NEHEMI 1:4 - Bibəl ta Sar̄

⁴ Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

Bible sar

⁴ Dan ń m-ōō najə̄ ń gə̄ noō ní m̄-ndi nang tə́ m̄-nōō ō, m-ə́hɔ ndoō ndɔ̄ ngá̰ý ō, m̄-*ndi ɓō tām̄ yā Nə́ɓā tə́ ō. m̄-ndɔ̄ȳ Nə́ɓā kə́ dɔ rā̰ tə́

NEHEMI 1:4 Referans Kwoze

DANIEL 9:3

Loo ń noō tə́ m̄-*ndi ɓō tām̄ yā Nə́ɓā tə́ ō, m-ə́la kūbə̄ kə́ ndo̰ō̰ huyuyu rɔ̄ḿ tə́ ō, m̄-rāā bū dɔḿ tə́ ō, ba m̄-tūr̄ rɔ̄ḿ kə̄ rɔ̄ Kɔ́ɔ̄ɓē Nə́ɓā tə́ yā ndɔ̄ȳn ō, yā rāān ɓɔ́ ō.

PĀ GƏ̄ 137:1

Jə-ndi nang tə́ ta man̄ gə̄ kə́ Babilon tə́ jə-nōō, tɔdɔ̄ əga kemjí dɔ Siyo̰ tə́.

ESDRAS 10:1

Dan ń Esdras tétə̄ kejən nang tə́ ta kújə yā Kɔ́ɔ̄ɓē tə́ ba ndi a nōō ō, a ndɔ̄ȳ Nə́ɓā ō, a dəje Nə́ɓā mā̰ȳ rɔ̄ ō ní anī, Israel gə̄ ngá̰ý, kə́ dəngam gə̄ kə kə́ dəyá̰ gə̄ kə ngán gə̄ kánə̄n̄ naā kə̄ dɔn tə́. Nin̄ malang nōōn̄ ngá̰ý kə man̄ kumdə́.

NEHEMI 2:4

Mban̄g dəjem̄ na ké i rí n m̄-gḛy kadə̄ n-adə̄m̄ ní wa. Anī m̄-ndɔ̄ȳ Nə́ɓā kə́ dɔ rā̰ tə́,

Makətūbə̄ ń Pol ndang adə̄ Rom gə̄ ní 12:15

Ī-rāāī rɔ̄nel̄ kə ngé gə̄ ń rɔ̄də́ nel̄də́ ní ō, ī-nōōī kə ngé gə̄ ń a nōōn̄ ní ō.

SOPONI 3:18

tītə̄ kə́ ndɔ̄ rāā nāā tə́ beē. Kɔ́ɔ̄ɓē əda na: Jerusalem, m-ā m̄-rāā kadə̄ yá̰á̰ kə́ to kum kaȳ aĺ gətóo kɔ̄ɔ́ rɔ̄í tə́, yā kadə̄ rɔ̄í sɔlīiń to̰ alé.

DANIEL 2:18

Ni mēr̄də́ rāā Nə́ɓā kə́ dɔ rā̰ tə́ ɓɔ́ kadə̄ rāā kem majə sedə́ ba kə ɔjədə́ nī kə́ to loo mundə̄ tə́ ní tá kadə̄ t ɔ̄l̄ə̄n̄neédə́ naā tə́ kə ngé kum kedə̄ gə̄ kə́ Babilon alé.

ESDRAS 9:3

Dan ń m-ōō najə̄ ń noō ní, m-ə́hɔ kūbə̄ yāḿ kə́ gír madāá m̄-*rə̄yā̰ ō, m̄-rə̄yā̰ nge kə́ dɔ madə̄ tə́ ō, m̄-ró̰ȳ nənga dɔḿ ō, mbāyə́ḿ ō, m̄-ndi nang tə́ ō, tɔdɔ̄ tɔ́gə́ḿ ur̄ wak kɔ̄ɔ́.

JONAS 1:9

Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

2 SAMUEL 12:16

Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō.

PĀ GƏ̄ 136:26

Ī-tɔ̄yī Nə́ɓā kə́ dɔ rā̰ tə́, tɔdɔ̄ kem majə yān to ngándáńg.

DANIEL 10:2

Dan ngeé ń noō tə́ ní Daniel m-ə́hɔ ndoō dəmásə mətá,

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

2 YÁ̰A̰ GƏ̄ 6:13

Kété ní Salomo̰ adə̄ rāān̄ yá̰á̰ kə́ yā kadə̄ deē ra dɔ tə́ kə gində̄ nə̄ngá kasaá əndān̄ ndágə looó danaá bang. Yá̰á̰ ní ngālən i kíl deē mí ō, laan i kíl deē mí ō, ngālən kə́ kə̄ dɔɔ́ i kíl deē mətá ō. Salomo̰ al̄ dɔ tə́ ba tétə̄ kejən nang tə́ ta kum ngán Israel gə̄ malang ń kánə̄n̄ naā tə́ ní. Ni ɔy jīn kə̄ dɔɔ́ ndɔ̄yń Nə́ɓā,

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

ESDRAS 9:5

Dan ń mbang ndējə̄ yá̰á̰ kə́ loo tíbí asə anī m-lōō gír rāā rɔ̄ḿ ndoō tə́, ba m-ḭ́ḭ kə kūbə̄ kə́ rə̄yā̰ gēé rɔ̄ḿ tə́ m̄-tétə̄ kejəḿ, nang tə́ ō, m-ɔ́y jīḿ kə̄ dɔɔ́ kum kə̄ rɔ̄ Kɔ́ɔ̄ɓē Nə́ɓā yāḿ tə́ ō,

NEHEMI 2:20

m̄-téĺ m-ə́dádə́ na: I Nə́ɓā kə́ dɔ rā̰ tə́ nəkɔ́ n a rāā kadə̄ kəla yājí a majə ní. Jḭḭ ngé kəla yān gə̄ j-a j-ḭḭ dɔɔ́ yā rāā ɓē. Banī kə́ tām̄ yāsí sḭḭ̄ tə́ ní ta róbə kənge yá̰a̰ aké ta róbə ko̰o̰ ɓē ní sḭḭ̄ ā ə́ngeī kem ɓē kə́ Jerusalem tə́ aĺ ō, a əga kem deē dɔsí tə́ aĺ ō!

PĀ GƏ̄ 102:15

O̰o̰ ngé kəla yāí gə̄ tɔdɔ̄ mbal̄ kəndā kújə́ kə́ tū tə́ gə̄ ngá̰ý, bū loo kə́ ndəbā ɓē kə́ Siyo̰ tə́ gə̄gē kumdə́ o̰o̰də́ tɔdɔ̄ ngá̰ý.