NEHEMI 1:3 - Bibəl ta Sar̄

³ Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

Bible sar

³ Anī nin̄ tél ədamə̄n̄ na de gə̄ ní na ndin̄ na i gō nang kə́ Juda tə́. Banī ndin̄ na i dan yá̰á̰ kə́ to kum kaȳ aĺ kə́ ngá̰ý tə́ ō, kum rɔ̄sɔl̄ tə́ ō. Kə́ tām̄ yā ɓē kə́ Jerusalem tə́ ɓá anī ndogə̄ mbal̄ ń ənīn̄ dɔ tə́ ní dāmə̄n kə́rēý gə̄ na i kə́ tétə̄ nang tə́ kɔ̄ɔ́ ō, bápə gə̄ kə́ ta róbə gə̄ tə́ na i kə́ kəla hor dɔ tə́ kɔ̄ɔ́ ō.

NEHEMI 1:3 Referans Kwoze

NEHEMI 2:17

Tā anī m-ə́dádə́ na: Á̰a̰ī yá̰á̰ kə́ to kum kaȳ aĺ ń jə-ndiīneé toō: Jerusalem i kə́ nujə sák sák kɔ̄ɔ́, bápə́ kə́ ta tə́ gə̄ i kə́ hor o̰o̰ kɔ̄ɔ́! J-aw̄ jə-rāāī ndogə̄ mbal̄ kə́ Jerusalem jə-tɔ̄līneé ta rɔ̄sɔl̄ ń toō kɔ̄ɔ́.

2 MBAN̄G 25:10

Ngol ngé ngɔ̄m̄ dɔ mban̄g adə̄ ɓūtə̄ áskar gə̄ malang kə́ Kalde tə́ gə̄ tɔ̄ɔ̄n̄ ndogə̄ mbal̄ kə́ gidə ɓē kə́ Jerusalem tə́ kɔ̄ɔ́.

NEHEMI 7:6

De gə̄ ń Nabukodonosor mban̄g kə́ Babilon ɔydə́ aw̄ sedə́ dɔ ɓē kə́ rang tə́ ní, ngá̰ý gə̄ tél aw̄n̄ gogə́ Jerusalem ō, dɔ nang kə́ Juda tə́ ō. Nin̄ kógə̄ḿ kógə̄ḿ tél aw̄n̄ kə̄ ɓē yādə́ gə̄ tə́.

NEHEMI 2:13

M̄-teē kɔ̄ɔ́ kem ɓēé ndɔ̄ɔ́ kə ta róbə́ kə́ wól loo tə́ ba m-āw̄ kum kə̄ ta kəɓa man̄ ń a ɓār̄nən̄ na i dərago̰ ní tə́ ō, ta róbə dɔ bū loo tə́ ō. M-ə̄ndā ma̰ȳ ndogə̄ mbal̄ kə́ gidə ɓē kə́ Jerusalem tə́ anī m-á̰a̰ kadə̄ dāmən kə́ tétə̄ nang tə́ gə̄ ton̄ ō, ta róbə́ kə́ tū tə́ gə̄ i kə́ hor o̰o̰ kɔ̄ɔ́ ō.

NEHEMI 2:3

banī m-ə́da na: Kɔ́ɔ̄ ɓē gə̄, yá̰á̰ ń m̄-ndə̄ngā tām̄ yāí tə́ ní i kadə̄ ī-ndi kə kumií ngándáńg! Dan ń ɓē ń dubə̄n̄ kaaḿ gə̄ kemeé ní i kə́ nujə sák sák kɔ̄ɔ́ ō, bápə́ kə́ ta tə́ gə̄ i kə́ hor o̰o̰ kɔ̄ɔ́ ō ní, loo kadə̄ dɔ kumḿ a nelə̄m̄ i ba̰ý?

ESDRAS 5:8

Kɔ́ɔ̄ ɓē gə̄, j-aw̄ gō nang kə́ Juda tə́ kújə yā Nə́ɓā kə́ bo tə́. Adə̄ majə kadə̄ j-ədaī ādə̄ ī-ger̄ gō. Tél n da a rāān̄ kújə yā Nə́ɓā ní gogə́ rang noó kə mbal̄ kə́ tɔ́sə̄ kadə gə̄ ō, kə sáa kāgə̄ gə̄ kə́ kəndā bɔr gidə tə́ gə̄ ō. Əndān̄ kumdə́ gír kəla ní tə́ rāān̄neé adə̄ majə ngá̰ý ō, kəla ní a̰ȳ láẃ ngá̰ý ta jīdə́ tə́ ō.

NŌŌ RƆ̄ 5:1

Kɔ́ɔ̄ɓē ādə̄ əga kemií dɔ yá̰á̰ ń rāājí tə́ ní, ī-teē kumií á̰a̰ń tájə̄ ń de gə̄ tájə̄n̄jí asə naā beé ní.

NŌŌ RƆ̄ 3:61

Kɔ́ɔ̄ɓē, ōō ndū ń tájə̄mə̄n̄ ní ō, loo koō ń a oōn̄ naā dɔḿ tə́ ní ō.

NŌŌ RƆ̄ 1:7

Kem ndɔ̄ gə̄ ń toō ń Jerusalem ndiń kə rɔ̄sɔlɔ̄ɔ́ ō, dáyń dɔɔ́ ō ní, əga kemən dɔ yá̰á̰ kə́ majə ngá̰ý gə̄ malang kə́ kété gə̄ tə́. Dan ń gír deē yān gə̄ əsōn̄ kem jī ngé rɔ̄ɔ̄də́ gə̄ tə́ kanjə̄ kadə̄ deē kógə̄ḿ dḭḭ̄n ní, ngé rɔ̄ɔ̄n gə̄ a̰a̰nən̄ ba əgōn̄ dɔ tɔ́gən kə́ gətóó tə́.

JEREMI 52:14

Ngol ngé ngɔ̄m̄ dɔ mban̄g un ndūn adə̄ ɓūtə̄ áskar gə̄ malang kə́ Kalde tə́ gə̄ adə̄ tɔ̄ɔ̄n̄ ndogə̄ mbal̄ kə́ gidə ɓē kə́ Jerusalem tə́ kɔ̄ɔ́.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

IJAI 43:28

Loo ń noō tə́ m̄-mbə́rē ngār gə̄ kə́ kem loo kə́ táĺ tə́ m̄-tə́nīdə́ kɔ̄ɔ́, m-ə́yá̰ gír de gə̄ yā Jakob adə̄ nujən̄ sedə́ kɔ̄ɔ́, m-ə́yá̰ Israel jī madə̄ ba̰ā̰n gə̄ kə́ ngé tájə̄n tə́.

IJAI 5:5

I beé ní, m̄-ndigə kədasí yá̰á̰ ń m̄-sāā rāā kə ndɔr̄ kāgə̄ nduú yāḿ ní: M-ā m-ɔ̄r̄ ndogə̄ kə́ gidə tə́ kɔ̄ɔ́, kadə̄ dā̰ gə̄ əsan̄ mbī kāgə̄ nduú gə̄ kə́ kemeé ō, m-ā m̄-ɓéngə̄lē ndogə̄ mbal̄ kə́ gidə tə́ kɔ̄ɔ́, kadə̄ ngé mān̄ róbə gə̄ njə̄rān̄ dɔ nán̄g kə́ tū tə́ tə́ kadə̄ tɔ̄ɔ̄ kɔ̄ɔ́ ō.

PĀ GƏ̄ 79:4

Madə̄ ɓējí gə̄ tájə̄n̄jí, de gə̄ ń ndin̄ kə gō gidəjí ní əgōn̄jí ō, mbóon̄ sejí ō.

ESTER 1:1

Gotə najə̄ ń toō i yá̰á̰ kə́ rāā yá̰a̰ ɓāl̄ yā mban̄g Jerses tə́. I Jerses ń o̰o̰ ɓē dɔ nang gə̄ kə́ gír i ɓú kə kutə jōó kə kalən kə́ sīrí gə̄ tə́ ní. Ɓē ko̰o̰ yān əla gír i dɔ nang kə́ Ḛndə tə́ bátə́ ugə̄ń dɔ nang kə́ Etiopi tə́.

NEHEMI 11:3

Ngār gə̄ kə́ ngán ɓē kə́ ndágá gə̄ tə́ ndin̄ i Jerusalem. Banī gotə ngán Israel kə́ rang gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé kəla gə̄ ō, ngán kaa ngé rāā kəla yā Salomo̰ gə̄ ō, ndin̄ i dɔ nang yādə́ tə́ kə̄ kem ɓē yādə́ gə̄ tə́.

ESDRAS 2:1

Gír kojə ń Nabukodonosor mban̄g kə́ Babilon ɔydə́ aw̄ sedə́ dɔ nang kə́ Babilon tə́ ní, de kə́ tū tə́ gə̄ ngá̰ý tél reēn̄ gogə́ Jerusalem ō, dɔ nang kə́ Juda tə́ ō. Nin̄ télən̄ kógə̄ḿ kógə̄ḿ kə̄ ɓē yādə́ gə̄ tə́.

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

Gōsə̄ najə̄ gə̄ 25:28

Deē ń ger̄ kəhɔ rɔ̄n dɔ yá̰á̰ tə́ aĺ ní, to i tītə̄ ɓē kə́ nujə kɔ̄ɔ́ kə́ ndogə̄ mbal̄ gətóo gidə tə́ beē.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

LEBI GƏ̄ 26:31

M-ā m̄-rāā kadə̄ ɓē bo yāsí gə̄ télən̄ ndəba ɓē ō, m-ā m̄-nujə loo kə́ táĺ yāsí gə̄ kɔ̄ɔ́ ō, m-ā m̄-sír̄ sēē ndujə̄ yá̰á̰ kə́ kotə majə yāsí gə̄ ń a sɔlə̄n̄ kemḿ ní to̰ aĺ ō.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.