gír majaĺ yājí anī, Nə́ɓā a mā̰ȳ rɔ̄n dɔ tə́ ō, a tə́go yá̰á̰ kə́ gō tə́ aĺ gə̄ malang kɔ̄ɔ́ rɔ̄jí tə́ ō. Tɔdɔ̄ ni i de kə́ nge ra dɔ ndūn tə́ ō, de kə́ súmūú ō.

Najə̄ kə́ Majə yā Jeju ń Luk ndang ní 18:7

I beé ní, ngé gə̄ ń Nə́ɓā nəkɔ́ gə̄rādə́ á nōōn̄ kə̄ dɔn tə́ ndɔ̄ɔ́ ō kadaá ō, ba ədadə́ kadə̄ ngóōn̄ tan ō, əndādə́ dɔɔ́ ō ní, tá Nə́ɓā a əda najə̄ kə́ gōtə́ dɔdə́ tə́ aĺ a?

2 TIMOTE 1:3

Ndɔ̄ɔ́ ō kadaá ō, dan ń m-ā m̄-ndɔ̄ȳ anī, m̄-gír̄ dɔí tə́. Adə̄ m̄-ndadə̄ Nə́ɓā ń m̄-rāā kəla yān tītə̄ yā kaaḿ gə̄, kanjə̄ kadə̄ kemḿ ɔjəm̄ yá̰á̰ kógə̄ḿ kə́ majaĺ ní.

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

1 TIMOTE 5:5

Dəyá̰ kə́ ngaa koy ń deē yān gətóo ō, ndi i kə kérneé ō ní, əndā kemən i dɔ Nə́ɓā tə́ ō, na̰y i kə̄ loo ndɔ̄ȳn tə́ ō, loo rāān ɓɔ́ tə́ ndɔ̄ɔ́ ō kadaá ō.

PĀ GƏ̄ 130:2

Kɔ́ɔ̄ɓē, ōō ndūḿ. Ī-nēl̄ mbīí ōoń ndūḿ loo rāāī ɓɔ́ tə́!

PĀ GƏ̄ 55:17

Mā m̄-nōō kə̄ dɔ Nə́ɓā tə́ kadə̄ rāā seḿ, adə̄ Kɔ́ɔ̄ɓē a ajəm̄.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

PĀ GƏ̄ 88:1

Pā yā ngán Kore gə̄. I pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i kə rɔ̄nelēé alé. I pā kə́ kəda yā Heman kə́ ngōn̄ nge ɓē.

ESDRAS 10:11

Ngɔlaā ní ə́daī Kɔ́ɔ̄ɓē Nə́ɓā yā kaasí gə̄ yá̰á̰ kə́ gōtə́ aĺ ń ī-rāāī ní ō, ī-rāāī yá̰á̰ ń kemən ndigə ní ō. Ɔ̄rī rɔ̄sí kɔ̄ɔ́ rɔ̄ de kə́ kem ɓēé gə̄ tə́ ō, ī-mbātíī nə̄yá̰sí kə́ tə̄rā gə̄ kɔ̄ɔ́ ō.

2 YÁ̰A̰ GƏ̄ 28:10

Tá ń toō ɓáa dəngam gə̄ kə dəyá̰ gə̄ kə́ Juda tə́ ō, Jerusalem tə́ ō ń toō ɔ̄rī i najə̄ rāādə́ ɓəlo yāsí gə̄ tə́ ɓáý to̰. Ní sḭḭ̄ kɔ́ gə̄ kə dɔsí ī-rāāī yá̰á̰ kə́ gōtə́ aĺ gə̄ kə Kɔ́ɔ̄ɓē Nə́ɓā yāsí adə̄ najə̄ i dɔsí tə́ aĺ a?

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

1 MBAN̄G GƏ̄ 8:30

Mā ō, gír deē yāí gə̄ ń i ngán Israel gə̄ ní ō, jə-tūr̄ kumjí sɔɔ̄ loo ń toō ba jə-rāāī ɓɔ́ ní, Kɔ́ɔ̄ɓē ōō ndūjí. Ḭ̄ ń ī-ndi dɔ rā̰ tə́ ní ōō ndūjí loo ń ī-ndi tū tə́ ní. Ōō ndūjí ō, ī-mā̰ȳ rɔ̄í dɔjí tə́ ō.

1 MBAN̄G GƏ̄ 8:47

ré ndin̄ kə̄ ɓē ɓəlo tə́ noō gírə̄n̄ yá̰a̰ ba ndə̄ngān̄ rɔ̄də́ ō, rāāīn̄ ɓɔ́ dɔ nang yā madə̄ ba̰ā̰də́ gə̄ tə́ ō, ədaīn̄ na nin̄ na i ngé rāā majaĺ gə̄, na n-rāān̄ yá̰a̰ gōtə́ alé, na najə̄ na i dɔdə́ tə́,

NEHEMI 1:11

Kɔ́ɔ̄ɓē, m̄-rāāī ɓɔ́, ī-nēl̄ mbīí ōoń ndɔ̄ȳ yāḿ mā nge kəla yāí ō, ndɔ̄ȳ yā gotə ngé kəla yāí kə́ rang gə̄ ń rɔ̄də́ nel̄də́ loo ɓōĺ ndūí tə́ ní ō. Ī-rāā ādə̄ yá̰á̰ ń m-ā m̄-rāā loon ɓōólaā ní teē yá̰a̰ ō, ī-rāā ādə̄ dəngam ń noō rāā kem majə seḿ ō. Dan ngeé ń noō tə́ ní mā i nge kadə̄ mban̄g yá̰a̰ ka̰ȳ.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

DANIEL 9:8

Kɔ́ɔ̄ɓē, yājí i rɔ̄sɔl̄ ō, rɔ̄sɔl̄ i yā ngār yājí gə̄ ō, kaají gə̄ ō, tɔdɔ̄ jə-rāā yá̰á̰ kə́ majaĺ seí.

DANIEL 9:15

Kɔ́ɔ̄ɓē Nə́ɓā yājí, ī-teē kə gír deē yāí gēé kɔ̄ɔ́ kem ɓē kə́ Ejiptə tə́ ta kūl̄ jīí kə́ kə tɔ́gɔ́ ō, i -rāā ādə̄ rīí ɓār̄ tītə̄ ń a ɓārəń ɓōólaā ɓáý ní ō, ba ngɔlaā ní jḭḭ i ngé rāā majaĺ gə̄ ō, ngé kem ndul gə̄ ō.